Subscribe to GoodReturns Malayalam
For Quick Alerts
For Daily Alerts
<p><strong>
</strong>എന്ഇഎഫ്ടി(നെഫ്റ്റ്): ഒരേ ബാങ്കിലേക്കോ മറ്റേതെങ്കിലും ബാങ്കിലേക്കോ ഇലക്ട്രോണിക് രീതിയില് പണം അയയ്ക്കുന്നതിനാണ് നെഫ്റ്റ് എന്നു പറയുന്നത്. 100 രൂപമുതല് രണ്ടു ലക്ഷം രൂപ വരെ ഇത്തരത്തില് അയയ്ക്കാന് സാധിക്കും.</p>
<p>2 ലിങ്ക്ഡ് എക്കൗണ്ട്: ഒരു ബാങ്കിനു കീഴിലുള്ള പരസ്പരം ബന്ധപ്പെടുത്തിയ എക്കൗണ്ടുകളാണിത്. പ്രധാന എക്കൗണ്ടില് നിന്നും ലിങ്ക്ഡ് എക്കൗണ്ടിലേക്കും ലിങ്ക്ഡ് എക്കൗണ്ടില് നിന്ന് പ്രധാനഎക്കൗണ്ടിലേക്കും എളുപ്പത്തില് പണം മാറ്റാന് സാധിക്കും.</p>
<p>3 ട്രാവലേഴ്സ് ചെക്ക്: ബാങ്ക് ഇഷ്യു ചെയ്ത ചെക്കാണിത്. യാത്രക്കിടെ പണം നഷ്ടപ്പെട്ടുപോകാനോ മോഷണം പോകാനോ സാധ്യത കൂടുതലാണ്. ട്രാവലേഴ്സ് ചെക്ക് ഉപയോഗിക്കുകയാണെങ്കില് ഇത്തരം നഷ്ടങ്ങള് ഒഴിവാക്കാന് സാധിക്കും. പണം പോലെ ഉപയോഗിക്കാവുന്ന ഒന്നാണിത്. അതേ സമയം കൗണ്ടര് സൈന് ചെയ്യേണ്ടതിനാല് നഷ്ടപ്പെട്ടുപോയാലും പേടിക്കേണ്ടതില്ല.</p>
<p>4 ബേസ് റേറ്റ്: വായ്പ നല്കുമ്പോള് ഈടാക്കേണ്ട ഏറ്റവും കുറഞ്ഞ നിരക്കാണിത്. ഇതില് കുറഞ്ഞ പലിശയ്ക്ക് വായ്പ നല്കാന് റിസര്വ് ബാങ്ക് അനുവദിക്കില്ല. അതേ സമയം ബാങ്ക് ജീവനക്കാര്ക്കും ഫിക്സഡ് ഡിപ്പോസിറ്റിനു മുകളിലുള്ള വായ്പയ്ക്കും ഇതു ബാധകമല്ല.</p>
<p>5 ബാലന്സ് ട്രാന്സ്ഫര്: ക്രെഡിറ്റ് കാര്ഡുമായി ബന്ധപ്പെട്ട ഒരു ടേമാണിത്. ഒന്നിലധികം കാര്ഡുകള് ഉപയോഗിക്കുന്നവര്ക്ക് ഈ സേവനം ഉപയോഗപ്പെടുത്താം. ക്രെഡിറ്റ് കാര്ഡിലുള്ള ബാലന്സ് മറ്റൊരു കാര്ഡിലേക്ക് മാറ്റുന്ന രീതിയാണിത്.</p>
<p>6 ബാങ്കിങ് ഓംബുഡ്സ്മാന്: ബാങ്കിങ് മേഖലയിലെ സേവനങ്ങളുമായി ബന്ധപ്പെട്ട പരാതികള് നല്കേണ്ടത് ഓംബുഡ്സ്മാനാണ്.</p>
<p>7 കാഷ്ബാക്ക്: ക്രെഡിറ്റ് കാര്ഡുമായി ബന്ധപ്പെട്ട ഒരു ടേമാണിത്. ക്രെഡിറ്റ് കാര്ഡിലൂടെ ചെലവാക്കിയ പണത്തിന്റെ ഒരു നിശ്ചിതശതമാനം തിരിച്ചുനല്കുകയാണ് ചെയ്യുന്നത്. ലഭിച്ച പോയിന്റുകളുടെ അടിസ്ഥാനത്തിലാണ് ഇത് അനുവദിക്കുക.</p>
<p>ക്രെഡിറ്റ് ഹിസ്റ്ററി: ഒരാള് നേരത്തെ വാങ്ങിയ വായ്പകളുടെയും തിരിച്ചടവിന്റെയും റിപ്പോര്ട്ടാണ് ക്രെഡിറ്റ് ഹിസ്റ്ററി. ഇന്ത്യയില് സിബില് എന്ന ഏജന്സിയാണ് ഇത്തരത്തിലുള്ള റിപ്പോര്ട്ടുകള് നല്കുന്നത്. വ്യക്തിഗത വായ്പയ്ക്കും വാഹനവായ്പയ്ക്കും ഭവനവായ്പയ്ക്കും അപേക്ഷിക്കുമ്പോള് ഈ റിപ്പോര്ട്ട് അനുസരിച്ചാണ് പണം അനുവദിക്കുന്നത്. നേരത്തെ വായ്പയെടുത്ത് തിരിച്ചടവുകളില് കാര്യമായ തിരിച്ചടവ് വരുത്തിയിട്ടുണ്ടെങ്കില് സിബില് റിപ്പോര്ട്ടില് നെഗറ്റീവ് മാര്ക്ക് വീഴും. ഇതോടെ ലോണ് കിട്ടാനുള്ള സാധ്യത കുറയും.</p>
<p>കൊളാറ്ററല്: പേഴ്സണല് ലോണ് ഒഴികെയുള്ള വലിയ വായ്പകള്ക്കെല്ലാം തന്നെ ബാങ്കുകള്ക്ക് ഈട് നല്കേണ്ടതുണ്ട്. ഈടായി നല്കുന്ന വസ്തുവിനെയോ സ്ഥലത്തിനെയോ നിക്ഷേപത്തിനെയോ ആണ് കൊളാറ്ററല് സെക്യൂരിറ്റി എന്നു പറയുന്നത്.</p>
<p>ഡോക്യുമെന്റേഷന് ഫീ: വായ്പ അനുവദിക്കുന്നതിന് ബാങ്കിന് പല രേഖകളും ആവശ്യമായി വരും. ഉദാഹരണത്തിന് സിബില് റിപ്പോര്ട്ട്. ഇത്തരം രേഖകള് കരസ്ഥമാക്കുന്നതിനായി ബാങ്ക് ഈടാക്കുന്ന തുകയാണിത്.</p>
<p>12 ഫിക്സഡ് റേറ്റ്: ലോണ് എടുക്കുന്നതുമുതല് അവസാനിക്കുന്നതു വരെ ഒരൊറ്റ റേറ്റ് ഈടാക്കുന്നതിനെയാണ് ഫിക്സഡ് റേറ്റ് എന്നു പറയുന്നത്.</p>
<p>13 ഫ്ളോട്ടിങ് റേറ്റ്: അതാത് സമയത്തുള്ള നിരക്കുകള്ക്കനുസരിച്ച് പലിശ ഇനത്തില് വ്യത്യാസം വരുന്നതാണ് ഫ്ളോട്ടിങ്. റിസര്വ് ബാങ്ക് നയങ്ങള്ക്കനുസരിച്ച് പലിശ കൂട്ടുകയും കുറയ്ക്കുകയും ചെയ്യുന്നതിനാണ് ഇങ്ങനെ സംഭവിക്കുന്നത്.</p>
<p>14എംഐസിആര് കോഡ്: ഒമ്പത് അക്കങ്ങളെയാണ് മാഗ്നറ്റിക് ഇങ്ക് ക്യാരക്ടര് റെകഗ്നിഷന് എന്ന എംഐസിആര് കൊണ്ട് സൂചിപ്പിക്കുന്നത്. സാധാരണ ചെക്കിനു താഴെയായി ഈ നമ്പര് ഉണ്ടാകും. ബാങ്കുകളുടെ ഓരോ ബ്രാഞ്ചിനും പ്രത്യേകം പ്രത്യേകം കോഡുകളാണുണ്ടാവുക. ചെക്കുകളുടെ ഇലക്ട്രോണിക് ക്ലിയറിങ് സാധ്യമാകണമെങ്കില് എംഐസിആര് കോഡ് അത്യാവശ്യമാണ്. എംഐസിആര് കോഡും ഐഎഫ്സിഐ കോഡും വ്യത്യസ്തമാണ്.</p>
<p>15 നോ ഫ്രില്സ് എക്കൗണ്ട്: ഏറ്റവും അടിസ്ഥാന സേവിങ്സ് എക്കൗണ്ടിനെയാണ് നോ ഫ്രില്സ് എക്കൗണ്ട് എന്നു പറയുന്നത്. ഇത്തരം എക്കൗണ്ടുകളില് മിനിമം ബാലന്സ് സൂക്ഷിക്കാതെ എല്ലാ സൗകര്യങ്ങളും ലഭ്യമാകും.</p>
<p>16 ഇലക്ട്രോണിക് ക്ലിയറിങ് സര്വിസ്(ഇസിഎസ്): ബാങ്ക് എക്കൗണ്ടില് നിന്നും നേരിട്ട് പണം ഈടാക്കുന്ന രീതി. എല്ലാ മാസവും നിശ്ചിതതുക എക്കൗണ്ടില് നിന്നും നല്കാനുള്ള നിര്ദ്ദേശം കൂടിയാണിത്.</p>
<p>17പ്രോസസിങ് ഫീ: വായ്പ അപേക്ഷകള് പരിശോധിക്കുന്നതിനും വേണ്ട പേപ്പറുകള് തയ്യാറാക്കുന്നതിനും ബാങ്കുകള് ചെറിയൊരു തുക ഫീസായി ഈടാക്കാറുണ്ട്.</p>
<p>18ആര്ടിജിഎസ്: റിയര് ടൈം ഗ്രോസ് സെറ്റില്മെന്റ് എന്നതിന്റെ ചുരുക്കപ്പേരാണ് ആര്ടിജിഎസ്. രണ്ടു ലക്ഷത്തിനു മുകളിലുള്ള പണം മിനിറ്റുകള്ക്കുള്ളില് ഒരു എക്കൗണ്ടില് നിന്നും മറ്റൊരു എക്കൗണ്ടിലേക്കെത്താന് ആര്ടിജിഎസ് മുഖേന സാധിക്കും.</p>
<p>19 ഐഎഫ്എസ്സി: 11 അക്കങ്ങളുള്ള ബാങ്ക് കോഡാണിത്. ചെക്കിലുള്ള എംഐസിആര് കോഡ് പോലെ തന്നെ ക്ലിയറങിന് ഐഎഫ്എസ്സി കോഡ് നിര്ബന്ധമാണ്. ആദ്യത്തെ നാല് അക്ഷരങ്ങള് ബാങ്കിനെയും അവസാന ആറ് അക്ഷരങ്ങള് ബാങ്ക് ബ്രാഞ്ചിനെയും സൂചിപ്പിക്കുന്നു.</p>
<p>20 കെവൈസി: നോ യുവര് കസ്റ്റമര്(Know your Customer) എന്നതിന്റെ ചുരുക്കമാണിത്. ബാങ്കിലെയും ധനകാര്യസ്ഥാപനങ്ങളിലെയും ഉപഭോക്താക്കളെ കുറിച്ച് വ്യക്തമായ വിവരങ്ങള് ശേഖരിക്കണമെന്ന റിസര്വ് ബാങ്ക് നിര്ദ്ദേശമനുസരിച്ചാണ് ഈ ഫോം തയ്യാറാക്കിയിട്ടുള്ളത്. കസ്റ്റമറെ കുറിച്ചുള്ള വ്യക്തവും ആധികാരികവുമായ രേഖകള് ധനകാര്യസ്ഥാപനങ്ങള് സൂക്ഷിക്കേണ്ടതുണ്ട്.</p>
English summary