<p>കച്ചവടത്തിലോ സേവനത്തിലോ കബളിപ്പിക്കപ്പെട്ടാല് ഉപഭോക്തൃ കോടതി വഴി നീതി നേടിയെടുക്കാനുള്ള വഴികള് ഇവിടെ (<strong><a href="/classroom/2015/01/consumer-forums-whom-what-is-the-purpose-the-forums-000240.html">ഉപഭോക്തൃ ഫോറം ആര്ക്ക്? എന്തിനു വേണ്ടി?</a></strong>). എന്നാല് നേരേ ഉപഭോക്തൃ കോടതിയിലേക്കു പോകുന്നതിനെക്കാള് എളുപ്പത്തില് പ്രശ്നപരിഹാരം നേടാവുന്ന ചില മാര്ഗ്ഗങ്ങള് നോക്കാം.</p> <p>ഓണ്ലൈനായി വാങ്ങിയ ഇലക്ട്രോണിക് സാധനങ്ങളാണ് പലപ്പോഴും പരാതിക്കു കാരണമാകുന്ന ഒരു പ്രധാന ഇനം. മൊബൈല് ഫോണ്, സ്മാര്ട് ഫോണ് എന്നിവ വിശേഷിച്ചും. ഇവ വിറ്റ കടക്കാരനോട്/ വെബ്സൈറ്റുകാരോട് ശണ്ഠ കൂടുന്നതിനു മുന്പ് ഒന്നു ശ്രദ്ധിക്കുക: വില്ക്കുന്നയാളാവില്ല, മിക്കവാറും ഉണ്ടാക്കിയ ആളാകും വാറന്റി നല്കിയിരിക്കുന്നത്. മാനുഫാക്ചറര് വാറന്റി എന്നാണ് പറഞ്ഞിരിക്കുന്നതെങ്കില് അവരുമായി നേരിട്ടു ബന്ധപ്പെട്ട് പ്രശ്നം പരിഹരിച്ചെടുക്കാവുന്നതേയുള്ളൂ. കച്ചവടക്കാരനുമായി സംസാരിച്ചുനോക്കുക; അവര്ക്കു ചിലപ്പോള് കുറച്ചുകൂടി വേഗത്തില് പരിഹാരം നേടിത്തരാന് കഴിയുമെങ്കില് നല്ലത്. അത്രമാത്രം.</p> <p><strong>
For Quick Alerts
For Daily Alerts
</strong></p>
<p>ഉപയോഗിക്കാത്ത സേവനങ്ങള്ക്കു പണം ഈടാക്കുക, യഥാര്ഥ നിരക്കിലുമധികം ഈടാക്കുക, വാഗ്ദാനം ചെയ്ത റീഫണ്ടുകള് നല്കാതിരിക്കുക മുതലായവയൊക്കെ ഓണ്ലൈന് ഇടപാടുകളില് പ്രശ്നമാകാറുണ്ട്. മൊബൈല്, ഡിടിഎച്ച് സേവനങ്ങളും ഇങ്ങനെ അധിക ബില്ലിന്റെയും ഒരേ ബില് ആവര്ത്തിക്കുന്നതിന്റെയും ഒക്കെ പരാതികള് നിറഞ്ഞ ഇടങ്ങളാണ്.<br />ഫോണ് വഴിയാണ് പരാതിപ്പെടുന്നതെങ്കില് ഓരോ തവണയും കോള് സെന്ററിലിരിക്കുന്ന ഓരോരുത്തരാകും കൈകാര്യം ചെയ്യുക; അതിനാല് അവയ്ക്കുള്ള കംപ്ലെയ്ന്റ് നമ്പര്/ റഫറന്സ് നമ്പര്/ റജിസ്ട്രേഷന് നമ്പര് ചോദിച്ചു വാങ്ങണം. എങ്കിലേ അടുത്ത തവണ വിളിക്കുമ്പോള് തുടര്ച്ച ഉറപ്പാക്കാന് കഴിയൂ.</p>
<p>ഒന്നുരണ്ടു പ്രാവശ്യമൊക്കെ പരാതിപ്പെട്ടിട്ടും നടപടിയില്ലെങ്കില് പരാതികള് രേഖാമൂലം (ഇമെയിലോ റജിസ്റ്റേര്ഡ് തപാലോ) ആക്കുക എന്നത് പ്രധാനമാണ്. എങ്കിലേ പിന്നീട് ഉയര്ന്ന മാനേജര്മാരോടോ സര്ക്കാര് ഏജന്സികള് വഴിയോ ഉപഭോക്തൃ കോടതികള് വഴിയോ പരിഹാരം തേടുമ്പോള് തെളിവ് ഹാജരാക്കാന് കഴിയൂ.</p>
<p>കോടതിനടപടികളെക്കാള് വേഗത്തില് കാര്യങ്ങള് തീര്പ്പാക്കാന് കഴിയുന്ന ചില സര്ക്കാര് സംവിധാനങ്ങളാണ് ചുവടെ പറയുന്നത്. അവിടെയും പരിഹാരമാകുന്നില്ലെങ്കില് മാത്രം കോടതിയിലേക്കു നീങ്ങിയാല് മതിയെന്നു വയ്ക്കുന്നതാകും ബുദ്ധി.</p>
<p>1. ഉപഭോക്തൃകാര്യ മന്ത്രാലയത്തിന്റെ വെബ്സൈറ്റ്, ഫോണ്, എസ്എംഎസ് സേവനങ്ങള്<br />a. <a href="http://core.nic.in/">http://core.nic.in</a>, <a href="http://www.nationalconsumerhelpline.in/ComplaintFile.aspx">http://www.nationalconsumerhelpline.in/ComplaintFile.aspx</a> എന്നീ വെബ്സൈറ്റുകളില് പരാതി രേഖപ്പെടുത്താം<br />b. 1800 11 4000 എന്ന ടോള് ഫ്രീ നമ്പരില് വിളിക്കാം. വിളിക്കുന്നതിനും പണം ചെലവാകില്ല.<br />c. 011-23708391 എന്ന ഡല്ഹി നമ്പരില് വിളിക്കാം. സാധാരണ ഫോണ് കോളിന്റെ ചെലവു വരും.<br />d. 813 000 9809 എന്ന നമ്പരിലേയ്ക്ക് എസ്എംഎസ് അയയ്ക്കാം. നിരക്കുകള് ബാധകം.</p>
<p>2. ബാങ്കുകളെക്കുറിച്ചുള്ള പരാതികള് ആദ്യം അതതു ബാങ്കില് നല്കണം. അവിടെ പരിഹാരമാകുന്നില്ലെങ്കില് ബാങ്കിങ് ഓംബുഡ്സ്മാനോടു പരാതിപ്പെടാം. അതിനായി റിസര്വ് ബാങ്ക് ഏര്പ്പെടുത്തിയിട്ടുള്ള വെബ്സൈറ്റാണ് <a href="https://secweb.rbi.org.in/BO/precompltindex.htm">https://secweb.rbi.org.in/BO/precompltindex.htm</a>.</p>
<p>3. ഇന്ഷുറന്സ് സംബന്ധമായ പരാതികള്ക്ക് 155255, 1800 4254 732 എന്നീ നമ്പരുകളില് വിളിക്കാം; അല്ലെങ്കില് complaintsirda.gov.in എന്ന ഇമെയിലില് അയയ്ക്കാം.</p>
<p>4. ഫോണ്/ മൊബൈല് സേവനങ്ങള് സംബന്ധിച്ച പരാതികള്ക്ക് ട്രായിയുമായി ബന്ധപ്പെടാം. ഫോണ് നമ്പരുകള്: Mobile:+91 11 2323 6308, +91 11 2323 3466, +91 11 2323 2322, Fax:+91 11 2321 3294. വെബ്സൈറ്റ്: <a href="http://www.consumercomplaints.in/new_complaint/?fromcompany=TRAI">http://www.consumercomplaints.in/new_complaint/?fromcompany=TRAI</a>.</p>
English summary
How to resole consumer disputes via consumer forums,TRAI, and ombudsman
English summary
How to resole consumer disputes via consumer forums,TRAI, and ombudsman