പ്രത്യക്ഷമായും പരോക്ഷമായും ഏതെങ്കിലുമൊക്കെ വിധത്തില് നികുതി അടയ്ക്കുന്നവരാണ് നമ്മളില് പലരും. അതുമാത്രമല്ല തൊഴിലിടങ്ങളില് നിന്നും ചെറിയൊരു ശതമാനം ശമ്പളം നികുതി ഇനത്തിലേയ്ക്ക് മാറ്റുന്നുണ്ട്. എന്തിനാണ് പണം ഇങ്ങനെ മാറ്റുന്നതെന്ത് പോലും മിക്കവര്ക്കും അറിയില്ലെന്നുള്ളതാണ് സത്യം. എന്നാല് ഇന്കം ടാക്സ് അടച്ചതിന് ശേഷവും ആദായ നികുതി വകുപ്പില് നിന്ന് നോട്ടീസ് ലഭിച്ചാല് എന്തു ചെയ്യും?എന്ത് കാരണം കൊണ്ടാണ് ഇങ്ങനെ നോട്ടീസ് കിട്ടുന്നത്?ഇത് പലര്ക്കും ഞെട്ടലുണ്ടാക്കും. ഇന്കം ടാക്സ് റിട്ടേണ്സ് ഫയല് ചെയ്ത ശേഷവും നോട്ടീസ് വരുന്നത് എന്തുകൊണ്ട്?നോക്കാം..
നികുതി പരിധിയില് ആക്കാന്
ആദായ നികുതി വകുപ്പ്, നികുതി പരിധിയില് എല്ലാവരെയും ഉള്പ്പെടുത്തുന്നതിനും നിയന്ത്രണങ്ങള് ശക്തമാക്കുന്നതിന്റെ ഭാഗമായും ഇന്കം ടാക്സ് നോട്ടീസ് അയക്കാറുണ്ട്.
നിങ്ങള് നല്കിയ തെറ്റായ വിവരങ്ങള്
ഇന്കം ടാക്സ് റിട്ടേണ് ഫയല് ചെയ്യുമ്പോള് നിങ്ങള് തെറ്റായ വിവരങ്ങള് നല്കിയിട്ടുണ്ടെങ്കില് ആദായനികുതി വകുപ്പില് നിന്നും നോട്ടീസ് വരാന് സാധ്യതയുണ്ട്. ആദായ നികുതി റിട്ടേണ് ഫോം കൃത്യമായി പൂരിപ്പിക്കണം. പേര്, മേല്വിലാസം, പാന് കാര്ഡ് നമ്പര് എന്നിവ ശരിയായി നല്കിയില്ലെങ്കില് ഇന്കം ടാക്സ് നോട്ടീസ് വരും.
പാന് കാര്ഡ് നിര്ബന്ധം: ഫെബ്രുവരി 28ന് മുമ്പ് ബാങ്ക് അക്കൗണ്ടുമായി ബന്ധിപ്പിക്കണം
റിട്ടേണ് സമര്പ്പിക്കാതെ ടാക്സ് അടക്കരുത്
ടാകസ് മാത്രം അടച്ച് ടാക്സ് റിട്ടേണ് സമര്പ്പിക്കാതിരുന്നാലും, അവസാന തീയതി കഴിഞ്ഞാണ് റിട്ടേണ് സമര്പ്പിച്ചതെങ്കിലും ഇന്കം ടാക്സ് നോട്ടീസ് വരും.
വരുമാനത്തിലുള്ള വ്യത്യാസം
നിങ്ങളുടെ ശരിക്കുള്ള വരുമാനവും സമര്പ്പിച്ച വരുമാനകണക്കും തമ്മില് വ്യത്യാസമുണ്ടെങ്കില് ഇന്കം ടാക്സ് നോട്ടീസ് അയയ്ക്കുന്നതാണ്.
കൂടാതെ ഒരു വീടു വാങ്ങുകയോ അക്കൗണ്ടില് കൂടുതല് തുകയുടെ കൈമാറ്റം നടക്കുകയോ തുടങ്ങി നിങ്ങളുടെ സാമ്പത്തികസ്ഥിതിയില് പെട്ടെന്നു എന്തു വലിയ മാറ്റങ്ങളുണ്ടായാലും ഇന്കം ടാക്സ് നോട്ടീസ് ലഭിക്കാം.
നിക്ഷേപങ്ങള്ക്ക് കിട്ടിയ പലിശക്ക് നികുതി കൊടുത്തില്ലെങ്കില് കുടുങ്ങുമെന്നുറപ്പാണ്. കാരണം ആദായ നികുതി വകുപ്പിന് നിങ്ങളുടെ അക്കൗണ്ട് വിവരങ്ങള് പരിശോധിക്കാന് വളരെ എളുപ്പമാണ്.