English हिन्दी ಕನ್ನಡ தமிழ் తెలుగు

ഇനി രണ്ട് ദിവസം മാത്രം, പാൻ കാർഡിന് പൂട്ട് വീഴും; ആധാറും പാനും എങ്ങനെ ബന്ധിപ്പിക്കാം?

Posted By:
Subscribe to GoodReturns Malayalam

ആദായ നികുതി വകുപ്പ് ആധാറും പാൻ കാർഡും തമ്മിൽ ബന്ധിപ്പിക്കുന്നത് നിർബന്ധമാക്കിയിരിക്കുകയാണ്. ജൂൺ 30 ആണ് ആധാറും പാനും ബന്ധിപ്പിക്കേണ്ട അവസാന തീയതി. ജൂലൈയ് 1 മുതൽ പാൻ കാ‍‌ർഡിനായി അപേക്ഷിക്കുന്നതിന് ആധാ‍ർ നിർബന്ധമാണ്.

എങ്ങനെ ബന്ധിപ്പിക്കാം?

ആദായ നികുതി വകുപ്പ് ആധാറും പാനും തമ്മിൽ ബന്ധിപ്പിക്കുന്നത് വളരെ എളുപ്പമാക്കിയിട്ടുണ്ട്. ഇതിനായി നിങ്ങൾ താഴെപ്പറയുന്ന കാര്യങ്ങൾ ചെയ്യണം.

  • ആദ്യം ഐടി വകുപ്പിന്റെ ഔദ്യോഗിക വെബ്സൈറ്റായ www.incometaxindiaefiling.gov.in തുറക്കുക.
  • തുടർന്ന് ഇടതു വശത്ത് കാണുന്ന ലിങ്ക് ആധാറിൽ (link aadhaar) ക്ലിക്ക് ചെയ്യുക. അപ്പോൾ നിങ്ങൾക്ക്നി ഒരു പുതിയ വിൻഡോ ലഭിക്കും.
  • ഇവിടെ നിങ്ങളുടെ പാൻ, ആധാർ നമ്പറുകളും ആധാർ കാർഡിൽ നൽകിയിരിക്കുന്നതു പോലെ തന്നെ പേരും രേഖപ്പെടുത്തുക. 
  • അക്ഷരതെറ്റുകൾ പരിശോധിച്ച ശേഷം സബ്മിറ്റ് ഓപ്ഷനിൽ ക്ലിക്ക് ചെയ്യുക
  • യുഐഡിഎഐയിൽ നിന്നുള്ള വേരിഫിക്കേഷനുശേഷം ലിങ്കിംഗ് സ്ഥിരീകരിക്കും.

 

ആധാർ ഒ.ടി.പി

ആധാറിലെ യഥാർത്ഥ വിവരങ്ങളും നിങ്ങൾ നൽകിയ വിവരങ്ങളും തമ്മിൽ എന്തെങ്കിലും പൊരുത്തക്കേടുണ്ടെങ്കിൽ ആധാറുമായി ബന്ധിപ്പിച്ചിരിക്കുന്ന മൊബൈൽ ഫോണിലേയ്ക്ക് ഒറ്റ തവണ പാസ്വേർഡ് (ആധാർ ഒടിപി) അയയ്ക്കും. പാൻ, ആധാർ എന്നിവയിലെ ജനനത്തീയതിയും ലിംഗയും കൃത്യമാണെന്നും ഉറപ്പുവരുത്തണം. ഇതിന് ഇ-ഫിലിംഗ് വെബ്സൈറ്റിൽ ലോഗിനോ രജിസ്റ്ററോ ചെയ്യേണ്ട ആവശ്യമില്ല. പാൻ കാർഡ് ആധാറുമായി ബന്ധിപ്പിക്കാൻ ആർക്കും ഈ സൗകര്യം ഉപയോഗിക്കാം.

പേരുകളിലെ മാറ്റം

ആധാറിലെ പേരും പാൻ കാർഡിലെ പേരും വ്യത്യസ്തമാണെങ്കിൽ ആധാറും പാനും തമ്മിൽ ബന്ധിപ്പിക്കാൻ സാധിക്കില്ല. ഏതെങ്കിലും ഒന്നിലെ പേര് തിരുത്തിയെങ്കിൽ മാത്രമേ ആധാറും പാനും ബന്ധിപ്പിക്കാൻ കഴിയൂ.

വിവരങ്ങൾ അപ്ഡേറ്റ് ചെയ്യുക

നിങ്ങളുടെ പാൻ വിവരങ്ങൾ അപ്ഡേറ്റ് ചെയ്യുന്നതിന് എൻ.എസ്ഡി.എല്ലുമായി ബന്ധപ്പെടണം.
https://www.onlineservices.nsdl.com/paam/endUserRegisterContact.htm എന്ന എൻഎസ്ഡിഎല്ലിന്റെ വെബ്സൈറ്റോ യുഐഡിഎയുടെ വെബ്സൈറ്റായ https://ssup.uidai.gov.in/web/guest/update ഉം ഇതിനായി ഉപയോഗിക്കാം. എന്നാൽ ലോഗിൻ ചെയ്തതിന് ശേഷം മാത്രമേ വിവരങ്ങൾ അപ്ഡേറ്റ് ചെയ്യാൻ സാധിക്കൂ. ഇതിനായി പ്രൊഫൈൽ സെറ്റിംഗിൽ നിന്ന് ആധാർ ലിങ്കിംഗ് തിരഞ്ഞെടുക്കുക. പാൻ വിവരങ്ങൾ ഇതിൽ മുൻകൂട്ടി രേഖപ്പെടുത്തിയിട്ടുണ്ടാകും. തുടർന്ന് ആധാർ നമ്പറും ആധാർ കാർഡിൽ നൽകിയിരിക്കുന്ന പേരും കൃത്യമായി നൽകിയ ശേഷം സബ്മിറ്റ് ചെയ്യുക.

ഇ - വേരിഫിക്കേഷൻ എളുപ്പത്തിൽ

ആധാറും പാനും തമ്മിൽ ബന്ധിപ്പിക്കാൻ വളരെ എളുപ്പമുള്ള മാർഗമാണ് ഐടി ഡിപ്പാർട്ട്മെന്റ് ഒരുക്കിയിരിക്കുന്നത്. ആധാർ OTP ഉപയോഗിച്ച് ആദായ നികുതി റിട്ടേണുകളുടെ ഇ - വേരിഫിക്കേഷൻ നടത്താനും എളുപ്പത്തിൽ സാധിക്കും.

malayalam.goodreturns.in

English summary

How To Link PAN With Your Aadhaar Quickly?

The Income Tax Department has made it easy for taxpayers to link their PAN with Aadhaar. You need to do the following
Please Wait while comments are loading...
Company Search
Enter the first few characters of the company's name or the NSE symbol or BSE code and click 'Go'
Thousands of Goodreturn readers receive our evening newsletter.
Have you subscribed?

Find IFSC