Rupee closes at more than twoyear low at 66.76

ഡോളറിനെതിരെ രൂപയുടെ മൂല്യം കുറഞ്ഞു. 19 പൈസ താഴ്ന്ന് 66.76 ആണ് രൂപയുടെ മൂല്യം. രണ്ട് വര്‍ഷത്തെ ഏറ്റവും താഴ്ന്ന നിലയാണിത്. ഒരു മാസത്തിനിടെ 2.2 ശതമാനമാണ് മൂല്യത്തില്‍ കുറവുണ്ടായത്.

രൂപയുടെ മൂല്യം രണ്ട് വര്‍ഷത്തെ ഏറ്റവും താഴ്ന്ന നിലയില്‍

66.89 വരെ ശനിയാഴ്ചത്തെ വ്യാപാരത്തില്‍ കുറവുവന്നെങ്കിലും 66.76ലേക്ക് തിരിച്ചുവരികയായിരുന്നു.യു.എസ് ഫെഡറല്‍ റിസര്‍വ് പലിശനിരക്കുകള്‍ വര്‍ധിപ്പിക്കുമെന്ന ധാരണയില്‍ വിദേശ നിക്ഷേപകര്‍ രാജ്യത്തെ വിപണിയില്‍ നിന്ന് പിന്‍മാറിയതാണ് രൂപക്ക് കോട്ടം സംഭവിക്കാന്‍ കാരണം.3,207 കോടിയുടെ കടപത്രങ്ങളാണ് ഈ മാസം വിദേശ നിക്ഷേപകര്‍ വിറ്റഴിച്ചത്.