വ്യക്തിഗത ആദായനികുതിദായകര്ക്ക് വരുമാനം സംബന്ധിച്ച കണക്കുകള് നോക്കി നികുതി ഒടുക്കേണ്ട അവസാന തീയതിയാണ് ജൂലൈ 31.വാണിജ്യ നികുതിക്കാര്ക്ക് 2016 സെപ്റ്റംബര് 30 ആണ് അവസാന തീയതി.
ഒരാളുടെ വാര്ഷിക വരുമാനം അനുസരിച്ചാണ് നികുതി ഒടുക്കേണ്ടത്. ഏപ്രില് 1 മുതല് മാര്ച്ച് 31 വരെയുള്ള കാലയളവാണ് നികുതി കണക്കാക്കുന്നതിന് അടിസ്ഥാനം. നികുതി കൃത്യമായി അടച്ചതുകൊണ്ട് മാത്രം കാര്യമായില്ല. അതുസംബന്ധിച്ച കണക്കുകള്കൂടി ആദായ നികുതി വകുപ്പില് സമര്പ്പിച്ചാലേ നികുതിദായകരുടെ ബാധ്യത തീരൂ. അതിനുള്ള നിര്ണായക ദിനമാണ് ജൂലൈ 31.
ആദായനികുതി ഫയലിങ്ങ് രണ്ട് ഭാഗങ്ങളായി തിരിക്കാം. നടപ്പുവര്ഷവും കഴിഞ്ഞ വര്ഷവും.വരുമാനം നേടിയ വര്ഷമാണ് കഴിഞ്ഞ വര്ഷം നികുതി ഈടാക്കുന്ന വര്ഷമാണ് നടപ്പുവര്ഷം.
201516 വര്ഷത്തില് 2.5 ലക്ഷം രൂപയേക്കാള് വരുമാനം നിങ്ങള്ക്കുണ്ടെങ്കില് നിങ്ങള് തീര്ച്ചയായും ആദായ നികുതി റിട്ടേണ് സമര്പ്പിക്കണം. 5 ലക്ഷത്തിലധികം വരുമാനം ഉള്ളവര്ക്ക് ടാക്സ് ഇ-ഫയലിംഗ് നിര്ബന്ധമാണ്. മുതിര്ന്ന പൗരന്മാര്ക്ക് (60 വയസിനും 80 വയസിനും ഇടക്കുള്ള നികുതിധായകര്) ഈ പരിധി 3 ലക്ഷമാണ്. 80 വയസിന് മുകളിലുള്ള നികുതിധായകര്ക്ക് ഈ പരിധി 5 ലക്ഷമാണ്.
നികുതി ലാഭിക്കുമ്പോള് പറ്റുന്ന 4 അബദ്ധങ്ങള്
ജൂലൈ 31 തെറ്റിയാല് ചില നഷ്ടങ്ങള് ഉണ്ടാകാം.നികുതി അടക്കാന് വൈകി ക്കഴിഞ്ഞാല് 5000 രൂപ പിഴയായി നല്കണം. ചില സമയങ്ങളില് നികുതി വകുപ്പ് മറ്റെന്തെങ്കിലും കാരണങ്ങളാല് അവസാന തീയതി മാറ്റി നിശ്ചയിക്കാറുണ്ട് . അങ്ങനെയാണെങ്കില് പുതിയ തീയതി വിജ്ഞാപനം ചെയ്യും . കഴിഞ്ഞ വര്ഷം ഫോമിലുള്ള മാറ്റങ്ങളെ തുടര്ന്ന് ആദായനികുതിവകുപ്പ് അവസാന തീയതി നീട്ടിവെച്ചിരുന്നു.