പലപ്പോഴും സാധനങ്ങള് വാങ്ങുമ്പോഴുള്ള പതിവ് ചോദ്യമാണിത്. കാര്ഡ് വഴി പണം നല്കുമ്പോള് ബില് തുകയുടെ മൂന്ന് ശതമാനം അധികം നല്കേണ്ടിവരും.അല്ലെങ്കില് അടുത്തുള്ള എടിഎം കൗണ്ടറില് നിന്നും പണം പിന്വലിച്ച് നല്കണം.
ഈ സ്ഥിതിക്ക് മാറ്റം വരാന് പോവുകയാണ്. കടലാസ് പണത്തിന്റെ ഉപയോഗം കുറക്കുന്നതിന്റെ ഭാഗമായി കാര്ഡുപയോഗിച്ചുള്ള ഇടപാടുകള്ക്ക് അധികമായി ഫീസ് ഈടാക്കുന്നത് ഒഴിവാക്കാന് കേന്ദ്ര മന്ത്രിസഭ തീരുമാനമെടുത്തു.
കൂടുതല് കൂടുതല് സാമ്പത്തിക ഇടപാടുകള് കാര്ഡുള്പ്പെടെയുള്ള ഇലക്ട്രോണിക് മാര്ഗങ്ങളിലൂടെ നടപ്പാക്കുന്നതിന് ഈ നടപടി പ്രോത്സാഹനമാവും.
നികുതി ഒഴിവാക്കുന്നതിനായി പണം നല്കി സാധനങ്ങള് വാങ്ങുകയും സാമ്പത്തിക ഇടപാടുകള് നടത്തുന്നതും തടയുക എന്ന ലക്ഷ്യമാണ് സര്ക്കാര് തീരുമാനത്തിന് പിന്നില്.
കാര്ഡ് ഉപയോഗം സര്വസാധാരണമായ ഈ കാലത്ത് ക്രഡിറ്റ് കാര്ഡ് ഉപയോഗിച്ച് ട്രെയിന് ടിക്കറ്റ് ബുക്ക് ചെയ്യുന്നത്,ഇന്ധനം നിറക്കുന്നത്,സിനിമാടിക്കറ്റ് ബുക്ക് ചെയ്യുന്നത് എന്നിവയിലെ അധികവില ഒഴിവാകുന്നത് സാധാരണക്കാര്ക്ക് വലിയ ആശ്വാസമാവും.