ന്യൂഡല്ഹി: ആഭ്യന്തര എയര്ലൈന് സര്വീസുകളായ ഗോ എയര്,എയര് ഏഷ്യ, ഇന്ഡിഗോ എന്നിവ ബാഗേജ് ചാര്ജ് വര്ധിപ്പിച്ചു.
ഇനിമുതല് യാത്ര ചെയ്യുന്നവര് കിലോഗ്രാമിന് 300 രൂപ അധികമുള്ള 20 കിലോ ബാഗേജിന് നല്കേണ്ടി വരും.മുന്പ് 250 രൂപയാണ് കിലോഗ്രാമിന് ഈടാക്കിയിരുന്നത്. വിമാന കമ്പനികള് അവരുടെ വെബ്സൈറ്റിലൂടെ അറിയിച്ചതാണിക്കാര്യം.
ജെറ്റ് എയര്വേസില് 900 രൂപ
നിശ്ചിത ഭാരത്തില്ക്കൂടുതലുള്ള ഹാന്ഡ് ബാഗുകളുമായി സഞ്ചരിക്കുന്നവരില്നിന്ന് 900 രൂപ ഈടാക്കാന് ജെറ്റ് എയര്വേസ് കഴിഞ്ഞ ആഴ്ച തീരുമാനിച്ചിരുന്നു.
ഫീസില്ലാതെ 15 കിലോഗ്രാം
നിലവില് ആഭ്യന്തര സര്വീസുകളില് എയര്ഇന്ത്യ ഒഴികെയുള്ള കമ്പനികള് ഫീസില്ലാതെ 15 കിലോഗ്രാം ബാഗേജുമായി സഞ്ചരിക്കാന് യാത്രക്കാരെ അനുവദിക്കുന്നുണ്ട്.
എയര്ഇന്ത്യയില് 25 കിലോഗ്രാം
എയര്ഇന്ത്യയില് 25 കിലോഗ്രാം ബാഗേജ് വരെ അധിക ചാര്ജില്ലാതെ യാത്ര ചെയ്യാവുന്നതാണ്.
സ്പൈസ്ജെറ്റ്
20 കിലോയില് കൂടുതല് ഭാരത്തിന് 300 രൂപയാണ് കിലോഗ്രാമിന് സ്പൈസ്ജെറ്റ് ഈടാക്കുന്നത്.