ബെംഗളൂരു: ഐടി മേഖലയിലെ തൊഴില് നഷ്ടങ്ങള് കാര്യമാക്കേണ്ട. ബിഗ് ഡാറ്റ,ഓട്ടോമേഷന്, ആര്ട്ടിഫിഷ്യല് ഇന്റലിജന്സ്, ഇന്റര്നെറ്റ് ഓഫ് തിംഗ്സ് എന്നിവ പുതിയ തൊഴിലവസരങ്ങള് സൃഷ്ടിക്കും.
സോഫ്റ്റ് വെയര് സര്വീസ് കമ്പനികളുടെ അസോസിയേഷനായ നാസ്കോമാണ് പുതിയ സാങ്കേതിക വിദ്യകള് തൊഴിലവസരങ്ങള്ക്ക് വഴിവെക്കുമെന്ന് വ്യക്തമാക്കിയത്. ഐടി രംഗത്തെ ആഗോള മാന്ദ്യവും വര്ധിച്ചുവരുന്ന ഓട്ടോമേഷനും കാരണം ക്യാമ്പസ് നിയമനങ്ങള് കുറയ്ക്കാന് ഐടി കമ്പനികള് തയ്യാറെടുക്കുന്നുണ്ട്. ഈ സാഹചര്യത്തിലാണ് നാസ്കോം പ്രതീക്ഷ നല്കുന്ന വിവരങ്ങള് പുറത്തുവിടുന്നത്.
പുതിയ സാഹചര്യത്തില് ഐടി മേഖലയ്ക്കു പുറത്താണ് പുതിയ തൊഴിലവസരങ്ങള് സൃഷ്ടിക്കപ്പെടുകയെന്നും അതിന് കാരണമാവുക ഐടി മേഖലയാണെന്നും നാസ്കോം പ്രസിഡന്റ് ആര് ചന്ദ്രശേഖര് വ്യക്തമാക്കി.
ഐടി കയറ്റുമതിയില് ഈ വര്ഷം കഴിഞ്ഞ വര്ഷത്തേക്കാള് കുറഞ്ഞ വളര്ച്ചാനുപാതമാണ് നാസ്കോം കണക്കാക്കുന്നത്.