Subscribe to GoodReturns Malayalam
For Daily Alerts
കൊച്ചി: സംസ്ഥാനത്ത് സ്വര്ണവില കുറഞ്ഞു. പവന് 120 രൂപ കുറഞ്ഞ് 23,360 രൂപയായി. ഗ്രാമിന് 15 രൂപ കുറഞ്ഞ് 2920 രൂപയാണ്.
ഒരാഴ്ചയായി 23,480 രൂപയായിരുന്നു സ്വര്ണവില. ആഗോള വിപണിയില് വില കുറഞ്ഞതാണ് ആഭ്യന്തര വിപണിയിലും പ്രതിഫലിച്ചത്.
ചിങ്ങമാസം ആരംഭിച്ചതോടെ കേരളത്തില് വിവാഹസീസണ് ആരംഭിച്ചത് സ്വര്ണത്തിന് ഡിമാന്റ് ഉയരാന് കാരണമായിരുന്നു. ഇതോടെ സ്വര്ണവിലയും കുതിച്ചുകയറി.
ആഗസ്റ്റ് മാസത്തിലെ ഏറ്റവും ഉയര്ന്ന വിലയായിരുന്നു കഴിഞ്ഞ ദിവസം സ്വര്ണത്തിന്. വിവാഹ സീസണ് മുന്നില് കണ്ട് ഇടപാടുകാര് ആഭരണ കേന്ദ്രങ്ങളില് താത്പര്യം കാണിക്കുന്നുണ്ട്. പവന്റെ വില വീണ്ടും ഉയരുമെന്ന ആശങ്കയില് വിവാഹ പാര്ട്ടികള് ആദ്യം തന്നെ ബുക്ക് ചെയ്തതും സ്വര്ണത്തിന്റെ ഡിമാന്ഡ് ഉയരാന് കാരണമായിരുന്നു.
English summary
Gold price declined in Kerala
Story first published: Thursday, August 25, 2016, 13:33 [IST]