ബെംഗളൂരു: റിലയന്സ് ജിയോ രാജ്യത്ത് തരംഗമായതോടെ മത്സരിക്കാന് വോഡഫോണ് പുതിയ ഓഫറുമായി രംഗത്തെത്തി.
ഒരു ജിബി ഡാറ്റാ നിരക്കില് 10 ജിബിയാണ് വോഡഫോണില് ലഭിക്കുക. ഒരു ജിബിക്ക് 9 ജിബിയാണ് ഫ്രീയായി വോഡഫോണ് നല്കുക.
ഓഫര് ആര്ക്കൊക്കെ
4 ജി സ്മാര്ട്ഫോണ് ഉപയോക്താക്കള്ക്കാണ് പുതിയ ആനുകൂല്യം ലഭിക്കുകയുള്ളൂ. പ്രീപെയ്ഡ് ഉപയോക്താക്കള്ക്കും പോസ്റ്റ്പെയ്ഡ് ഉപയോക്താക്കള്ക്കും പുതിയ ഓഫര് ലഭ്യമാകും.
250ല് 10 ജിബി
ഇപ്പോള് വോഡഫോണിന്റെ ഒരു ജിബി ഡാറ്റക്ക് 250 രൂപയാണ് നിരക്ക്. ഒരു ജിബിയും അതിനുമുകളിലുള്ളതുമായ ഡാറ്റാ പ്ലാനുകള് റീചാര്ജ് ചെയ്യുമ്പോള് 9 ജിബി ഡാറ്റ കൂടി കിട്ടും. ഡിസംബര് 31 വരെയാണ് പുതിയ ഓഫറിന്റെ കാലാവധി.
ഓഫര് എവിടെയെല്ലാം
മുംബൈ,ഡല്ഹി,കൊല്ക്കത്ത എന്നീ നഗരങ്ങളില് എല്ലാ സമയത്തും ഈ ഓഫര് ലഭിക്കും. യുപി,ഹരിയാന,കേരളം,ഗുജറാത്ത്, പശ്ചിമബംഗാള്,കര്ണാടക,തമിഴ്നാട്,മഹാരാഷ്ട്ര,ഗോവ,അസം,രാജസ്ഥാന്, വടക്ക് കിഴക്ക് സംസ്ഥാനങ്ങള് എന്നിവിടങ്ങളില് രാത്രി 12 മണി മുതല് രാവിലെ 6 മണി വരെ മാത്രമേ ഈ ഓഫര് ലഭിക്കുകയുള്ളൂ.
എയര്ടെലിലും കിടിലന് ഓഫര്
90 ദിവസം അണ്ലിമിറ്റഡ് 4 ജി സേവനം നല്കുന്ന സെപ്ഷ്യല് ഡാറ്റാ പാക്കാണ് എയര്ടെല് കഴിഞ്ഞ ദിവസം അവതരിപ്പിച്ചത്. പ്രത്യേക പാക്കിന് 1,495 രൂപയാണ് എയര്ടെല് 4 ജി ഉപഭോക്താക്കള് നല്കേണ്ടി വരുക. Read Also: എപ്പോഴും ഇന്റര്നെറ്റ്, എയര്ടെലില് 90 ദിവസം അണ്ലിമിറ്റഡ് 4ജി
ഞെട്ടിച്ചത് ബിഎസ്എന്എല്
4ജി യൂസര്മാര്ക്ക് മാത്രമായുള്ള ജിയോയില് നിന്നും വ്യത്യസ്തമായി 2 3ജി,2ജി ഉപയോക്താക്കള്ക്ക് ഫ്രീകോള് വാഗ്ദാനമാണ് ബിഎസ്എന്എല് മുന്നോട്ട് വയ്ക്കുന്നത്. ജിയോയുടെ 149 രൂപയുടെ ബേസ് പ്ലാനിനേക്കാള് കുറഞ്ഞ താരിഫാണ് ബിഎസ്എന്എല് നല്കുക. 1099 രൂപയില് അണ്ലിമിറ്റഡ് 3ജി ഡാറ്റ പ്ലാന് ബിഎസ്എന്എല് നേരത്തെ അവതരിപ്പിച്ചിരുന്നു. Read Also: ഫ്രീ കോളുമായി ബിഎസ്എന്എല്, കിടിലന് ഓഫറുകള് വീണ്ടും
റിലയന്സ് ജിയോ
മൂന്ന് മാസം അണ്ലിമിറ്റഡ് ഇന്റര്നെറ്റും വോയ്സ് കോളും നല്കിയാണ് ജിയോ ഇന്ത്യന് ടെലികോം രംഗത്തെ ഞെട്ടിച്ചത്. പ്രതിദിനം 4ജിബി 4ജി ഡേറ്റാ ഫ്രീയായി ഉപയോഗിക്കാം. ഡിസംബര് 31 വരെയാണ് സൗജന്യ ഓഫര്. അതുകഴിഞ്ഞാല് ഡാറ്റാ പ്ലാനുകള് തെരഞ്ഞെടുക്കണം.