മുംബൈ: നാല് ദിവസത്തെ തുടര്ച്ചയായ നഷ്ടങ്ങള്ക്ക് ശേഷം ടാറ്റയുടെ ഓഹരികളുടെ വിലയുയര്ന്നു. സ്റ്റോക് എക്സ്ചേഞ്ചില് ടാറ്റയുടെ പല ഓഹരികളും നേട്ടത്തിലാണ് വ്യാപാരം നടത്തി കൊണ്ടിരിക്കുന്നത്.
സിറസ് മിസ്ട്രിയുടെ പുറത്താക്കലിനെത്തുടര്ന്ന് ടാറ്റയുടെ ഓഹരകളില് വന് ഇടിവാണ് രേഖപ്പെടുത്തിയത്. ടാറ്റ ഇലക്സി,ടാറ്റമോേട്ടാഴ്സ്, ടാറ്റ കമ്മ്യുണിക്കേഷന്സ്, ടാറ്റ ബീവറേജസ്, ടാറ്റ കെമിക്കല്സ്, ടാറ്റ പവര്, ടാറ്റ സ്റ്റീല്, വോള്ട്ടാസ്, ടൈറ്റാന് എന്നിവയെല്ലാം ഒരു ശതമാനം മുതല് രണ്ട് ശതമാനം വരെ നേട്ടത്തിലാണ് വ്യാപാരം നടത്തികൊണ്ടിരിക്കുന്നത്.
ടാറ്റ ഇലക്സിയാണ് നേട്ടത്തില് മുന്നില്. ടാറ്റ കമ്മ്യൂണിക്കേഷന്സും ടാറ്റ മോട്ടോഴ്സും നേട്ടത്തിലാണ്. കഴിഞ്ഞ ദിവസങ്ങളില് ഏറ്റവും കുടുതല് നഷ്ടം നേരിട്ട ഇന്ത്യ ഹോട്ടല്സും ഇപ്പോള് ലാഭത്തിലാണ്.
1.18 ലക്ഷം കോടിരുപയുടെ മൂല്യശോഷണമുണ്ടാവുമെന്ന സിറസ് മിസ്ട്രിയുടെ വെളിപ്പെടുത്തിലിെന്റ പശ്ചാത്തലത്തില് ബിഎസ്ഇയും എന്എസ്ഇയും ടാറ്റയോട് വിശദീകരണം ആവശ്യപ്പെട്ടിട്ടുണ്ട്.