മൂന്നു വര്ഷത്തെ ഏറ്റവും വലിയ തിരിച്ചടികളിലൂടെയാണ് സ്വര്ണവിപണി കടന്നു പോകുന്നത്. ബുധനാഴ്ച പവന് 120 രൂപ കുറഞ്ഞ് 21360ലെത്തി. ഈ മാസം രേഖപ്പെടുത്തിയ ഏറ്റവും താഴ്ന്ന വിലയാണിത്. അടിസ്ഥാന നിരക്കുകളില് അമേരിക്കന് ഫെഡറല് റിസര്വ് മാറ്റം വരുത്താനിടയുണ്ടെന്ന റിപ്പോര്ട്ടുകളാണ് സ്വര്ണവിപണിയെ സ്വാധീനിച്ചു കൊണ്ടിരിക്കുന്നത്
ഡൊണാള്ഡ് ട്രംപ് പ്രസിഡന്റായി തിരഞ്ഞെടുക്കപ്പെട്ടതിനെ തുടര്ന്നുള്ള രാഷ്ട്രീയ കാലാവസ്ഥയും പൊതുവെയുള്ള അനുകൂല സാമ്പത്തിക സാഹചര്യങ്ങളും നിരക്കില് വര്ധനവുണ്ടാക്കുമെന്ന പ്രതീതി ജനിപ്പിച്ചിട്ടുണ്ട്. സുരക്ഷിത നിക്ഷേപമെന്ന നിലയിലാണ് ആളുകള് പലപ്പോഴും സ്വര്ണത്തില് പണം നിക്ഷേപിക്കുന്നത്.
പലിശനിരക്കില് വര്ധനവുണ്ടായാല് ആളുകള് കൂടുതല് സുരക്ഷിതമായ സര്ക്കാര് കടപ്പത്രങ്ങളിലേക്കും ബോണ്ടുകളിലേക്കും നിക്ഷേപം വഴിതിരിച്ചുവിടും. നിര്ണായകമായ ഈ തീരുമാനം ഡിസംബര് മാസം മധ്യത്തോടെയുണ്ടാകുമെന്നാണ് കരുതുന്നത്. ഇത് മുന്കൂട്ടി കണ്ട് ആളുകള് സ്വര്ണം വിറ്റൊഴിക്കാനും വാങ്ങികൂട്ടുന്നത് ഒഴിവാക്കാനും തുടങ്ങിയത് വിപണിയെ പ്രതികൂലമായി ബാധിച്ചു.
ഒപെക് രാജ്യങ്ങള് ക്രൂഡ് ഓയില് ഉത്പാദനം വെട്ടിക്കുറച്ചതും ഇന്ത്യയിലെ നോട്ട് അസാധുവാക്കല് നടപടികളും ഡോളറിന്റെ കരുത്തു കൂട്ടുന്നതിന് സഹായകമായിയെന്നതാണ് യാഥാര്ത്ഥ്യം. ഡോളറിന്റെ വില ഉയരുന്നതോടെ സ്വര്ണത്തിനോടുള്ള ഡിമാന്റും കുറയുമെന്നതാണ് വില തകരാനുള്ള മറ്റൊരു കാരണം.
ചൈനയുടെ കൈവശമുള്ള കരുതല് സ്വര്ണം പതുക്കെ വിപണിയിലേക്ക് ഒഴുക്കി തുടങ്ങിയതും വിലയെ സ്വാധീനിക്കാന് തുടങ്ങിയിട്ടുണ്ട്.യൂറോപ്യന് യൂനിയനെ കഴിഞ്ഞ കുറെ വര്ഷങ്ങളായി അലട്ടി കൊണ്ടിരിക്കുന്ന പ്രശ്നമാണ് ഗ്രീസിലെ സാമ്പത്തിക പ്രതിസന്ധി. ഏത് നിമിഷവും അത് യൂറോപ്പിനെ ആകെ ബാധിക്കാവുന്ന രീതിയിലുള്ള വന് സാമ്പത്തിക പ്രശ്നമായി മാറാനിടയുണ്ട്. ഇത്തരമൊരു സാഹചര്യം മുന്കൂട്ടി കാണുന്ന പല യൂറോപ്യന് നിക്ഷേപകരും കൈയിലുള്ള സ്വര്ണത്തെ പതുക്കെ ഒഴിവാക്കണമെന്ന് ചിന്തിക്കുന്നവരാണ്.