ഇന്ഡിഗോ എയര്ലൈന്സ് വര്ഷാന്ത്യ യാത്രാ ഓഫറുകള് പുറത്തിറക്കി. എല്ലാ ചിലവുകളുമുള്പ്പെടെ 799 രൂപക്കാണ് ഇന്ഡിഗോയുടെ ഇളവുകള് ആരംഭിക്കുന്നത്. കൊച്ചി-തിരുവനന്തപുരം, കോയമ്പത്തൂര്-ചെന്നൈ റൂട്ടുകളിലാണ് 799 രൂപാനിരക്കില് ടിക്കറ്റുകള് ലഭ്യമാവുക. ഡിസംബര് 10ന് മുന്പ് ടിക്കറ്റ് ബുക്ക് ചെയ്യുന്നവര്ക്ക് മാത്രമേ ഈ ഓഫര് നേടാന് സാധിക്കൂ. ഓഫറിന്റെ അടിസ്ഥാനത്തില് ഡിസംബര് 20 മുതല് 2017 ഒക്ടോബര് 28 വരെയുള്ള കാലയളവില് യാത്ര ചെയ്യാം.
ഇത് കൂടാതെ ബാംഗ്ലൂര്-മുബൈ യാത്രാനിരക്ക് 1683 രൂപയായും, ദില്ലി-മുബൈ നിരക്ക് 1998 രൂപയായും ഇളവുചെയ്തിട്ടുണ്ട്.
സമാന ഓഫറുകളുമായി എയര് ഏഷ്യയും ജെറ്റ് എയര് വെയ്സും നേരത്തെ രംഗത്തെത്തിയിരുന്നു. എമിറേറ്റ്സ്, സ്പൈസ് ജെറ്റ് തുടങ്ങിയ വിമാന കമ്പനികളും വര്ഷാവസാന ഓഫറുകള് പ്രഖ്യാപിച്ചിരുന്നു. ഇന്ത്യയില് നിന്ന് ആഫ്രിക്ക, അമേരിക്ക, യൂറോപ്പ്, മിഡില് ഈസ്റ്റ് എന്നിവിടങ്ങളിലേക്കുള്ള വിമാന യാത്രാനിരക്കില് 40ശതമാനം ഇളവുവരുത്തിയാണ് എമിറേറ്റ്സിന്റെ വാര്ഷിക അഡ്വാന്സ് ടിക്കറ്റ് ബുക്കിംഗ്.
ആഭ്യന്തര യാത്രക്കാരുടെ എണ്ണം വര്ദ്ധിച്ചതോടെ പലതരം ഓഫറുകള് നല്കി ഉപഭോക്താക്കളെ ആകര്ഷിക്കുകയാണ് വിമാനകമ്പനികള്. ക്രിസ്മസ്-ന്യൂ ഇയര് വിമാന കമ്പനികള്ക്ക് പൊതുവേ ഉല്സവകാലമാണ്.