മില്മ എല്ലാ ഇനം പാലിനും വിലകൂട്ടി. ലിറ്ററിന് നാല് രൂപയാണ് കൂട്ടുന്നത്. വില കൂട്ടണമെന്ന മില്മയുടെ ശുപാര്ശ സര്ക്കാര് മന്ത്രി തലത്തില് അംഗീകരിച്ചു. കൂട്ടുന്ന വിലയായ 4ല് 3.3 രൂപ കര്ഷകര്ക്കായിരിക്കും ലഭ്യമാവുക.
ഡയറക്ടര് ബോര്ഡ് യോഗത്തിന് ശേഷം ചെയര്മാന് പി.ടി ഗോപാലകുറുപ്പാണ് വില വര്ദ്ധിപ്പിച്ച കാര്യം അറിയിച്ചത്. വില വര്ദ്ധന പ്രാബല്യത്തില് വരുമ്പോള് ലിറ്ററിന് 34 എന്നത് 38 രൂപയിലേക്ക് ഉയരും. സാധാരണ ലഭ്യമാകുന്ന മഞ്ഞ കവര് പാലിന് 500മില്ലി ലിറ്ററിന് 17ല് നിന്നും 19 രൂപയായി ഉയരും. നീല കവറിന് 500 മില്ലി ലിറ്ററിന് 19 രൂപയില് നിന്നും 21രൂപയായി ഉയരുകയും ചെയ്യും.
രൂക്ഷമായ പാല് ക്ഷാമം നേരിടുന്ന പശ്ചാത്തലത്തിലാണ് വില വര്ദ്ധന എന്ന തീരുമാനവുമായി ബോര്ഡ് മുന്നോട്ട് പോയതെന്ന് ഗോപാലകുറുപ്പ് പറഞ്ഞു.
നിങ്ങള്ക്ക് പാന് കാര്ഡ് വേണോ, രണ്ടു ദിവസത്തില് പാന് കാര്ഡ് എങ്ങനെ നേടാം?