ജനങ്ങളുടെ മേല് ഭാരമേല്പ്പിക്കുന്ന കേന്ദ്ര സര്ക്കാറിന്റെ നടപടികള് തുടരുകയാണ്. ഏപ്രില് ഒന്നുമുതല് രണ്ട് ലക്ഷത്തിലേറെ രൂപയുടെ സ്വര്ണാഭരണങ്ങള് പണം നല്കി വാങ്ങിയാല് 1% ഉറവിടത്തില് നിന്നുള്ള നികുതി പിരിക്കല്, അതായത്, ടിഡിഎസ് നല്കേണ്ടി വരും. നിലവില് ഇതിന്റെ പരിധി 5 ലക്ഷം രൂപയാണ്.
2017ലെ ധനകാര്യ ബില് പാസാവുന്നതോടെ സ്വര്ണ്ണവും ഒരു ശതമാനം നികുതി(ടിഡിഎസ്) നല്കേണ്ട സാധനങ്ങളുടെ പട്ടികയിലാകും. 2017-18 യൂണിയന് ബജറ്റില് മൂന്ന് ലക്ഷത്തിലേറെ രൂപയുടെ കറന്സി ഇടപാടുകള് നടത്തുന്നതിന് നിരോധനം ഏര്പ്പെടുത്താന് നിര്ദേശമുണ്ടായിരുന്നു. ഇതിന്റെ ഭാഗമായാണ് ആഭരണങ്ങളുടെ നിലവിലുള്ള 5 ലക്ഷമെന്ന പരിധി ധനകാര്യ ബില്ലില് രണ്ട് ലക്ഷമാക്കാന് ഉദ്ദേശിക്കുന്നത്.
രണ്ട് ലക്ഷം രൂപക്ക് മുകളില് വിലയുള്ള സാധനങ്ങള് പണം നല്കി വാങ്ങുമ്പോള് ഒരു ശതമാനം ടിഡിഎസ് ഏര്പ്പെടുത്തുന്നതിന് ആദായ നികുതി നിയമത്തില് വ്യവസ്ഥയുണ്ട്. ഈ പരിധിയില് ആഭരണങ്ങളും ഉള്പ്പെടുമെന്ന് അധികൃതര് വ്യക്തമാക്കി.
ഗോള്ഡ് സേവിംഗ്സ് അക്കൗണ്ടും ഗോള്ഡ് ഇടിഎഫും തമ്മിലുള്ള വ്യത്യാസം എന്തൊക്കെയാണ്