500 രൂപയുടെയും 2000 രൂപയുടെയും നോട്ടുകള് അച്ചടിക്കുന്നതിനുള്ള ചിലവ് വെളിപ്പെടുത്തി കേന്ദ്രസര്ക്കാര്. നമ്മുടെ കൈയിലിരിക്കുന്ന പുതിയ 500, 2000 രൂപാ നോട്ടുകള്ക്ക് നാലുരൂപപോലും വിലയില്ലെന്ന് കേന്ദ്ര സഹമന്ത്രി അര്ജുന് രാംമേഘ്വാള്. രാജ്യസഭയിലായിരുന്നു മന്ത്രിയുടെ വെളിപ്പെടുത്തല്.
ഒരു 500 രൂപ നോട്ട് അച്ചടിക്കാന് 2.87 രൂപയ്ക്കും 3.77 രൂപയ്ക്കുമിടയിലാണ് സര്ക്കാര് ചിലവാക്കുന്നത്. 2000 രൂപ അച്ചടിക്കുന്നതിന് 3.54നും 3.77നും ഇടയില് ചിലവായി. പുതിയ നോട്ടുകള് അച്ചടിക്കാനാവശ്യമായ മൊത്തം ചിലവ് പരിഗണിച്ചാണ് ഓരോ നോട്ടിനും ചിലവായ തുക തിട്ടപ്പെടുത്തിയത്.
എന്നാല് പഴയ നോട്ടുകള് മാറ്റി പുതിയ നോട്ടുകള് നല്കുന്നതിന് ചിലവാകുന്ന തുക അടക്കമല്ല ഇത്. അച്ചടി നടന്നുകൊണ്ടിരിക്കുകയായതിനാല് 500, 2000 രൂപ നോട്ടുകള് അച്ചടിക്കുന്നതിനുള്ള മൊത്തം ചിലവ് ഇപ്പോള് കണക്കാക്കാറായിട്ടില്ലെന്നും മന്ത്രി വ്യക്തമാക്കി.
പാന് കാര്ഡിന് അപേക്ഷിക്കുന്നതെങ്ങനെ?നിലവില് എന്തൊക്കെ ആവശ്യത്തിനാണ് പാന് നിര്ബന്ധം?