ഓൺലൈൻ ഷോപ്പിംഗ് സൈറ്റായ ഫ്ലിപ്കാർട്ടിലും ഷോപ്പ്ക്ലൂസിലും ഇന്ന് മുതൽ വമ്പിച്ച വിലക്കുറവ്. ഫ്ലിപ്കാർട്ട് ഫാഷൻ ഉൽപ്പന്നങ്ങൾക്ക് 9 ദിവസത്തേയ്ക്കാണ് ഓഫർ പ്രഖ്യാപിച്ചിരിക്കുന്നത്. ഷോപ്പ്ക്ലൂസിൽ ഫാഷൻ ഉത്പന്നങ്ങൾക്കൊപ്പം വീട്ടുപകരണങ്ങൾ, ഇലക്ട്രോണിക് ഉത്പന്നങ്ങൾ എന്നിവയ്ക്കും വിലക്കുറവുണ്ട്.
ഫാഷൻ ഡേ ഓഫർ
ഇന്ന് മുതൽ ആരംഭിച്ച ഫ്ലിപ്കാർട്ട് ഫാഷൻഡേ ഓഫർ ജൂൺ 18ന് അവസാനിക്കും. എയ്റോപോസ്റ്റെൽ, വെറോ മോഡ, ഫോർ എവർ 21, കെനെത്ത് കോൾ, ക്രൊക്സ്, അഡിഡാസ് തുടങ്ങിയ 50 ബ്രാൻഡുകൾക്കാണ് കമ്പനി ഡിസ്കൗണ്ടുകൾ നൽകുന്നത്.
ബിഡ് ആൻഡ് വിൻ
ഒൻപത് ദിവസത്തെ വിൽപ്പനയിൽ ഉപഭോക്താക്കൾക്കായി ഒരു 'ബിഡ് എൻ വിൻ' മത്സരവും ആരംഭിച്ചിട്ടുണ്ട്. ലേലം വിളിച്ച് സാധനങ്ങൾ വാങ്ങുന്നതാണ് ഈ രീതി. വിജയിക്ക് എംപോറിയോ അർമാന്റെ 13,995 രൂപയുടെ വാച്ചും വിക്ടോറിയോക്സിന്റെ 15,960 രൂപയുടെ ബാഗുമാണ് സമ്മാനമായി ലഭിക്കുക.
ഷോപ്പ്ക്ലൂസിൽ ഇരട്ടി വിൽപ്പന
കഴിഞ്ഞ മാസത്തിൽ നടത്തിയ വിൽപ്പനയുടെ ഇരട്ടിയാണ് ഷോപ്പ്ക്ലൂസ് പ്രതീക്ഷിക്കുന്നത്. കഴിഞ്ഞ മാസം ട്രിപ്പിൾ വാല്യൂ വിൽപനയുടെ ഭാഗമായി രണ്ട് ദിവസത്തേയ്ക്ക് സെയ്ൽ നടത്തിയിരുന്നു. ഇതുവഴി കമ്പനിയുടെ വെബ്സൈറ്റിൽ ഒരു ലക്ഷത്തിലധികം ഇടപാടുകളാണ് നടന്നത്. അതുകൊണ്ട് തന്നെ ഇത്തവണ ലാഭം ഇരട്ടിയാകുമെന്നാണ് കമ്പനിയുടെ പ്രതീക്ഷ.
malayalam.goodreturns.in