കൊച്ചി: സ്വർണവില പവന് 80 രൂപ കുറഞ്ഞ് 21,600 രൂപയിലെത്തി. ഗ്രാമിന് 10 രൂപ താഴ്ന്ന് 2700 രൂപയ്ക്കാണ് വ്യാപാരം പുരോഗമിക്കുന്നത്. കഴിഞ്ഞ രണ്ട് ദിവസമായി സ്വർണവില മാറ്റമില്ലാതെ തുടരുകയായിരുന്നു. 21680 രൂപയായിരുന്നു കഴിഞ്ഞ രണ്ട് ദിവസങ്ങളായി സ്വർണത്തിന്റെ വില.
ഈ മാസത്തെ ഏറ്റവും താഴ്ന്ന നിരക്കാണ് ഇന്നത്തേത്. ജൂണിൽ സ്വർണവില ഇതിലും താഴ്ന്നിരുന്നു. 21,480 രൂപയായിരുന്നു കഴിഞ്ഞ മാസത്തെ ഏറ്റവും കുറഞ്ഞ നിരക്ക്. ഏറ്റവും കൂടിയ നിരക്ക് 22,120 രൂപയും. അന്താരാഷ്ട്ര വിപണിയിലെ വിലക്കുറവ് തന്നെയാണ് ആഭ്യന്തര വിപണിയെ ബാധിച്ചിരിക്കുന്നതെന്ന് വ്യാപാരികൾ പറയുന്നു.
എന്നാൽ ജിഎസ്ടിയും സ്വർണത്തിന്റെ വിലയിടിവിന് കാരണമാണ്. ഈ മാസം ആദ്യം മുതൽ സ്വർണ വിപണിയിൽ വൻ ഇടിവാണ് ഉണ്ടായിരിക്കുന്നത്.
ജിഎസ്ടി പ്രാബല്യത്തിൽ വന്നതോടെ കേരളത്തിൽ സ്വർണവില വീണ്ടും കുറയാനാണ് സാധ്യത.
കാരണം സ്വർണത്തിന് നിലവിലുള്ള അഞ്ച് ശതമാനം നികുതി മൂന്ന് ശതമാനമായി കുറഞ്ഞിട്ടുണ്ട്. എന്നാൽ മറ്റ് സംസ്ഥാനങ്ങളിൽ വില കൂടും.
malayalam.goodreturns.in