പുതിയ ആധാർ കാർഡുകൾ എടുക്കാനും പഴയ കാർഡുകളിൽ കൂടുതൽ വിശദാംശങ്ങൾ ചേർക്കാനും ഇനി ബാങ്കുകളിൽ പോയാൽ മതി. ഡിസംബർ 31നകം ബാങ്ക് അക്കൗണ്ടുകൾ ആധാറുമായി ബന്ധിപ്പിക്കണമെന്ന് സർക്കാർ നിർദ്ദേശിച്ചിട്ടുണ്ട്. ഈ സാഹചര്യത്തിൽ പുതിയ ആധാർ കാർഡുകൾ എടുക്കാനും തിരുത്തലുകൾ വരുത്താനും ബാങ്കുകളിൽ തന്നെ സൗകര്യമൊരുക്കുമെന്നാണ് വിവരം.
ഇതിനായി യുണീക്ക് ഐഡന്റിഫിക്കേഷൻ അതോറിട്ടി ഓഫ് ഇന്ത്യ നിയമത്തിൽ ഭേദഗതി വരുത്തിയേക്കും. നിശ്ചിത ദൂരപരിധിക്കുള്ളിലുള്ള ചില ബാങ്കുകളിലാകും ഇതിനുള്ള സൗകര്യമൊരുക്കുക.
ഡിസംബർ 31ന് മുമ്പ് ആധാറുമായി ബന്ധിപ്പിക്കാത്ത ബാങ്ക് അക്കൗണ്ടുകൾ അസാധുവാക്കുന്നതാണ്. ആധാറും പാനും ബന്ധിപ്പിച്ചാൽ മാത്രമേ പിന്നീട് ഈ അക്കൗണ്ട് ഉപയോഗിക്കാൻ സാധിക്കൂ.
കൂടാതെ ആധാറിന്റെ പ്രാധാന്യം കണക്കിലെടുത്ത് പുതിയ ബാങ്ക് അക്കൗണ്ട് തുറക്കുന്നതിനും ആധാർ നിർബന്ധമാക്കിയിട്ടുണ്ട്. ആധാറിലെ വിശദാംശങ്ങളും ബാങ്ക് അക്കൗണ്ടിലെ വിശദാംശങ്ങളുമായി പൊരുത്തക്കേടുണ്ടെങ്കിൽ ബാങ്ക് പ്രതിനിധികൾക്ക് ബന്ധപ്പെട്ട രേഖകൾ സമർപ്പിച്ച് ആധാർ കാഡിൽ പുതിയ വിശദാംശങ്ങൾ ചേർക്കാവുന്നതാണ്.
malayalam.goodretunrs.in