വ്യാപാരികൾ ജൂലൈ 30നകം ചരക്കുസേവന നികുതി (ജിഎസ്ടി) രജിസ്ട്രേഷൻ നടപടികൾ പൂർത്തിയാക്കണമെന്ന് കേന്ദ്ര ധനമന്ത്രാലയം. 20 ലക്ഷം രൂപയിൽ താഴെ വാർഷിക വിറ്റുവരവുള്ളവർ രജിസ്റ്റർ ചെയ്യേണ്ടതില്ല.
ജൂലൈ 30 ആണ് രജിസ്ട്രേഷനുള്ള അവസാന ദിനം. ജിഎസ്ടി ഇല്ലാത്ത ഉത്പന്നങ്ങൾ വിൽക്കുന്ന കച്ചവടക്കാർക്കും രജിസ്റ്റർ ചെയ്യേണ്ട ആവശ്യമില്ല.
പഴയ വാറ്റ്, എക്സൈസ്, സർവീസ് ടാക്സ് രജിസ്ട്രേഷൻ ഉള്ളവർ ജിഎസ്ടിഎൻ പോർട്ടലിലേക്കു മാറിയിട്ടുണ്ട്. അവർക്കു താത്കാലിക ഐഡി അനുവദിച്ചിട്ടുണ്ട്. മറ്റു രേഖകൾകൂടി നൽകി സെപ്റ്റംബർ 22നു മുമ്പ് അവർ ജിഎസ്ടി ഐഡന്റിഫിക്കേഷൻ നമ്പർ കൈപ്പറ്റേണ്ടതാണ്.
ജിഎസ്ടി രജിസ്ട്രേഷൻ ആവശ്യമില്ലാത്ത നികുതിദായകർക്ക് രജിസ്ട്രേഷൻ 22നകം കാൻസൽ ചെയ്യാം. ഒരു സാമ്പത്തിക വർഷം എപ്പോൾ വിറ്റുവരവ് 20 ലക്ഷം രൂപ കഴിയുന്നോ അതിന് ശേഷം ഒരു മാസത്തിനകം രജിസ്ട്രേഷന് അപേക്ഷിച്ചാൽ മതിയാകും.
malayalam.goodreturns.in