സംസ്ഥാനത്ത് വെളിച്ചെണ്ണയ്ക്ക് വില കുതിക്കുന്നു. ഇന്നലെ 13,700 ആയിരുന്നു ക്വിന്റലിന് വില. തിങ്കളാഴ്ച 13,500 രൂപയായിരുന്നു. എന്നാൽ ഒറ്റ ദിവസം കൊണ്ട് 200 രൂപയാണ് കൂടിയത്.
കിലോയ്ക്ക് രണ്ടുരൂപ കൂടി ഇന്നലെ 152 രൂപയ്ക്കാണ് വ്യാപാരം പുരോഗമിച്ചത്. കൊപ്രവില 9180 രൂപയായും ഉയർന്നു. നാളികേരത്തിന് രണ്ടാഴ്ചയ്ക്കുള്ളിൽ കിലോയ്ക്ക് നാലുരൂപ കൂടിയിട്ടുണ്ട്.
വെളിച്ചെണ്ണയ്ക്ക് അഞ്ചുശതമാനം ജിഎസ്ടി ചുമത്തിയതും നാളികേര ഉത്പാദനം കുറഞ്ഞതുമാണ് വിലക്കയറ്റത്തിന് കാരണം. വില കൂടിയതോടെ വെളിച്ചെണ്ണയുടെ ഉപഭോഗത്തിൽ കുറവ് വന്നിട്ടുണ്ട്. ഇതേ തുടർന്ന് പാമോയില് വിൽപ്പനയിൽ വർദ്ധനവുമുണ്ടായിട്ടുണ്ട്. സൂര്യകാന്തി എണ്ണയുടെ വില്പനയും കൂടിയിട്ടുണ്ട്.
വെളിച്ചെണ്ണ വില വര്ദ്ധന കേരകര്ഷകന് കാര്യമായ ഗുണം ചെയ്യില്ല, ഇടനിലക്കാരാണ് നേട്ടമുണ്ടാക്കുന്നതെന്ന് ചില്ലറ വ്യാപാരികള് പറയുന്നു. ജനുവരി മുതല് മെയ് വരെയാണ് നാളികേര വിളവെടുപ്പിന്റെ സീസണ്. എന്നാല് വെളിച്ചെണ്ണയ്ക്ക് വില കൂടിയതോടെ സംഭരിച്ച കൊപ്രയും നാളികേരവും കര്ഷകര് മുഴുവനായി വിറ്റഴിക്കുകയാണ്.
malayalam.goodreturns.in