മുകേഷ് അംബാനിയുടെ റിലയൻസ് ജിയോ ധൻ ധനാ ധൻ താരിഫ് പ്ലാനുമായി ഉപഭോക്താക്കളെ കൈയ്യിലെടുത്തതിന് പിന്നാലെ സൂപ്പർ ഓഫറുമായി വൊഡാഫോൺ. 244 രൂപയുടെ പുതിയ പ്ലാനുമായാണ് വൊഡാഫോൺ രംഗത്തെത്തിയിരിക്കുന്നത്.
പ്രതിദിനം ഒരു ജിബി 4ജി ഡാറ്റയും വൊഡാഫോൺ ടു വൊഡാഫോൺ ഫ്രീ കോളുമാണ് കമ്പനി വാഗ്ദാനം ചെയ്യുന്നത്. 70 ദിവസമാണ് ഓഫറിന്റെ കാലാവധി. എന്നാൽ പുതിയ ഉപഭോക്താക്കൾക്ക് മാത്രമേ ഈ ഓഫർ ലഭിക്കുകയുള്ളൂ.
ആദ്യ റീചാർജിൽ 70 ദിവസം വാലിഡിറ്റിയും രണ്ടാമത്തെ റീചാർജിൽ 35 ദിവസം വാലിഡിറ്റിയുമാണുള്ളത്. 346 രൂപയുടെ മറ്റൊരു റീചാർജ് പ്ലാനും
കമ്പനി അവതരിപ്പിച്ചിട്ടുണ്ട്. ഇതനുസരിച്ച് പ്രതിദിനം ഒരു ജിബി ഡാറ്റയും ഏത് നെറ്റ് വർക്കിലേയ്ക്കും അൺലിമിറ്റഡ് വോയ്സ് കോളുമാണുള്ളത്. 56 ദിവസമാണ് ഈ പ്ലാനിന്റെ കാലാവധി.
ഈ ഓഫർ പ്രകാരം ദിവസം 300 മിനിട്ടും ആഴ്ച്ചയിൽ 1200 മിനിട്ടും സൗജന്യ വോയിസ് കോളാണുള്ളത്. കൂടാതെ ആകെ 56 ജിബി ഡാറ്റയും ലഭിക്കും. ജിയോ നൽകിയ ഡിസ്കൗണ്ടുകൾക്ക് സമാനമായാണ് ഇപ്പോൾ വൊഡാഫോണും വിവിധ ഓഫറുകൾ നൽകുന്നത്. ഫോണും കോളും ഫ്രീ!!! ജിയോ വീണ്ടും ഞെട്ടിച്ചു; സ്മാർട്ട്ഫോൺ രംഗത്തെ വിപ്ലവം
malayalam.goodreturns.in