ആധാറും പാനും ബന്ധിപ്പിക്കേണ്ട അവസാന തീയതി അടുത്തെത്തി. ജൂലൈ 31 ആണ് ആധാറും പാനും തമ്മിൽ ബന്ധിപ്പിക്കേണ്ട അവസാന ദിനം. ആദായ നികുതി റിട്ടേൺ സമർപ്പിക്കേണ്ട അവസാന ദിനവും ജൂലൈ 31 തന്നെയാണ്. നിങ്ങളുടെ ആധാറിലെയും പാൻ കാർഡിലെയും പേരുകൾ വ്യത്യസ്തമാണോ? തിരുത്താൻ എന്ത് ചെയ്യണം?
ആദായ നികുതി നിയമത്തിലെ 139 എഎ പ്രകാരം ആധാറും പാനും തമ്മിൽ ബന്ധിപ്പിക്കാത്തവർക്ക് ഐടി റിട്ടേൺ സമർപ്പിക്കാൻ സാധിക്കില്ല. എന്നാൽ നോൺ റസിഡന്റ് ഇന്ത്യക്കാർ, വിദേശ പൗരന്മാർ, 80 വയസ്സിന് മുകളിൽ പ്രായമുള്ളവർ എന്നിവർക്ക് ഇത് ബാധകമല്ല. ആസാം, ജമ്മു കാശ്മീർ, മേഘാലയ എന്നിവിടങ്ങളിൽ താമസിക്കുന്നവർക്കും ഈ നിയമം ബാധകമല്ല.
ധനമന്ത്രാലയത്തിന്റെ കണക്കുകളനുസരിച്ച് 32.41 കോടി പാൻ കാർഡുകളിൽ 8.19 കോടി മാത്രമാണ് ആധാറുമായി ബന്ധിപ്പിച്ചിരിക്കുന്നത്. ഇത് ആകെയുള്ള പാൻ കാർഡുകളുടെ 25 ശതമാനം മാത്രമാണ്. ആധാറും പാനും എസ്.എം.എസ് വഴി ബന്ധിപ്പിക്കാം
ആധാറും പാനും ബന്ധിപ്പിക്കണമെന്ന് ആവശ്യപ്പെട്ട് ആദായ നികുതി വകുപ്പിൽ നിന്ന് നിങ്ങൾക്ക് എസ്എംഎസ് സന്ദേശം ലഭിക്കും. കൂടാതെ പാനും ആധാറും ബന്ധിപ്പിക്കുന്നതിനായുള്ള പ്രചാരണത്തിനായി പരസ്യങ്ങളും ടിവിയിൽ പ്രദർശിപ്പിക്കുന്നുണ്ട്. നിങ്ങൾക്ക് പാൻ കാർഡുണ്ടോ? ഇല്ലെങ്കിൽ വേഗം എടുത്തോളൂ... ഈ 20 കാര്യങ്ങൾക്ക് പാൻ കാർഡ് നിർബന്ധമാണ്
malayalam.goodreturns.in