ഉപഭോക്താക്കൾക്ക് മികച്ച ഓഫറുകളുമായി റിലയൻസ് ജിയോ കടന്നു വന്നതോടെ മറ്റ് ടെലികോം കമ്പനികൾക്ക് അത് എട്ടിന്റെ പണിയായി. ജിയോയുടെ കടന്നുവരവോടെ മറ്റ് കമ്പനികളെല്ലാം തന്നെ കടുത്ത പ്രതിസന്ധിയിലാണ്. എയര്ടെല്ലും ഐഡിയയുമാണ് കൂട്ടത്തില് ഏറ്റവും കൂടുതൽ തിരിച്ചടി നേരിടുന്നത്.
2017 സാമ്പത്തിക വര്ഷത്തെ ഒന്നാം പാദത്തിലെ കണക്കുകളനുസരിച്ച് ഐഡിയയ്ക്ക് 815.9 കോടി രൂപയും, എയര്ടെല്ലിന് 367 കോടി രൂപയുമാണ് നഷ്ടം. ഫോണും കോളും ഫ്രീ!!! ജിയോ വീണ്ടും ഞെട്ടിച്ചു; സ്മാർട്ട്ഫോൺ രംഗത്തെ വിപ്ലവം
കഴിഞ്ഞ വര്ഷം ആദ്യപാദത്തില് 217 കോടി രൂപയായിരുന്നു ഐഡിയയുടെ ലാഭം. എന്നാൽ ഇത്തവണ 815.9 കോടി രൂപയുടെ നഷ്ട്ടത്തിലാണ് കമ്പനി പ്രവർത്തിക്കുന്നത്. ജിയോയെ നേരിടാന് കമ്പനി അവതരിപ്പിച്ച ഓഫറുകളും താഴ്ന്ന നിരക്കുകളുമാണ് വരുമാനത്തെ ബാധിച്ചിരിക്കുന്നത്. എങ്കിലും ഡാറ്റ ഉപയോഗത്തിൽ വർദ്ധനവുണ്ടായിട്ടുണ്ടെന്ന് കണക്കുകൾ വ്യക്തമാക്കുന്നു. വീണ്ടും ജിയോ തരംഗം; കോളേജ് വിദ്യാർത്ഥികൾക്ക് ഫ്രീ വൈഫൈ
എയര്ടെല്ലിന്റെ ഏപ്രില്-ജൂണ് മാസത്തെ ലാഭവും മുന് വർഷത്തേയ്ക്കാൾ 75 ശതമാനം കുറഞ്ഞിട്ടുണ്ട്. കഴിഞ്ഞ വര്ഷം ആദ്യപാദത്തില് കമ്പനിയുടെ ലാഭം 1.462 കോടി രൂപയായിരുന്നു.
malayalam.goodreturns.in