ആദായ നികുതി നല്കേണ്ടതാരെല്ലാം ഏതെല്ലാം തരം വരുമാനത്തിന് നികുതിബാധ്യതയുണ്ട് തുടങ്ങിയ കാര്യങ്ങളെല്ലാം അറിയാമോ? ഇല്ലെങ്കില് ശ്രദ്ധിക്കൂ.
ശമ്പളം,വാടക,ബിസിനസ്,മൂലധനനേട്ടം,മറ്റ് വരുമാനങ്ങള് എന്നിങ്ങനെ അഞ്ച് സ്രോതസുകളായാണ് നികുതി ഈടാക്കുന്നത്.
നികുതി ബാധകമായ അഞ്ച് വരുമാനങ്ങളിതാ
1. ശമ്പള വരുമാനം
ശമ്പളം,പെന്ഷന്,ബോണസ്,ഫീസ്,കമ്മീഷന്,ഗ്രാറ്റ്വിറ്റി,അന്വിറ്റി എന്നിവയെല്ലാം ശമ്പളവരുമാനത്തില്പ്പെടും.
2. വാടക വരുമാനം
സ്വന്തമായ ആവശ്യങ്ങള്ക്കുപയോഗിക്കാത്ത വീട്,മറ്റ് കെട്ടിടങ്ങള് എന്നിവയുടെ വാടക വരുമാനം.വാടക വീടിന് വായ്പയുണ്ടെങ്കില് മുഴുവന് പലിശയും കുറക്കാം.
3. പ്രൊഫഷണല് വരുമാനം
ബിസിനസ്,പ്രൊഫഷന്,സ്വയം തൊഴില് എന്നിവയില് നിന്നുള്ള വരുമാനമെല്ലാം ഇതില്പ്പെടും ഇവയെല്ലാം നികുതി ബാധകമാണ്. യാത്ര,ചിലവുകള്,ജോലിക്കാരുടെ ശമ്പളം എന്നിവ ഇതില് നിന്നും കുറക്കാം.
4. മൂലധന നേട്ടം
ഭൂമി,സ്വര്ണം,ഓഹരി എന്നിവയടക്കമുളള ആസ്തികള് വില്ക്കുമ്പോള് ലഭിക്കുന്ന വരുമാനമാണിത്. കുറഞ്ഞകാലത്തേക്കും ദീര്ഘകാലത്തേക്കും എന്നിങ്ങനെ രണ്ട് വിഭാഗത്തിലായാണ് വരുമാനം കാണുക.
5. മറ്റു വരുമാനങ്ങള്
ആദ്യത്തെ നാല് വരുമാനങ്ങളിലും പെടാത്ത എല്ലാ വരുമാനങ്ങളും അഞ്ചാം വിഭാഗത്തില്പ്പെടുത്തി നികുതി ഈടാക്കും. നിക്ഷേപങ്ങളില് നിന്നുളള വരുമാനം,സമ്മാനങ്ങള്,ലോട്ടറി എന്നിവ ഇതിലാണുള്പ്പെടുക.