നിങ്ങൾക്ക് ജോലി നഷ്ട്ടപ്പെടാൻ സാധ്യതയുണ്ടോ? എങ്കിൽ വേഗം തന്നെ ജോബ് ലോസ്സ് ഇൻഷുറൻസ് തെരഞ്ഞെടുക്കൂ. എന്നാൽ ഇൻഷുറൻസ് എടുക്കുന്നതിന് മുമ്പ് ഇക്കാര്യങ്ങൾ കൂടി അറിഞ്ഞിരിക്കണം.
ഇൻഷുറൻസ് പരിരക്ഷ എത്രമാത്രം
ജോബ് ലോസ് ഇൻഷുറൻസ് മാത്രമായി ഇപ്പോൾ എടുക്കാൻ സാധിക്കില്ല. അപകട ഇൻഷുറൻസ്, ക്രിട്ടിക്കൽ ഇൽനെസ്സ് ഇൻഷുറൻസ്, ഭവന വായ്പ സംരക്ഷണ പദ്ധതി എന്നിവയോടൊപ്പം മാത്രമേ ജോബ് ലോസ്സ് ഇൻഷുറൻസ് ലഭിക്കുകയുള്ളൂ.
യോഗ്യത
ഇൻഷുറൻസ് പരിരക്ഷയുള്ളയാളെ മോശം പ്രകടനത്തിന്റെ പേരിലോ പ്രൊബേഷൻ പീരിയഡിലോ കമ്പനിയിൽ നിന്ന് പുറത്തായാൽ ഇൻഷുറൻസ് പരിരക്ഷ ലഭിക്കില്ല. എന്നാൽ മറ്റ് കാരണങ്ങളൊന്നുമില്ലാതെ ജോലിയിൽ നിന്ന് പിരിച്ചുവിട്ടാൽ ഇൻഷുറൻസ് പരിരക്ഷ ലഭിക്കും.
കാലാവധി
ജോലി നഷ്ട്ടപ്പെട്ടതിനു ശേഷം ഈ ഇൻഷുറൻസ് ക്ലെയിം ചെയ്യുന്നതിന് ഒന്നു മുതൽ മൂന്ന് മാസം വരെ കാത്തിരിക്കേണ്ടതുണ്ട്.
ജോബ് ലോസ് ഇൻഷുറൻസ് നൽകുന്ന കമ്പനികൾ
നിലവിലെ സാഹചര്യത്തിൽ ആർക്കും എപ്പോൾ വേണമെങ്കിലും ജോലി നഷ്ട്ടപ്പെടാം. റോയൽ സുന്ദരം, എച്ച്.ഡി.എഫ്.സി എർഗോ, ഐ.സി.ഐ.സി.ഐ ലൊംബാർഡ് തുടങ്ങിയ ഇൻഷുറൻസ് കമ്പനികൾ ജോബ് ലോസ് ഇൻഷുറൻസ് നൽകുന്നുണ്ട്.
malayalam.goodreturns.in