അടുത്ത മാസം എത്ര ദിവസം ബാങ്ക് അവധിയാണ്..? പൂർണ്ണ പട്ടിക അറിയാം, ഓർത്തുവച്ചോളൂ...

ബാങ്ക് ഇടപാടുകൾ നടത്തുന്നവരാണെങ്കിൽ തീർച്ചയായും ഈ മാസത്തെ ബാങ്ക് അവധികൾ അറിഞ്ഞിരിക്കണം. കാരണം അത്യാവശ്യ ഇടപാടുകൾ നടത്താൻ ബാങ്കിൽ എത്തുമ്പോൾ അവധിയാണെങ്കിൽ എല്ലാം അവതാളത്തിലാകും. സാധാരണയായി, ഇന്ത്യയിലെ ബാങ്ക് അവധി ദിനങ്ങൾ ഓരോ പ്രദേശത്തിനും വ്യത്യസ്തമാണ്. 2025 സെപ്റ്റംബറിൽ കർമ്മ പൂജ, ഓണം, ഈദ്-ഇ-മിലാദ്, ഇന്ദ്രജാത്ര, നവരാത്രി സ്തപ്ന, ദുർഗ്ഗാ പൂജ, മഹാരാജ ഹരി സിംഗ് ജിയുടെ ജന്മവാർഷികം തുടങ്ങിയ ഉത്സവങ്ങൾക്കും പ്രാദേശിക അവധിയുമായി ബന്ധപ്പെട്ടും വിവിധ സംസ്ഥാനങ്ങളിലെ ബാങ്കുകൾക്ക് അവധി ദിവസങ്ങളുണ്ടാകും. ശാഖകൾ സന്ദർശിക്കുന്നതിന് മുമ്പ് സംസ്ഥാന തിരിച്ചുള്ള അവധിക്കാല പട്ടിക പരിശോധിക്കാൻ ഉപഭോക്താക്കളോട് നിർദ്ദേശിക്കുന്നു. കാരണം പ്രദേശങ്ങൾക്കനുസരിച്ച് അവധി ദിവസങ്ങൾ വ്യത്യാസപ്പെടുന്നു.

ഞായറാഴ്ചകളും ദേശീയ, പ്രാദേശിക ബാങ്ക് അവധി ദിവസങ്ങളും കൂടാതെ, മാസത്തിലെ രണ്ടാമത്തെയും നാലാമത്തെയും ശനിയാഴ്ചകളിലും ബാങ്കുകൾ അടച്ചിരിക്കും.അവധി സമയത്തും ഓണ്‍ലൈന്‍ ഇടപാടുകള്‍ നടത്താന്‍ സാധിക്കുമെന്നത് ഇടപാടുകാര്‍ക്ക് ആശ്വാസമാണ്. റിസര്‍വ് ബാങ്ക് ഓഫ് ഇന്ത്യ പുറത്തിറക്കുന്ന ഹോളിഡേ കലണ്ടര്‍ അനുസരിച്ചാണ് ബാങ്ക് അവധികള്‍ വരുന്നത്. അവധിയും അവധി ബാധകമാകുന്ന സംസ്ഥാനങ്ങളുടെയും വിവരങ്ങൾ താഴെ:

2025 സെപ്റ്റംബർ 3 ബുധനാഴ്ച
കർമ്മപൂജയ്ക്കായി ഝാർഖണ്ഡിൽ 2025 സെപ്റ്റംബർ 3-ന് ബാങ്കുകൾ അടച്ചിരിക്കും.

2025 സെപ്റ്റംബർ 4 (വ്യാഴം)
ഒന്നാം ഓണത്തിന് 2025 സെപ്റ്റംബർ 4 ന് കേരളത്തിൽ ബാങ്കുകൾ അടച്ചിരിക്കും.

2025 സെപ്റ്റംബർ 5 (വെള്ളി)
ഗുജറാത്ത്, മിസോറാം, മഹാരാഷ്ട്ര, കർണാടക, മധ്യപ്രദേശ്, തമിഴ്‌നാട്, ഉത്തരാഖണ്ഡ്, ഹൈദരാബാദ്, വിജയവാഡ, മണിപ്പൂർ, ജമ്മു, ഉത്തർപ്രദേശ്, കേരളം, ന്യൂഡൽഹി, ജാർഖണ്ഡ്, ജമ്മു, ശ്രീനഗർ എന്നിവിടങ്ങളിൽ ഈദ്-ഇ-മിലാദ്, തിരുവോണം എന്നിവ പ്രമാണിച്ച് 2025 സെപ്റ്റംബർ 5-ന് ബാങ്കുകൾ അടച്ചിരിക്കും.

2025 സെപ്റ്റംബർ 6 (ശനി)
2025 സെപ്റ്റംബർ 6 ന് ഈദ്-ഇ-മിലാദ് (മിലാദ്-ഉൻ-നബി)/ഇന്ദ്രജാത്ര പ്രമാണിച്ച് സിക്കിമിലും ഛത്തീസ്ഗഡിലും ബാങ്കുകൾ അടച്ചിരിക്കും.