ക്രെഡിറ്റ് കാര്ഡ് ഉപയോഗിച്ച് ഇടപാടുകള് നടത്തുന്ന വ്യക്തികള്ക്ക് എപ്പോഴും ക്രെഡിറ്റ് കാര്ഡ് സ്റ്റേറ്റ്മെന്റ് ലഭിക്കാറുണ്ട്. ബില്ല് അടക്കാന് 45 ദിവസത്തെ സമയം ലഭിക്കുന്നു എന്നതാണ് ക്രെഡിറ്റ് കാര്ഡ് ഉപയോഗിച്ച് പണമടക്കുമ്പോഴുള്ള ഗുണം. കാഷ് ബാക്ക് പോയിന്റ്കളും ആകര്ഷണീയമാണ്. സ്ഥിരം ക്രെഡിറ്റ് കാര്ഡ് ഉപയോഗിക്കുന്നവര് ക്രെഡിറ്റ് കാര്ഡ് സ്റ്റേറ്റ്മെന്റ് എപ്പോഴും വിലയിരുത്തണം. ക്രെഡിറ്റ് കാര്ഡ് സ്റ്റേറ്റ്മെന്റില് നോക്കേണ്ട 8 കാര്യങ്ങള് ഇതാ...
ലഭ്യമായ ക്രെഡിറ്റ് ലിമിറ്റ്
അടക്കാനുള്ള തുകയും ക്രെഡിറ്റ് ലിമിറ്റും തമ്മിലുള്ള വ്യതാസമാണ് ലഭ്യമായ ക്രെഡിറ്റ് ലിമിറ്റ് എന്ന് പറയുന്നത്. ഉദാഹരണത്തിന് നിങ്ങളുടെ ക്രെഡിറ്റ് ലിമിറ്റ് 50000 രൂപയാണെന്ന് വയ്ക്കുക. നിങ്ങള് 2000 രൂപയുടെ ഒരു ഇടപാട് നടത്തി. അപ്പോള് നിങ്ങള്ക്ക് ലഭ്യമായ ക്രെഡിറ്റ് ലിമിറ്റ് എന്ന് പറയുന്നത് 48000 രൂപയാണ്.
കാഷ് ലിമിറ്റ്
കാര്ഡില് നിന്നും പിന്വലിക്കാന് കഴിയുന്ന പരമാവധി തുകയാണ് കാഷ് ലിമിറ്റ്. ഇതിനു ശേഷം പണം പിന്വലിക്കാന് കഴിയില്ല.
ടോട്ടല് എമൌണ്ട് ഡ്യൂ
പലിശയും മറ്റു ചാര്ജുകളുമടക്കം ആകെ അടക്കാനുള്ള തുകയാണ് ടോട്ടല് എമൌണ്ട് ഡ്യൂ.
മിനിമം എമൌണ്ട് ഡ്യൂ
മുഴുവന് തുക അടക്കാനാവാത്ത സാഹചര്യത്തില് കുറേശ്ശെ പൈസ അടക്കാനാവും. 5 മുതൽ 20 ശതമാനം തുക വരെ ഇങ്ങനെ അടക്കാം. ഈ ശതമാനം കാര്ഡിനനുസരിച് വ്യത്യാസപ്പെടും.
റിവാര്ഡ് പോയിന്റ്സ്
ലഭിച്ചതും വീണ്ടെടുത്തതുമായ ക്രെഡിറ്റ് പോയിന്റ്കളെയാണ് റിവാര്ഡ് പോയിന്റ്സ് എന്ന് പറയുന്നത്.
ട്രാന്സാക്ഷന് വിവരങ്ങള്
ഇടപാടുകളെ സംബന്ധിച്ച മുഴുവന് വിവരങ്ങളും അതായത് കാര്ഡ് സൈ്വപ്പ് ചെയ്ത സ്ഥലം സമയം തീയതി അധിക ചാര്ജുകള് എന്നിവയെല്ലാം പരിശോധിക്കണം.
സ്റ്റേറ്റ്മെന്റ് തീയതി
സ്റ്റേറ്റ്മെന്റ് എടുത്ത തീയതി നോക്കിയാല് അടക്കാനുള്ള തുക എത്രയെന്നും ഏത് ദിവസത്തിനുള്ളില് അടക്കണമെന്നും അറിയാം.
പേയ്മെന്റ് തീയതി
ക്രെഡിറ്റ് കാര്ഡ് ബില്ലടക്കാനുള്ള അവസാന തീയതിയാണ് പെയ്മെന്റ് തീയതി. ഈ ദിവസത്തിനകം പണമടച്ചില്ലെങ്കില് കനത്ത പലിശയും ലേറ്റ്പെയ്മെന്റ് ചാര്ജുകളും നല്കണം.
malayalam.goodreturns.in