ഇൻസ്റ്റാ​ഗ്രാമിലൂടെയും ബിസിനസ് നടത്താം; ഷോപ്പിം​ഗ് ഇനി എന്തെളുപ്പം!!

ഫോട്ടോ ഷെയറിംഗ് ആപ്പ്

ഇൻസ്റ്റാഗ്രാം ഫോട്ടോ ഷെയറിംഗ് ആപ്പ് വഴി ടിക്കറ്റുകൾ ബുക്ക് ചെയ്യാനും ഭക്ഷണം ഓർഡർ ചെയ്യാനുമുള്ള സൗകര്യമുണ്ട്. ഉപഭോക്താക്കൾക്ക് വിൽപ്പനക്കാരുമായി ഇൻസ്റ്റാ​ഗ്രാമിലൂടെ നേരിട്ട് ഇടപാടുകൾ നടത്താം.

കോൾ ഓൺ ആക്ഷൻ ബട്ടൺ

വാണിജ്യാവശ്യങ്ങൾക്കായുള്ള കോൾ ഓൺ ആക്ഷൻ ബട്ടൺ ആണ് കമ്പനി പുതുതായി അവതരിപ്പിച്ചിരിക്കുന്നത്. ഒരു ബ്ലോഗ് പോസ്റ്റിലൂടെയാണ് കമ്പനി ഇക്കാര്യം അറിയിച്ചത്.

മെസേജുകൾ

വ്യാപാരങ്ങളും സേവനങ്ങളും സു​ഗമമാക്കാൻ മെസേജ് സൗകര്യവും ഇൻസ്റ്റാ​ഗ്രാമിലുണ്ട്. ആവശ്യാനുസരണം സന്ദേശങ്ങൾ വേർതിരിക്കാനും അവയുടെ പ്രാധാന്യമനുസരിച്ച് സ്റ്റാ‍ർ റേറ്റിം​ഗ് നൽകാനുമുള്ള സൗകര്യമാണ് ഇപ്പോൾ കമ്പനി ഒരുക്കിയിരിക്കുന്നത്.

ബിസിനസ് പ്രൊഫൈൽ

ദിവസവും രണ്ട് കോടിയോളം ഉപഭോക്താക്കളാണ് ഇൻസ്റ്റാഗ്രാമിലെ ഓരോ ബിസിനസ് പ്രൊഫൈലുകളും സന്ദർശിക്കുന്നത്. ഒന്നര കോടി ഉപഭോക്താക്കൾ ബിസിനസ് സംബന്ധിച്ചും ഉത്പന്നങ്ങളെ സംബന്ധിച്ചും ആശയ വിനിമയവും നടത്തുന്നുണ്ട്.

പേയ്മെന്റ് ഓപ്ഷൻ

ബിസിനസ് വിപുലീകരിക്കുന്നതിന്റെ ഭാഗമായി പേയ്മെന്റ് ഓപ്ഷനും ഇൻസ്റ്റാഗ്രാമിൽ ആരംഭിക്കാൻ പോകുകയാണ്. ഇതിന് ആപ്പിന്റെ സെറ്റിം​ഗ്സിൽ ആരംഭിക്കാൻ പോകുന്ന പേയ്മെന്റ് എന്ന വിഭാ​ഗത്തിൽ നിങ്ങളുടെ കാ‍ർഡ് വിവരങ്ങൾ ആഡ് ചെയ്താൽ മതി. പ്രത്യേക പിൻ നമ്പറും ഉപഭോക്താക്കൾക്ക് ഉണ്ടാക്കാം. ഇത് സുരക്ഷയുടെ ഭാ​ഗമാണ്.