പ്രളയത്തിൽ നശിച്ചു പോയ വാഹനങ്ങൾക്ക് ഉടൻ ഇന്‍ഷുറന്‍സ് ക്ലെയിം; ചെയ്യേണ്ട കാര്യങ്ങൾ

നടപടിക്രമങ്ങള്‍ വേഗത്തിൽ

ദുരിത ബാധിതരുടെ ഇന്‍ഷുറന്‍സ് ക്ലെയിം നടപടി ക്രമങ്ങള്‍ വേഗത്തിലാക്കണമെന്നാണ് സര്‍ക്കാര്‍ നിര്‍ദേശം. ഇതനുസരിച്ച് ഇന്‍ഷുറന്‍സ് തുക വേഗത്തിൽ തന്നെ നല്‍കുമെന്ന് വിവിധ ഇന്‍ഷുറന്‍സ് കമ്പനികള്‍ അറിയിച്ചിട്ടുണ്ട്.

മാനദണ്ഡങ്ങൾ

• ഇന്‍ഷുറന്‍സ് പരിരക്ഷ ലഭിക്കുന്നതിനായി കമ്പനികൾ ചില മാനദണ്ഡങ്ങള്‍ മുന്നോട്ടു വച്ചിട്ടുണ്ട്. അവ എന്തൊക്കെയാണെന്ന് നോക്കാം.
• വെള്ളം കയറിയ കാര്‍ ഓണ്‍ ആക്കാന്‍ ശ്രമിക്കരുത്.
• വെള്ളം കയറിയ വാഹനങ്ങള്‍ ഒരു കാരണവശാലും സ്റ്റാര്‍ട്ട് ചെയ്യാന്‍ പാടില്ല. ഇത് എന്‍ജിന്റെ പ്രവര്‍ത്തനത്തെ ദോഷകരമായി ബാധിക്കും. അങ്ങനെ വന്നാല്‍ ഇന്‍ഷുറന്‍സ് കമ്പനി ക്ലെയിം തിരസ്‌കരിക്കും. 
• പ്രദേശത്തെ വെള്ളം ഇറങ്ങിയാൽ എത്രയും വേഗത്തില്‍ ഇന്‍ഷുറന്‍സ് കമ്പനിയെ അറിയിച്ച് കേടു വന്ന വാഹനം കെട്ടിവലിച്ച് വര്‍ക്ക്‌ ഷോപ്പിലെത്തിക്കണം. 
• വെള്ളത്തില്‍ മുങ്ങിയ വാഹനത്തിന്റെ ഒരു ഫോട്ടോ എടുത്തു സൂക്ഷിക്കുന്നത് ക്ലെയിം നടപടി ക്രമങ്ങള്‍ വേഗത്തിലാക്കാന്‍ സഹായിക്കും.



ക്ലെയിം നടപടികൾ എങ്ങനെ?

• ഇന്‍ഷുറന്‍സ് കമ്പനിയില്‍ ഒരു ഇന്റിമേഷന്‍ ലെറ്റര്‍ പൂരിപ്പിച്ച് നല്‍കുക എന്നതാണ് ആദ്യ പടി. പ്രാഥമികമായ വിവരങ്ങളാണ് ഇതില്‍ നല്‍കേണ്ടത്.
• തുടർന്ന് ക്ലെയിം ഫോം കൂടി പൂരിപ്പിച്ച് നല്‍കുക.



ഇൻഷുറൻസ് രേഖകൾ നഷ്ട്ടപ്പെട്ടാൽ

വെള്ളപ്പൊക്കത്തില്‍ ഇന്‍ഷുറന്‍സ് രേഖകള്‍ നഷ്ടപ്പെട്ടാലും ഇന്‍ഷുറന്‍സ് ഓഫീസിലെത്തി നിങ്ങളുടെ വാഹന നമ്പറും മറ്റും നല്‍കി വിവരങ്ങള്‍ വീണ്ടെടുക്കാവുന്നതാണ്. തുടർന്ന് ക്ലെയിം അപേക്ഷ സമർപ്പിക്കാം.