സ്ഥിര നിക്ഷേപത്തിന്‍ മേല്‍ വായ്പ: ലഭിക്കുന്ന തുക, പലിശ നിരക്ക്... അറിയേണ്ടതെല്ലാം

By
Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ഇന്ത്യയില്‍ ഫിക്‌സഡ് ഡിപ്പോസിറ്റ് അഥവാ സ്ഥിര നിക്ഷേപമാണ് ആളുകള്‍ക്ക് ഏറെ പ്രിയം. മറ്റുള്ള നിക്ഷേപങ്ങളെ അപേക്ഷിച്ച് വളരെയേറെ സുരക്ഷിതമാണ് എന്നതാണ് സ്ഥിരനിക്ഷേപത്തെ ഇത്രയേറെ പ്രിയങ്കരമാക്കുന്നത്. ഏഴു ദിവസം മുതല്‍ 10 വര്‍ഷം വരെയുള്ള വ്യത്യസ്ത കാലാവധിയിലേക്ക് ഫിക്‌സഡ് ഡിപ്പോസിറ്റുകള്‍ സാധ്യമാണ്. മാത്രമല്ല, കൃത്യമായ വരുമാനം എഫ്ഡികള്‍ ഉറപ്പുനല്‍കുന്നുമുണ്ട്.

 

ജന്‍ധന്‍ അക്കൗണ്ടിലെ നിക്ഷേപം ഒരു ലക്ഷം കോടിയെന്ന നേട്ടത്തിനരികെ

എഫ്ഡിയില്‍ നിന്ന് ലോണെടുക്കാം

എഫ്ഡിയില്‍ നിന്ന് ലോണെടുക്കാം

എന്നാല്‍ സ്ഥിര നിക്ഷേപങ്ങളുടെ മറ്റൊരു പ്രധാന ആകര്‍ഷണം നിക്ഷേപം പിന്‍വലിക്കാതെ തന്നെ അതില്‍ നിന്ന് അടിയന്തര ഘട്ടങ്ങളില്‍ വായ്പയെടുക്കാം എന്നതാണ്. മറ്റ് പഴ്‌സണല്‍ ലോണിനേക്കാള്‍ പലിശ നിരക്ക് വളരെ കുറവാണ് എഫ്ഡി ലോണിന്. എഫ്ഡിയില്‍ നിന്ന് ലോണ്‍ എടുത്താലും നിക്ഷേപത്തിനുള്ള പലിശ ലഭിച്ചുകൊണ്ടിരിക്കുമെന്നതാണ് ഇതിന്റെ മറ്റൊരു സവിശേഷത.

എത്ര വരെ ലോണ്‍ ലഭിക്കും?

എത്ര വരെ ലോണ്‍ ലഭിക്കും?

കാലാവധി പൂര്‍ത്തിയാവുന്നതിന് മുമ്പ് നിക്ഷേപം പിന്‍വലിക്കേണ്ടിവരുന്ന അവസ്ഥ ഒഴിവാക്കുന്നതിന് വേണ്ടിയാണ് സ്ഥിര നിക്ഷേപത്തില്‍ നിന്ന് വായ്പ അനുവദിക്കുന്നത്. സത്യത്തില്‍ ഓവര്‍ ഡ്രാഫ്റ്റ് എന്ന രീതിയിലാണ് ഇത് നല്‍കുന്നത്. സാധാരണഗതിയില്‍ നിക്ഷേപത്തിന്റെ 70 മുതല്‍ 90 ശതമാനം വരെ വായ്പയായി ലഭിക്കും. ഇക്കാര്യത്തില്‍ കൃത്യമായ മാനദണ്ഡമില്ലാത്തതിനാല്‍ ചില ബാങ്കുകള്‍ ഇതിനേക്കാള്‍ കൂടുതല്‍ തുകയും ലോണായി നല്‍കാറുണ്ട്.

കുറഞ്ഞ പലിശ നിരക്ക്

കുറഞ്ഞ പലിശ നിരക്ക്

നിലവില്‍ 14 മുതല്‍ 30 ശതമാനം വരെ വാര്‍ഷിക പലിശ നിരക്കിലാണ് ധനകാര്യ സ്ഥാപനങ്ങളില്‍ നിന്ന് പഴ്‌സണല്‍ ലോണ്‍ ലഭിക്കുന്നത്. എന്നാല്‍ ഇതുമായി തട്ടിച്ചുനോക്കുമ്പോള്‍ വളരെ തുച്ഛമാണ് സ്ഥിര നിക്ഷേപത്തിന്‍മേലുള്ള വായ്പയുടേത്. സാധാരണ ഗതിയില്‍ നിക്ഷേപത്തിന്റെ രണ്ട് മുതല്‍ 2.5 ശതമാനം വരെയാണ് പലിശയായി ഈടാക്കാറ്. വായ്പാ തുകയുടെ കാര്യത്തിലെന്ന പോലെ പലിശയുടെ കാര്യത്തില്‍ ബാങ്കുകള്‍ക്കിടയില്‍ വ്യത്യസ്ത നിരക്കാണുള്ളത്.

പ്രൊസസിംഗ് ഫീസ് ഇല്ല

പ്രൊസസിംഗ് ഫീസ് ഇല്ല

മറ്റ് പഴ്‌സണല്‍ ലോണുകളിലേത് പോലെ സ്ഥിരനിക്ഷേപത്തിന്‍ മേലുള്ള വായ്പയില്‍ പ്രൊസസിംഗ് ഫീസായി നിശ്ചിത സംഖ്യ ഈടാക്കുന്ന പരിപാടി സാധാരണഗിതിയില്‍ ഇല്ല എന്നുള്ളതാണ് മറ്റൊരു പ്രധാന സവിശേഷത. എന്നാല്‍ ചില ബാങ്കുകള്‍ നാമമാത്രമായ തുക ഈ ഇനത്തില്‍ ഈടാക്കുന്നുണ്ട്.

വായ്പാ തിരിച്ചടവ് കാലാവധി

വായ്പാ തിരിച്ചടവ് കാലാവധി

സ്ഥിര നിക്ഷേപത്തിന്റെ കാലാവധി എത്രയാണോ അതുതന്നെയാണ് അതിന്‍മേലുള്ള വായ്പ തിരിച്ചടക്കുന്നതിനുള്ള കാലാവധിയും. ഇവ തിരിച്ചടക്കുന്നതിനുള്ള നടപടിക്രമങ്ങള്‍ ഭവന വായ്പയുടെ നടപടിക്രമങ്ങള്‍ക്ക് സമാനമാണ്. ബാങ്കുകള്‍ തീരുമാനിക്കുന്ന ഇഎംഐ അടച്ചുതീര്‍ക്കുന്ന രീതിയാണിത്. വായ്പ കാലാവധിക്കു മുമ്പേ ക്ലോസ് ചെയ്താല്‍ മറ്റ് വായ്പകളിലേതു പോലെ എന്തെങ്കിലും പിഴ ഈടാക്കുന്ന രീതി ഇതിനില്ല.

English summary

Loan against Fixed Deposit

Loan against Fixed Deposit
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X