Just In
-
-
-
-
Don't Miss
-
IPL 2024: ഹാര്ദിക് അല്ല, ലോകകപ്പ് കളിക്കേണ്ടത് ശിവം ദൂബെ; താരത്തിന് പിന്നില് അണിചേര്ന്ന് ആരാധകര് -
ബിജെപി 8 സീറ്റ് നേടുമെന്ന് മെട്രോമാന് ഇ ശ്രീധരന്; പൊന്നാനിയിലും ജയിക്കും, മോദിയല്ല ആദ്യം പറഞ്ഞത് -
വെറും 2.99 ലക്ഷം മാത്രം! വർക്കിലും ലുക്കിലും നിഞ്ചയെ തൂക്കും മാക് 2 പതിപ്പുമായി അൾട്രാവയലറ്റ് -
കേട്ടതെല്ലാം സത്യമായിരുന്നു; അവർ ഒരുമിച്ചാണ്; ഈ സ്ഥാനത്ത് സമാന്ത ആയിരുന്നെങ്കിലോ; ചർച്ചയാക്കി ആരാധകർ -
കാപ്പി കുടിച്ചാല് മുടി കൊഴിയുമോ, കഫീന് മുടിയില് പുരട്ടിയാല് മുടി വളരുമോ? -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
എന്‍ആര്‍ഐ അക്കൗണ്ട്. മിക്കവരും കേട്ടു പരിചയിച്ച പദമാണിത്. പ്രധാനമായും മൂന്നു ഗണത്തില്‍പ്പെടുന്ന എന്‍ആര്‍ഐ അക്കൗണ്ടുകളാണ് പ്രവാസികള്‍ക്ക് തിരഞ്ഞെടുക്കാനാവുക — എന്‍ആര്‍ഒ, എന്‍ആര്‍ഇ, എഫ്‌സിഎന്‍ആര്‍. ഈ അവസരത്തില്‍ മുകളില്‍ പറഞ്ഞ മൂന്നു എന്‍ആര്‍ഐ അക്കൗണ്ടുകളുടെയും പൂര്‍ണ വിവരങ്ങള്‍ ചുവടെ അറിയാം.
എന്‍ആര്‍ഇ സേവിങ്‌സ് / ഫിക്‌സഡ് ഡിപ്പോസിറ്റ് അക്കൗണ്ട്
നോണ്‍ റെസിഡന്‍ഡ് എക്‌സ്‌റ്റേണല്‍ സേവിങ്‌സ് / ഫിക്‌സ്ഡ് ഡിപ്പോസിറ്റ് അക്കൗണ്ടെന്നാണ് എന്‍ആര്‍ഇ അക്കൗണ്ടിന്റെ പൂര്‍ണ രൂപം. ഇന്ത്യന്‍ രൂപയിലാണ് എന്‍ആര്‍ഇ അക്കൗണ്ടില്‍ പണം നിക്ഷേപിക്കപ്പെടുന്നത്. അതായത് വിദേശ കറന്‍സിയില്‍ പണം നിക്ഷേപിച്ചാലും അന്നന്നത്തെ വിനിമയ നിരക്ക് പ്രകാരമുള്ള ഇന്ത്യന്‍ രൂപയായിരിക്കും എന്‍ആര്‍ഇ അക്കൗണ്ടിലേക്ക് വരിക.
നിക്ഷേപിക്കുന്ന പണവും പലിശയും മറ്റു അക്കൗണ്ടിലേക്ക് കൈമാറുന്നതിന് തടസമില്ല. ഒപ്പം എന്‍ആര്‍ഇ അക്കൗണ്ടിലെ പലിശയ്ക്ക് ഇന്ത്യയില്‍ നികുതി ഈടാക്കില്ലെന്നതും ഇവിടെ പ്രത്യേകം പരാമര്‍ശിക്കണം.
എന്‍ആര്‍ഒ സേവിങ്‌സ് / ഫിക്‌സഡ് ഡിപ്പോസിറ്റ് അക്കൗണ്ട്
നോണ്‍ റസിഡന്റ് ഒര്‍ഡിനറി സേവിങ്‌സ് / ഫിക്‌സഡ് ഡിപ്പോസിറ്റ് അക്കൗണ്ടെന്നാണ് എന്‍ആര്‍ഒ അക്കൗണ്ടിന്റെ പൂര്‍ണ രൂപം. എന്‍ആര്‍ഇ അക്കൗണ്ടുപോലെ എന്‍ആര്‍ഒ അക്കൗണ്ടിലും ഇന്ത്യന്‍ രൂപയിലാണ് പണം നിക്ഷേപിക്കപ്പെടുന്നത്. വിദേശ കറന്‍സിയില്‍ പണം അടച്ചാലും അന്നന്നത്തെ വിനിമയ പ്രകാരമുള്ള ഇന്ത്യന്‍ രൂപ എന്‍ആര്‍ഒ അക്കൗണ്ടില്‍ നിക്ഷേപിക്കപ്പെടും.
ഇന്ത്യയിലുള്ള ആര്‍ക്കും എന്‍ആര്‍ഒ അക്കൗണ്ട് തുടങ്ങാം. ഇതേസമയം, എന്‍ആര്‍ഒ അക്കൗണ്ടിലെ നിക്ഷേപങ്ങള്‍ക്ക് ലഭിക്കുന്ന പലിശയ്ക്ക് മുപ്പതു ശതമാനം നികുതി ഒടുക്കേണ്ടതുണ്ട്. ഒപ്പം വിദ്യാഭ്യാസ സെസും സര്‍ചാര്‍ജും പലിശയ്ക്ക് മേല്‍ ഈടാക്കപ്പെടും. ഇന്ത്യയിലെ അടവുകള്‍ക്കും ചിലവുകള്‍ക്കുമായി എന്‍ആര്‍ഒ അക്കൗണ്ട് പ്രവാസികള്‍ക്ക് ഉപയോഗിക്കാം. ഇന്ത്യന്‍ കറന്‍സി അക്കൗണ്ടില്‍ നിക്ഷേപിക്കുന്നതിനും തടസങ്ങളില്ല.
എഫ്‌സിഎന്‍ആര്‍ ഫിക്‌സഡ് ഡിപ്പോസിറ്റ് അക്കൗണ്ട്
ഫോറിന്‍ കറന്‍സി നോണ്‍ റെസിഡന്റ് ഫിക്‌സഡ് ഡിപ്പോസിറ്റ് അക്കൗണ്ടെന്നാണ് എഫ്‌സിഎന്‍ആര്‍ അക്കൗണ്ടിന്റെ പൂര്‍ണ രൂപം. വിദേശ കറന്‍സിയില്‍ ദീര്‍ഘകാലം നിക്ഷേപം സൂക്ഷിക്കാന്‍ എഫ്‌സിഎന്‍ആര്‍ അക്കൗണ്ടിലൂടെ കഴിയും. ഇതേസമയം, എഫ്‌സിഎന്‍ആര്‍ അക്കൗണ്ടില്‍ ഇന്ത്യന്‍ രൂപ നിക്ഷേപിക്കാനാവില്ല.
അമേരിക്കന്‍ ഡോളര്‍, പൗണ്ട്‌സ് സ്റ്റെര്‍ലിങ്, യൂറോ, ജാപ്പനീസ് യെന്‍, ഓസ്‌ട്രേലിയന്‍ ഡോളര്‍, കനേഡിയന്‍ ഡോളര്‍ എന്നീ കറന്‍സികളാണ് ഒട്ടുമിക്ക ബാങ്കുകളും എഫ്‌സിഎന്‍ആര്‍ അക്കൗണ്ടില്‍ സ്വീകരിക്കാറ്. എഫ്‌സിഎന്‍ആര്‍ അക്കൗണ്ടിലെ നിക്ഷേപങ്ങള്‍ക്ക് ലഭിക്കുന്ന പലിശയ്ക്ക് ഇന്ത്യയില്‍ നികുതിയില്ല.
