എടിഎം കാർഡുള്ള പലർക്കും അറിയില്ല ഈ സേവനത്തെക്കുറിച്ച്, ഇനി കാർഡ് നഷ്ട്ടപ്പെട്ടാലും കാശ് പോകില്ല

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

പണമില്ലാത്ത ഇടപാടിന്റെ ഈ കാലഘട്ടത്തിൽ, ഡെബിറ്റ് അല്ലെങ്കിൽ ക്രെഡിറ്റ് കാർഡുകൾ ഉപയോഗിക്കാത്ത ആളുകൾ വളരെ വിരളമാണ്. കാർഡ് ഇടപാടുകളുടെ ഉപയോഗം കഴിഞ്ഞ കുറച്ച് വർഷങ്ങളായി അതിവേഗം വർദ്ധിച്ചു കൊണ്ടിരിക്കുകയാണ്, അതുപോലെ തന്നെ ബാങ്കിംഗ് തട്ടിപ്പുകളും. അതുകൊണ്ട് തന്നെ തട്ടിപ്പുകളിൽ നിന്നും മോഷണങ്ങളിൽ നിന്നും നിങ്ങളുടെ കാർഡ് സംരക്ഷിക്കേണ്ടത് വളരെ പ്രധാനമാണ്. ഇതിനായി വിവിധ ബാങ്കുകളും ഇൻഷുറൻസ് കമ്പനികളും വാഗ്ദാനം ചെയ്യുന്ന സേവനമാണ് കാർഡ് സംരക്ഷണ പദ്ധതി (സി‌പി‌പി).

എന്താണ് സിപിപി (കാർഡ് പ്രൊട്ടക്ഷൻ പ്ലാൻ)
 

എന്താണ് സിപിപി (കാർഡ് പ്രൊട്ടക്ഷൻ പ്ലാൻ)

ഇത് നിങ്ങളുടെ കാർഡുകൾ നഷ്ടപ്പെടൽ, മോഷണം, തട്ടിപ്പ് എന്നിവയിൽ നിന്ന് സംരക്ഷിക്കുന്നു. നിങ്ങളുടെ ക്രെഡിറ്റ് അല്ലെങ്കിൽ ഡെബിറ്റ് കാർഡുകൾ മാത്രമല്ല, പാൻ കാർഡ് പോലുള്ള രേഖകൾക്കും കാർഡ് സംരക്ഷണ പദ്ധതികൾ സംരക്ഷണം നൽകും. കാർഡുകൾ ഇൻഷ്വർ ചെയ്യുന്നതിന് ഉപഭോക്താക്കൾ ഒരു നിശ്ചിത തുക നൽകണം. സേവനത്തെയും കാലാവധിയെയും ആശ്രയിച്ച് തിരഞ്ഞെടുക്കാൻ നിരവധി കാർഡ് സംരക്ഷണ പദ്ധതികൾ ബാങ്കുകൾ വാഗ്ദാനം ചെയ്യുന്നുണ്ട്.

എങ്ങനെ പ്രവർത്തിക്കുന്നു?

എങ്ങനെ പ്രവർത്തിക്കുന്നു?

വിവിധ പൊതു, സ്വകാര്യ മേഖലയിലെ ബാങ്കുകൾക്ക് വ്യത്യസ്ത കാർഡ് സംരക്ഷണ പദ്ധതികളുണ്ട്. ഈ സേവനം ലഭിക്കുന്നതിന് ആവശ്യക്കാർ വാർഷിക പ്രീമിയം അടയ്ക്കണം. സംരക്ഷണ പദ്ധതിയുടെ സേവനത്തെയും കാലാവധിയെയും ആശ്രയിച്ച് സാധാരണയായി 900 രൂപ മുതൽ 2,100 രൂപ വരെയാണ് നിരക്ക്. പ്രീമിയർ ബാങ്കുകളായ സ്റ്റേറ്റ് ബാങ്ക് ഓഫ് ഇന്ത്യ, ഐസിഐസിഐ ബാങ്ക്, കൊട്ടക് മഹീന്ദ്ര ബാങ്ക്, ഇൻഡസ്ഇൻഡ് ബാങ്ക്, ആക്സിസ് ബാങ്ക് എന്നിവ കാർഡ് സംരക്ഷണ പദ്ധതികൾ വാഗ്ദാനം ചെയ്യുന്നുണ്ട്. കാർഡ് നഷ്ടപ്പെടൽ, മോഷണം, സ്കിമ്മിംഗ്, കള്ളനോട്ട്, ഫിഷിംഗ്, ഓൺലൈൻ തട്ടിപ്പ്, പിൻ അടിസ്ഥാനമാക്കിയുള്ള തട്ടിപ്പുകൾ എന്നിവ മൂലം ഉണ്ടാകുന്ന ഏത് നഷ്ടവും ഈ പ്ലാനുകൾ കവർ ചെയ്യും.

ടോൾ ഫ്രീ നമ്പർ

ടോൾ ഫ്രീ നമ്പർ

ഉപഭോക്താക്കൾക്ക് അവരുടെ കാർഡുകൾ നഷ്‌ടപ്പെടുകയോ മോഷ്ടിക്കപ്പെടുകയോ ചെയ്താൽ വിളിക്കാൻ കഴിയുന്ന 24 * 7 ടോൾ ഫ്രീ നമ്പർ ഉണ്ട്. നിങ്ങളുടെ കാർഡ് എത്രയും വേഗം നിർജ്ജീവമാക്കുന്നതിന് കാർഡുകൾ ഇഷ്യു ചെയ്യുന്നവരെ അതായത് വിസ, റുപേ അല്ലെങ്കിൽ മാസ്റ്റർകാർഡ് തുടങ്ങിയവരെ ബാങ്കുകൾ വിളിക്കും. നിങ്ങൾ‌ ഒന്നിലധികം ക്രെഡിറ്റ് കാർ‌ഡുകൾ‌ ഉപയോഗിക്കുകയും അടിയന്തിര സാഹചര്യങ്ങളിൽ‌ അവയെല്ലാം തടയുകയും ചെയ്യേണ്ടതുണ്ടെങ്കിൽ‌ ഇത് ശരിക്കും ഉപയോഗപ്രദമാകും. നിങ്ങളുടെ കാർഡുകൾ തടയുന്നതിന് നിങ്ങൾ ഓരോ ബാങ്കിനെയും വ്യക്തിഗതമായി വിളിക്കേണ്ട ആവശ്യമില്ല, ബാങ്ക് നിങ്ങൾക്കായി എല്ലാ കാർഡുകളും ബ്ലോക്ക് ചെയ്യും.

അടിയന്തര യാത്രാ ചെലവ്

അടിയന്തര യാത്രാ ചെലവ്

യാത്രയ്ക്കിടെ നിങ്ങളുടെ കാർഡുകൾ മോഷ്ടിക്കപ്പെടുകയോ നഷ്ടപ്പെടുകയോ ചെയ്താൽ കാർഡ് സംരക്ഷണ പദ്ധതി നിങ്ങളുടെ അടിയന്തര യാത്രാ ചെലവുകൾ വഹിക്കും. അതായത് കാർഡ് സംരക്ഷണ പദ്ധതി പ്രകാരം, ബാങ്കോ ഇൻഷുററോ നിങ്ങൾക്കായി യാത്രാ ടിക്കറ്റ് ബുക്ക് ചെയ്യും. ഹോട്ടൽ ബില്ലുകൾ പോലുള്ള നിങ്ങളുടെ താമസച്ചെലവും സ്കീമിന് കീഴിൽ ഉൾപ്പെടും. കാർഡ് സംരക്ഷണ പദ്ധതി പ്രകാരം സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ) 1.6 ലക്ഷം രൂപ വരെ ഹോട്ടൽ ബില്ലുകൾ വാഗ്ദാനം ചെയ്യുന്നുണ്ട്. 1.6 ലക്ഷം രൂപ വരെ യാത്രാ സഹായവും വാഗ്ദാനം ചെയ്യുന്നുണ്ട്. അടിയന്തര യാത്രാ സഹായത്തിനും താമസത്തിനും ഒപ്പം, ഈ കാർഡ് സംരക്ഷണ പദ്ധതികളെല്ലാം അടിയന്തിര പണ ആനുകൂല്യവും വാഗ്ദാനം ചെയ്യുന്നു.

കുടുംബാംഗങ്ങൾക്കും

കുടുംബാംഗങ്ങൾക്കും

ഈ കാർഡ് പരിരക്ഷണ പദ്ധതികളിൽ അധിക ചാർജ് ഇല്ലാതെ തന്നെ നിങ്ങളുടെ കുടുംബാംഗങ്ങളെയും ചേർക്കാൻ സാധിക്കും. സ്റ്റേറ്റ് ബാങ്ക് ഓഫ് ഇന്ത്യയുടെ പ്രീമിയം കാർഡ് സംരക്ഷണ പദ്ധതിയിൽ, നിങ്ങളുടെ പങ്കാളിയെ ചേർക്കാം. എസ്‌ബി‌ഐയുടെ പ്ലാറ്റിനം കാർഡ് സംരക്ഷണ പദ്ധതിയിൽ‌, നിങ്ങളുടെ കുടുംബത്തിലെ 4 അംഗങ്ങളെ ചേർ‌ക്കാൻ‌ കഴിയും. കാർഡ് സംരക്ഷണ പദ്ധതിയുടെ എല്ലാ ആനുകൂല്യങ്ങളും അവർക്ക് ലഭിക്കുകയും ചെയ്യും.

ഇനി തട്ടിപ്പ് നടക്കില്ല; എടിഎമ്മുകളിൽ നിന്ന് പണം പിൻവലിക്കാൻ പുതിയ രീതി

മറ്റ് രേഖകളും സംരക്ഷിക്കാം

മറ്റ് രേഖകളും സംരക്ഷിക്കാം

ഡെബിറ്റ്, ക്രെഡിറ്റ് കാർഡുകൾക്ക് പുറമെ, പാൻ കാർഡ് പോലുള്ള മറ്റ് പ്രധാന രേഖകളുടെ നഷ്ടവും മോഷണവും കാർഡ് സംരക്ഷണ പദ്ധതിയിൽ ഉൾപ്പെടുന്നു. അധിക നിരക്ക് ഈടാക്കാതെ ബാങ്ക് നിങ്ങളുടെ പാൻ കാർഡ് മാറ്റിസ്ഥാപിക്കും. കാർഡ് സംരക്ഷണ പദ്ധതി പ്രകാരം നിങ്ങളുടെ പാസ്‌പോർട്ട്, ഡ്രൈവിംഗ് ലൈസൻസ്, ഷെയർ സർട്ടിഫിക്കറ്റുകൾ, ഇൻഷുറൻസ് പോളിസികൾ എന്നിവയുടെ വിശദാംശങ്ങളും രജിസ്റ്റർ ചെയ്യാം.

രണ്ട് തവണ എടിഎമ്മിൽ നിന്ന് കാശെടുക്കണമെങ്കിൽ കുറഞ്ഞത് 6 മണിക്കൂർ കാത്തിരിക്കണം

ഫോൺ നഷ്‌ട്ടപ്പെട്ടാൽ

ഫോൺ നഷ്‌ട്ടപ്പെട്ടാൽ

നിങ്ങളുടെ മൊബൈൽ ഫോൺ നഷ്‌ടപ്പെടുകയാണെങ്കിലും കാർഡ് സംരക്ഷണ പദ്ധതി നിങ്ങളെ സഹായിക്കും. അതായത് ബാങ്കോ ഇൻഷുററോ നിങ്ങളുടെ സിം തടയുകയും നിങ്ങൾക്കായി ഒരു പുതിയ സിം ക്രമീകരിക്കുകയും ചെയ്യും. കാർഡ് സംരക്ഷണ പദ്ധതികളിൽ ഭൂരിഭാഗത്തിനും ഒരു വർഷത്തെ കാലാവധിയുണ്ട്.

എടിഎമ്മിൽ കയറുന്നവർ സൂക്ഷിക്കുക; പേടിഎം സ്ഥാപകന്റെ മുന്നറിയിപ്പ്, അറിയേണ്ട കാര്യങ്ങൾ

English summary

എടിഎം കാർഡുള്ള പലർക്കും അറിയില്ല ഈ സേവനത്തെക്കുറിച്ച്, ഇനി കാർഡ് നഷ്ട്ടപ്പെട്ടാലും കാശ് പോകില്ല

The use of card transactions has been increasing rapidly over the past few years, as well as banking frauds. Therefore, it is very important to protect your card from fraud and theft. Read in malayalam.
Story first published: Saturday, November 23, 2019, 8:12 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X