ലോക്ക് ഡൗൺ കാലത്ത് നികുതിയിളവ് ലഭിക്കുന്ന നിക്ഷേപങ്ങള്‍ ഓണ്‍ലൈനായി നടത്തുന്നത് എങ്ങനെ?

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

നികുതി ഇളവ് ലഭിക്കുന്ന നിക്ഷേപങ്ങള്‍ നടത്താനുള്ള സമയപരിധി ജൂണ്‍ 30 വരെ നീട്ടിയിട്ടുണ്ടെന്ന് ഈ ആഴ്ചയുടെ തുടക്കത്തില്‍ത്തന്നെ ധനമന്ത്രി നിര്‍മല സീതാരാമന്‍ അറിയിച്ചിരുന്നു. ഒരു സാമ്പത്തിക വര്‍ഷത്തെ സംബന്ധിച്ചിടത്തോളം സാധാരണയായി മാര്‍ച്ച് 31 -നാണ് നികുതി റിട്ടേണ്‍ സമര്‍പ്പിക്കുന്നത്. എന്നാല്‍, രാജ്യത്ത് 21 ദിവസത്തെ ലോക്ക് ഡൗണ്‍ പ്രഖ്യാപിച്ച സാഹചര്യത്തില്‍ മിക്ക നികുതിദായകര്‍ക്കും ആശ്വാസകരമായിരിക്കും സര്‍ക്കാരിന്റെ ഈ തീരുമാനം. കൊവിഡ് 19 പ്രതിസന്ധി രൂക്ഷമായ സാഹചര്യത്തിലാണ് സര്‍ക്കാരിന്റെ ഈ നടപടി. ഫിസിക്കല്‍ മോഡിലുള്ള നിക്ഷേപങ്ങളെ ആശ്രയിച്ചിരുന്നവര്‍ക്ക് ഒരു ആശ്വാസമായാണ് ഈ ഘട്ടത്തെ വിലയിരുത്തുന്നത്. നിങ്ങള്‍ക്ക് ഇന്റര്‍നെറ്റ് ബാങ്കിംഗ് ആക്‌സസ് ഉണ്ടെങ്കില്‍, ലോക്ക് ഡൗണ്‍ സാഹചര്യം മനസില്‍ വച്ചുകൊണ്ട് നിങ്ങള്‍ ഇതുവരെ ഓണ്‍ലൈനില്‍ നിക്ഷേപിച്ചിട്ടില്ലെങ്കില്‍പ്പോലും കാര്യങ്ങള്‍ എളുപ്പമാണ്.

അര്‍ഹരായവര്‍ ആരൊക്കെ?
 

അര്‍ഹരായവര്‍ ആരൊക്കെ?

ഇതുവരെ അപേക്ഷിതമായ നികുതി ലാഭിക്കല്‍ നിക്ഷേപം നടത്തിയിട്ടില്ലാത്തവര്‍ക്കാണ് ഈ ഇളവ് ലഭ്യമാവുക. എങ്കിലും, ഇതിനകം നികുതി ലാഭിക്കല്‍ നിക്ഷേപം നടത്തിയ നികുതിദായകരെ ഈ മാറ്റം ബാധിക്കുന്നതല്ല. ഒരുപക്ഷേ, ഇതിനകം നിങ്ങള്‍ക്കുള്ള ഓപ്ഷനുകള്‍ തീരുകയും, ഇപ്പോള്‍ നിങ്ങള്‍ പുതിയ നിക്ഷേപം നടത്താന്‍ ആഗ്രഹിക്കുകയുമാണെങ്കില്‍ അത് 2020-21 സാമ്പത്തിക വര്‍ഷത്തില്‍ ഉപയോഗിക്കാവുന്നതാണ്. നിങ്ങളുടെ നികുതി റിട്ടേണ്‍ സമര്‍പ്പിക്കുമ്പോള്‍ പ്രസക്തമായ സാമ്പത്തിക വര്‍ഷം നിങ്ങള്‍ വ്യക്തമാക്കേണ്ടതുണ്ട്.

എന്തുകൊണ്ട് ഓണ്‍ലൈന്‍?

എന്തുകൊണ്ട് ഓണ്‍ലൈന്‍?

നിങ്ങള്‍ക്ക് ഇന്റര്‍നെറ്റ് ബന്ധവും സ്വന്തം ഇ-മെയില്‍ ഐഡിയും ഉണ്ടെന്നിരിക്കട്ടെ. മാത്രമല്ല, ഇക്കാലത്ത് ബാങ്കുകള്‍ ഇന്റര്‍നെറ്റ്/ ഓണ്‍ലൈന്‍ ബാങ്കിംഗ് സേവനങ്ങള്‍ വാഗ്ദാനം ചെയ്യുന്നുമുണ്ട്. ഇവ തടസരഹിതമാണുതാനും. നിലവില്‍ കൊവിഡ് 19 വ്യാപിക്കുന്ന സാഹചര്യത്തില്‍, ബാങ്ക് ശാഖകളിലേക്ക് പോവാതെ തന്നെ വീട്ടിലിരുന്ന് കൊണ്ട് ഇടപാടുകള്‍ നടത്താന്‍ ഇത്തരം സൗകര്യങ്ങള്‍ അനുവദിക്കുന്നു.

കൊവിഡ് 19 ഫണ്ടുകളിലേക്ക് 100 കോടി രൂപ, വൈറസിനെതിരെ പോരാടാന്‍ ബജാജ് ഗ്രൂപ്പ്‌

നികുതി ലാഭിക്കുന്ന മ്യൂച്വല്‍ ഫണ്ടുകള്‍

നികുതി ലാഭിക്കുന്ന മ്യൂച്വല്‍ ഫണ്ടുകള്‍

വകുപ്പ് 80 സി പ്രകാരം ഇക്വിറ്റി ലിങ്ക്ഡ് സേവിംഗ്‌സ് സ്‌കീമുകള്‍(ഇഎല്‍എസ്എസ്) നിങ്ങള്‍ക്ക് ആദായനികുതി കിഴിവ് ആനുകൂല്യങ്ങള്‍ നല്‍കുന്നു. പരമാവധി 1.5 ലക്ഷം രൂപവരെ ആനുകൂല്യ ഇനത്തില്‍ നിങ്ങള്‍ക്ക് ലഭിക്കുന്നതായിരിക്കും. ഇഎല്‍എസ്എസ് സ്‌കീമുകള്‍ സ്വഭാവത്തില്‍ മള്‍ട്ടി ക്യാപ് ആണ്, കൂടാതെ മാര്‍ക്കറ്റ് ക്യാപിറ്റലൈസേഷനില്‍ ഉടനീളം ഓഹരികളില്‍ നിക്ഷേപിക്കുകയും ചെയ്യുന്നു.

അതിനാല്‍, ഇക്വിറ്റി നിക്ഷേപം ഒരുപരിധി വരെ അപകട സാധ്യതയുള്ളതായി വരുന്നുവെന്ന് ഓര്‍മ്മിക്കേണ്ടതാണ്. നിങ്ങള്‍ക്ക് ഓണ്‍ലൈനാവാന്‍ താല്‍പ്പര്യമുണ്ടെങ്കില്‍ ഒന്നുകില്‍ വിദഗ്ധരോട് ഉപദേശം തേടാം അല്ലെങ്കില്‍ യൂണിറ്റുകള്‍ വാങ്ങാന്‍ മിക്ക മ്യൂച്വല്‍ ഫണ്ടുകളും നിങ്ങളെ സഹായിക്കുന്നതാണ്. നിങ്ങളുടെ ജനനത്തീയതി പോലുള്ള അടിസ്ഥാന വിവരങ്ങള്‍ക്കൊപ്പം നിങ്ങളുടെ ഫോളിയോ നമ്പര്‍, മൊബൈല്‍ നമ്പര്‍ എന്നിവ ഇതിനായി നല്‍കേണ്ടതുണ്ട്. ഇന്റര്‍നെറ്റ് ബാങ്കിംഗ് ഇല്ലാത്തപക്ഷം യുപിഐ പേയ്‌മെന്റ് രീതിയും ഉപയോഗിക്കാവുന്നതാണ്.

പെൻഷൻകാർ അറിഞ്ഞോ? മൂന്ന് മാസത്തെ പെൻഷൻ മുൻകൂട്ടി ലഭിക്കും, എന്ന് മുതൽ?

ദേശീയ പെന്‍ഷന്‍ പദ്ധതി (എന്‍പിഎസ്)

ദേശീയ പെന്‍ഷന്‍ പദ്ധതി (എന്‍പിഎസ്)

ദേശീയ പെന്‍ഷന്‍ പദ്ധതിയിലെ നിക്ഷേപത്തിന് വകുപ്പ് 80 സി പ്രകാരം 1.5 ലക്ഷം രൂപയും, വകുപ്പ് 80 സിസിഡി (1ബി) പ്രകാരം 50,000 രൂപയും നികുതി ഇളവായി നിങ്ങള്‍ക്ക് ലഭിക്കുന്നതാണ്. എന്‍പിഎസില്‍ നിക്ഷേപം നടത്താന്‍ നിങ്ങള്‍ക്കൊരു സജീവ ഇന്റര്‍നെറ്റ് ബാങ്കിംഗ് സേവനം ആവശ്യമാണ്. നാഷണല്‍ സെക്യൂരിറ്റീസ് ഡെപ്പോസിറ്ററീസ് ലിമിറ്റഡിന്റെ (എന്‍എസ്ഡിഎല്‍) ഇഎന്‍പിഎസ് പോര്‍ട്ടല്‍ വഴി നിങ്ങള്‍ക്ക് എന്‍പിഎസ് അക്കൗണ്ട് ഓണ്‍ലൈനായി ആരംഭിക്കാവുന്നതാണ്. ഓരോ തവണയും നിങ്ങള്‍ നിക്ഷേപം നടത്തുമ്പോള്‍ നിങ്ങളുടെ പെര്‍മനെന്റ് റിട്ടയര്‍മെന്റ് അക്കൗണ്ട് നമ്പര്‍ (പിആര്‍എഎന്‍) ചോദിക്കുന്നതായിരിക്കും.

എടിഎമ്മിൽ പോകുന്നവർ സൂക്ഷിക്കുക; പണം പിൻവലിക്കുമ്പോൾ നിങ്ങൾ ചെയ്യേണ്ടത് എന്ത്?

ലൈഫ് ആരോഗ്യ ഇന്‍ഷുറന്‍സ്

ലൈഫ് ആരോഗ്യ ഇന്‍ഷുറന്‍സ്

നിങ്ങള്‍ ഇന്‍ഷുറന്‍സ് വാങ്ങുകയാണെങ്കില്‍, വകുപ്പ് 80 സി പ്രകാരം നികുതിയിളവിന് അര്‍ഹമായ ഒരു ടേം പദ്ധതി സ്വന്തമാക്കേണ്ടതുണ്ട്. നിങ്ങള്‍ അടച്ച പ്രീമിയം തുകയ്ക്ക് കിഴിവുകള്‍ ലഭ്യമായിരിക്കും. ഇത് പരമാവധി പരിധിയായ 1.5 ലക്ഷം രൂപയ്ക്ക് വിധേയമായിരിക്കും. നിങ്ങള്‍ക്കും നിങ്ങളുടെ കുടുംബത്തിനും ആരോഗ്യ ഇന്‍ഷുറന്‍സ് വാങ്ങാന്‍ പദ്ധതിയിടുമ്പോള്‍, വകുപ്പ് 80 ഡി പ്രകാരം ഇതിന്റെ പ്രീമിയം കിഴിവ് ക്ലെയിം ചെയ്യാന്‍ സാധിക്കുന്നതാണ്. ഓണ്‍ലൈന്‍ വഴി നിങ്ങളുടെ പോളിസി പുതുക്കാനും പുതിയ പോളിസി സ്വന്തമാക്കാനും കഴിയും. ഒരു ടേം പദ്ധതി വാങ്ങുന്നതിനു മുമ്പ് കെവൈസി പ്രക്രിയ പൂര്‍ത്തിയായിട്ടുണ്ടെന്ന് ഉറപ്പുവരുത്തുക. എന്നാല്‍, ആരോഗ്യ ഇന്‍ഷുറന്‍സ് വാങ്ങുമ്പോള്‍ നിങ്ങള്‍ക്ക് കെവൈസി ആവശ്യമായി വരുന്നില്ല.

English summary

ലോക്ക് ഡൗൺ കാലത്ത് നികുതിയിളവ് ലഭിക്കുന്ന നിക്ഷേപങ്ങള്‍ ഓണ്‍ലൈനായി നടത്തുന്നത് എങ്ങനെ? | covid19 lockdown: easy tax saving options that you can avail online

covid19 lockdown: easy tax saving options that you can avail online
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X