നിഷ്ക്രിയമായ സുകന്യ സമൃദ്ധി, പിപിഎഫ്, ആർഡി, ഹെൽത്ത് ഇൻഷുറൻസ് നിക്ഷേപങ്ങൾ എങ്ങനെ പുതുക്കാം?

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ന്യൂ ഡൽഹി: ഇന്നത്തെ തിരക്കിട്ട ജീവിതത്തിനിടയിൽ നമ്മുടെ എല്ലാ നിക്ഷേപങ്ങളും കൃത്യമായി ട്രാക്ക് ചെയ്ത് പരിപാലിക്കാൻ പലർക്കും കഴിഞ്ഞെന്നുവരില്ല. പലപ്പോഴും കൃത്യമായ ഇടവേളകളിൽ പണം നിക്ഷേപിച്ച് നിക്ഷേപങ്ങൾ ആക്റ്റീവായി നിലനിർത്താൻ മറക്കുന്നവരാണ് പലരും. മിക്ക ആളുകളും ഇതിനു പരിഹാരമായി സാധാരണ ഓട്ടോ ഡെബിറ്റ് ഫെസിലിറ്റിയാണ് ഉപയോഗിക്കുന്നത്. അങ്ങനെയെങ്കിൽ നിങ്ങളുടെ സുകന്യ സമൃദ്ധി യോജന, പബ്ലിക് പ്രൊവിഡന്റ് ഫണ്ട് (PPF), ആവർത്തന നിക്ഷേപം (RD) എന്നിവ നിഷ്ക്രീയമായലോ ഹെൽത്ത് ഇൻഷൂറൻസ് പോളിസി ലാപ്സായലോ എന്താണ് ചെയ്യേണ്ടതെന്ന് നോക്കാം.

 സുകന്യ സമൃദ്ധി യോജന
 

സുകന്യ സമൃദ്ധി യോജന

ഇന്ത്യയിലെ സ്ഥിരതാമസക്കാരായ പെൺകുട്ടികൾക്കായി കേന്ദ്ര സർക്കാർ ആരംഭിച്ച സമ്പാദ്യ പദ്ധതിയാണ് സുകന്യ സമൃദ്ധി യോജന. പത്ത് വയസ്സുവരെയുള്ള പെൺകുട്ടികൾക്കായി അവരുടെ മാതാപിതാക്കൾക്കോ മറ്റ് രക്ഷിതാക്കൾക്കോ ഈ അക്കൗണ്ട് തുടങ്ങാവുന്നതാണ്. കുറഞ്ഞത് 250 രൂപ (മുൻപ് ഇത് 1000 രൂപയായിരുന്നു) നിക്ഷേപിച്ചുകൊണ്ട് അക്കൗണ്ട് തുടങ്ങാം. ഒരു ധനകാര്യ വർഷത്തിൽ എപ്പോൾ വേണമെങ്കിലും പണം നിക്ഷേപിക്കാവുന്നതാണ്. പരമാവധി 1,50,000 രൂപ വരെ നിക്ഷേപിക്കാം. സുകന്യ സമൃദ്ധി അക്കൗണ്ടിൽ നിക്ഷേപിക്കുന്ന പണത്തിന് നൽകുന്ന പലിശ നിരക്ക് (ഒക്ടോബർ മുതൽ ഡിസംബർ വരെ) 7.9 ശതമാനമായി നിശ്ചയിച്ചിട്ടുണ്ട്. ഒരു വർഷത്തിൽ കുറഞ്ഞത് 250 രൂപ നിക്ഷേപിക്കാതിരുന്നാൽ അക്കൗണ്ട് 'ഡിസ്കണ്ടിന്യൂഡ്' ആയി കണക്കാക്കും. പോസ്റ്റ് ഓഫീസ് അല്ലെങ്കിൽ ബാങ്കിന്റെ ബ്രാഞ്ചിനെ സമീപിച്ചുകൊണ്ട് നിങ്ങൾക്ക് ഈ അക്കൗണ്ട് പുതുക്കുന്നതിനായി അപേക്ഷിക്കാവുന്നതാണ്. അതിനായി പണമടയ്ക്കാത്ത ഓരോ വർഷത്തേക്കുമായി കുറഞ്ഞത് 1000 രൂപയും പിഴയായി പ്രതിവർഷം 50 രൂപയും നൽകേണ്ടതാണ്.

പബ്ലിക് പ്രൊവിഡന്റ് ഫണ്ട് (PPF)

പബ്ലിക് പ്രൊവിഡന്റ് ഫണ്ട് (PPF)

കേന്ദ്ര സർക്കാർ നൽകുന്ന നികുതിയിളവ് സൗജന്യ സേവിംഗ്സാണ് പബ്ലിക് പ്രൊവിഡന്റ് ഫണ്ട്. ഒരു ധനകാര്യ വർഷത്തിൽ കുറഞ്ഞത് 500 രൂപ നിക്ഷേപിച്ചില്ലെങ്കിൽ നിങ്ങളുടെ പബ്ലിക് പ്രൊവിഡന്റ് ഫണ്ട് അക്കൗണ്ട് നിഷ്ക്രീയമാകുന്നതാണ്. ഇങ്ങനെ അക്കൗണ്ട് നിഷ്ക്രീയമാകുകയാണെങ്കിൽ അക്കൗണ്ട് ഉടമയ്ക്ക് പണം പിൻവലിക്കാനോ വായ്പയെടുക്കാനോ കഴിയില്ല. ഇങ്ങനെ നിഷ്ക്രീയമായ അക്കൗണ്ട് പുതുക്കണമെങ്കിൽ പോസ്റ്റ് ഓഫീസ് അല്ലെങ്കിൽ ബാങ്കിന്റെ ബ്രാഞ്ചിനെ സമീപിച്ച് നിങ്ങൾക്ക് ഈ അക്കൗണ്ട് പുതുക്കുന്നതിനായി അപേക്ഷിക്കേണ്ടതാണ്. നിങ്ങൾ പണമടയ്ക്കാത്ത ഓരോ വർഷത്തേക്കുമായി കുറഞ്ഞത് 500 രൂപയും പിഴയായി പ്രതിവർഷം 50 രൂപയും നിക്ഷേപിക്കേണ്ടതുണ്ട്.

ആവർത്തന നിക്ഷേപം (RD)

ആവർത്തന നിക്ഷേപം (RD)

സ്ഥിര വരുമാനമുള്ള ആളുകൾക്ക് ഓരോ മാസവും ഒരു നിശ്ചിത തുക അവരുടെ ആർ ഡി അക്കൗണ്ടിലേക്ക് നിക്ഷേപിക്കാം, ഇതിന് സ്ഥിര നിക്ഷേപങ്ങൾക്ക് ബാധകമായ നിരക്കിൽ പലിശ ലഭിക്കുന്നതാണ്. നിങ്ങൾ ഇതിന്റെ തവണകൾ കൃത്യമായി അടയ്ക്കാൻ വിട്ടുപോവുകയാണെങ്കിൽ ഈ അക്കൗണ്ട് നിഷ്ക്രീയമാകുന്നതാണ്. മൂന്നോ അതിലധികമോ തവണകൾ മുടങ്ങുകയാണെങ്കിൽ ഒരോ മാസത്തിനുമായി 10 രൂപ സർവ്വീസ് ചാർജ്ജ് ഈടാക്കുന്നതാണ്. എന്നിരുന്നാലും നിങ്ങൾ തുടർച്ചയായി 6 തവണകൾ പണമടക്കാതിരുന്നാൽ അക്കൗണ്ട് കാലാവധി ആവുന്നതിന് മുമ്പ് തന്നെ ക്ലോസ് ചെയ്യുകയും ബാക്കി തുക അക്കൗണ്ട് ഉടമയ്ക്ക് നൽകുകയും ചെയ്യും. പിഴ നൽകിയ ശേഷം അക്കൗണ്ട് റെഗുലറൈസ് ചെയ്യാവുന്നതാണ്. ഇതിനായി അഞ്ച് വർഷത്തിൽ കുറയാത്ത കാലയളവിലേക്ക് പ്രതിമാസം 100 രൂപയ്ക്ക് 1.5 രൂപയും അഞ്ച് വർഷത്തിൽ കുടുതലായുള്ള കാലയളവിലേക്ക് പ്രതിമാസം 100 രൂപയ്ക്ക് 2 രൂപയും പിഴ ഈടാക്കുന്നതാണ്.

പോസ്റ്റ് ഓഫീസ് എടിഎം കാർഡിന്റെ പ്രത്യേകതകൾ എന്തെല്ലം? നിങ്ങൾ തീർച്ചയായും അറിയേണ്ട കാര്യങ്ങൾ

ഹെൽത്ത് ഇൻഷൂറൻസ് പോളിസി

ഹെൽത്ത് ഇൻഷൂറൻസ് പോളിസി

30 ദിവസത്തെ ഗ്രേസ് പിരീഡിനുള്ളിൽ പണമടച്ചില്ലെങ്കിൽ നിങ്ങളുടെ ഹെൽത്ത് ഇൻഷൂറൻസ് പോളിസി ലാപ്സാവുന്നതാണ്. കൂടാതെ ഈ ലാപ്സ് പിരീഡിൽ നിങ്ങൾക്ക് ഹെൽത്ത് കവറേജ് ലഭിക്കുകയുമില്ല. ഇങ്ങനെയുള്ള അക്കൗണ്ട് പുതുക്കണമെങ്കിൽ, കവറേജ് ഇല്ലാത്ത കാലയളവിൽ നിങ്ങൾക്ക് അസുഖങ്ങളൊന്നും ഇല്ലായിരുന്നുവെന്ന് ഇൻഷൂററിനെ ബോധ്യപ്പെടുത്തേണ്ടി വരും. പ്രീമിയം പേയ്‌മെന്റ് ഒന്നിൽ കൂടുതൽ തവണ അടയ്ക്കാതിരുന്നാൽ ഈ പോളിസി പിന്നീട് പുതുക്കാൻ കഴിയില്ല.

English summary

നിഷ്ക്രിയമായ സുകന്യ സമൃദ്ധി, പിപിഎഫ്, ആർഡി, ഹെൽത്ത് ഇൻഷുറൻസ് നിക്ഷേപങ്ങൾ എങ്ങനെ പുതുക്കാം?

How to revive dormant Sukanya Samriddhi, PPF, Bank RD, Health Insurance Accounts
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X