ശ്രദ്ധയോടെ നിക്ഷേപങ്ങൾ തിരഞ്ഞെടുക്കുന്നത് നികുതി ലാഭിക്കൽ എളുപ്പമാക്കും

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

അടുത്ത സാമ്പത്തിക വർഷത്തിലേക്ക് കടക്കാൻ ഇനി കുറച്ചു നാളുകൾ കൂടിയേ ഉള്ളൂ. ആദായ നികുതി ആനുകൂല്യങ്ങൾ ലഭിക്കാനുള്ള മാർഗങ്ങൾ ഇതുവരെ കണ്ടെത്തിയിട്ടില്ലെങ്കിൽ അതിനുള്ള സമയവും അടുത്തെത്തി. നികുതി ആനുകൂല്യങ്ങൾ ലഭിക്കുന്ന ധാരാളം നിക്ഷേപങ്ങൾ വിപണിയിൽ ലഭ്യമാണ്. എന്നാൽ ഇത്തരം മാർഗങ്ങളിൽ പലതും എല്ലാ നികുതിദായകർക്കും യോജിച്ചേക്കില്ല. നികുതി ലാഭിക്കൽ ഉപകരണങ്ങൾ നികുതിദായകന്റെ സാമ്പത്തിക ലക്ഷ്യങ്ങൾ പൂർത്തീകരിക്കുന്നത് കൂടിയായിരിക്കണം. അതിനാൽ തന്നെ വ്യക്തിയുടെ പ്രായം, അപകടസാധ്യത, ലക്ഷ്യങ്ങൾ എന്നിവയെ ആശ്രയിച്ച് ഉചിതമായ നികുതി ലാഭിക്കൽ ഉപകരണങ്ങൾ തിരഞ്ഞെടുക്കേണ്ടതുണ്ട്. ഉദാഹരണത്തിന്, ഒരു യുവാവിന് അനുയോജ്യമായ ഒരു നികുതി ലാഭിക്കൽ ഉൽപ്പന്നം വിരമിച്ച ഒരാൾക്ക് യോജിച്ചേക്കില്ല, തിരിച്ചും അങ്ങനെ തന്നെയാണ്.

യൂലിപ്, ഇഎൽഎസ്എസ്
 

യൂലിപ്, ഇഎൽഎസ്എസ്

യൂണിറ്റ് ലിങ്ക്‌ഡ് പ്ലാനുകളും (യുലിപ്) ഇക്വിറ്റി ലിങ്ക്‌ഡ് സേവിംഗ്സ് സ്‌കീമുകളും (ഇഎൽഎസ്എസ്) പലർക്കും ആശയക്കുഴപ്പമുണ്ടാകാറുള്ള നിക്ഷേപങ്ങളാണ്, കാരണം ആദായനികുതി നിയമത്തിലെ സെക്ഷൻ 80സി പ്രകാരം രണ്ട് ഉൽപ്പന്നങ്ങളും 1.5 ലക്ഷം രൂപ വരെയുള്ള നികുതി ആനുകൂല്യങ്ങൾ വാഗ്ദാനം ചെയ്യുന്നുണ്ട്. എന്നാൽ ഇവ തമ്മിലുള്ള സമാനത ഇത് മാത്രമാണ്. യു‌ലി‌പ് ഒരു ഇൻ‌ഷുറൻസ്-കം-ഇൻ‌വെസ്റ്റ്മെൻറ് ഉൽ‌പ്പന്നമാണ്, അതേസമയം ഇഎൽഎസ്എസ് തീർത്തും നിക്ഷേപ ഉൽ‌പ്പന്നമാണ്.

യു‌ലി‌പ്

യു‌ലി‌പ് സാധാരണയായി ഇഎൽഎസ്എസിനേക്കാൾ ഉയർന്ന നിരക്കുകൾ ഈടാക്കുന്നുണ്ട്. യു‌ലി‌പ്‌ന്റെയും ഇഎൽഎസ്എസിന്റെയും ഏറ്റവും കുറഞ്ഞ ലോക്ക്-ഇൻ കാലയളവുകൾ യഥാക്രമം 5 വർഷവും 3 വർഷവുമാണ്. യു‌ലി‌പിന് ഒരു ദീർഘകാല പ്രതിബദ്ധത ആവശ്യമാണ്, അതായത് ഒരു യൂലിപ് നിക്ഷേപം ആരംഭിച്ചാൽ, എല്ലാ വർഷവും നിങ്ങൾ കൃത്യമായി അതിൽ നിക്ഷേപിക്കേണ്ടതുണ്ട്. എന്നാൽ ഇഎൽഎസ്എസിൽ നിങ്ങൾക്ക് ഒറ്റത്തവണയായി തുക നിക്ഷേപിക്കാം അല്ലെങ്കിൽ പ്രതിമാസ തവണകളായി നിക്ഷേപിക്കാം.

ഇൻഷുറൻസ്

അതിനാൽ തന്നെ നിങ്ങൾ ഒരു ഇൻഷുറൻസ് പ്ലസ് നിക്ഷേപ ഉൽപ്പന്നമാണ് ആവശ്യമെന്നിരിക്കെ ഒരു ദീർഘകാല പ്രതിബദ്ധതയ്ക്ക് കൂടി തയ്യാറാണെങ്കിൽ യുലിപ് തിരഞ്ഞെടുക്കാം. അപകടസാധ്യതകൾ കാര്യമാക്കാതെ ഉയർന്ന റിട്ടേൺ ലഭിക്കുന്ന നിക്ഷേപമാണ് നിങ്ങൾ വേണ്ടതെങ്കിൽ ഇഎൽഎസ്എസ് ഒരു നല്ല ഓപ്‌ഷനാണ്.

എൻ‌പി‌എസ്, പി‌പി‌എഫ്

എൻ‌പി‌എസ്, പി‌പി‌എഫ്

നാഷണൽ പെൻഷൻ സിസ്റ്റവും (എൻ‌പി‌എസ്) പബ്ലിക് പ്രൊവിഡന്റ് ഫണ്ടും (പി‌പി‌എഫ്) ദീർഘകാല നിക്ഷേപ ഉൽ‌പ്പന്നങ്ങളാണെങ്കിലും നിക്ഷേപകർക്ക് വ്യത്യസ്ത തരത്തിലുള്ള ആനുകൂല്യങ്ങളാണ് ഇവ വാഗ്ദാനം ചെയ്യുന്നത്. എൻ‌പി‌എസ് ഒരു റിട്ടയർമെന്റ് പ്ലാനാണ്. പെന്‍ഷന്‍ പറ്റുമ്പോഴോ 60 വയസ്സാകുമ്പോഴോ നിക്ഷേപ തുകയില്‍ നിന്ന് 60 ശതമാനം പിന്‍വലിക്കാന്‍ കഴിയും. ഇത് നികുതി രഹിതമാണ്. ബാക്കി 40% ആന്വിറ്റി പ്ലാൻ വാങ്ങുന്നതിന് നിക്ഷേപിക്കേണ്ടതുണ്ട്. പിപിഎഫ് ഉപഭോക്താക്കൾക്ക് ഇഇഇ ആനുകൂല്യം വാഗ്ദാനം ചെയ്യുന്നു, അതായത്, സെക്ഷൻ 80സി പ്രകാരം 1.5 ലക്ഷം രൂപ വരെയുള്ള നിക്ഷേപം, മെച്യൂരിറ്റി തുക, അത്തരം നിക്ഷേപങ്ങൾക്ക് ലഭിക്കുന്ന പലിശ എന്നിവയെല്ലാം നികുതി ആനുകൂല്യങ്ങൾ ലഭിക്കുന്നതിന് അർഹമാണ്. പി‌പി‌എഫ് നിക്ഷേപങ്ങളുടെ പലിശ ഓരോ പാദത്തിലും സർക്കാർ പരിഷ്കരിക്കാറുണ്ട്, കൂടാതെ ഇതിന് 15 വർഷത്തെ ലോക്ക്-ഇൻ കാലയളവുമുണ്ട്.

ഇനി എടിഎമ്മിൽ കയറേണ്ട, അടുത്തുള്ള കടയിൽ നിന്നും കാശ് പിൻവലിക്കാം

സെക്ഷൻ 80

സെക്ഷൻ 80 സിസിഡി പ്രകാരം എൻ‌പി‌എസ് നിക്ഷേപത്തിന് 50,000 രൂപ വരെ അധിക നികുതി ആനുകൂല്യം ലഭിക്കും. അതിനാൽ നിങ്ങൾ സെക്ഷൻ 80സി പരിധിക്ക് മുകളിലുമുള്ള അധിക നികുതി ആനുകൂല്യത്തിനായി തിരയുകയാണെങ്കിൽ, ഈ നിക്ഷേപം തിരഞ്ഞെടുക്കാം. ഒരു നീണ്ട ലോക്ക്-ഇൻ‌ കാലയളവിനായി കാത്തിരിക്കാൻ‌ തയാറാണെങ്കിൽ‌, പി‌പി‌എഫ് വളരെ ആകർഷകമായ നികുതി ലാഭിക്കുന്ന നിക്ഷേപ ഓപ്‌ഷനാണ്.

പൊട്ടി പാളീസായി അനിൽ അംബാനി; 12 വർഷത്തിനുള്ളിൽ 42 ബില്യൺ ഡോളർ ആസ്തി വട്ടപ്പൂജ്യമായി മാറിയത് എങ്ങനെ?

എൻ‌എസ്‌സി, ടാക്‌സ് സേവിംഗ് എഫ്‌ഡി

എൻ‌എസ്‌സി, ടാക്‌സ് സേവിംഗ് എഫ്‌ഡി

കുറഞ്ഞ ലോക്ക്-ഇൻ പിരീഡുള്ള സുരക്ഷിത വരുമാനം ലഭിക്കുന്ന ഒരു നികുതി ലാഭിക്കൽ ഉൽ‌പ്പന്നമാണ് നിങ്ങൾ തിരയുന്നതെങ്കിൽ, നാഷണൽ സേവിംഗ്സ് സർ‌ട്ടിഫിക്കറ്റ് (എൻ‌എസ്‌സി) തിരഞ്ഞെടുക്കാം. അഞ്ച് വർഷമാണ് ലോക്ക്-ഇൻ പിരീഡ്. എൻ‌എസ്‌സിയുടെ പലിശ നിരക്ക് ഓരോ പാദത്തിലും സർക്കാർ പരിഷ്‌കരിക്കാറുണ്ട്. അതേസമയം നികുതി ലാഭിക്കുന്ന എഫ്‌ഡികളുടെ പലിശ നിരക്ക് വിവിധ സാമ്പത്തിക ഘടകങ്ങൾ കണക്കിലെടുത്ത് ബാങ്കുകളാണ് നിർണ്ണയിക്കുന്നത്.

പാചകവാത വില കത്തിക്കയറി; ഒറ്റയടിയ്ക്ക് കൂടിയത് 146 രൂപ, ഇന്ന് മുതൽ പുതിയ നിരക്ക്

നികുതി

നിലവിൽ എൻ‌എസ്‌സിക്ക് നൽകുന്ന പലിശ നിരക്ക് 7.9 ശതമാനമാണ്. നികുതി ലാഭിക്കുന്ന എഫ്‌ഡികളുടെ പലിശ നിരക്ക് 6.7% മുതൽ 7% വരെയാണ്. എൻ‌എസ്‌സിയിലെ നിക്ഷേപം ടിഡിഎസിന് വിധേയമല്ല, അതേസമയം ബാങ്ക് എഫ്ഡി ടിഡിഎസിന് വിധേയമാണ്. എൻ‌എസ്‌സി നിക്ഷേപം നിങ്ങൾക്ക് വായ്പകളെടുക്കുന്നതിന് ഈടായി ഉപയോഗിക്കാൻ കഴിയും. എന്നാൽ നികുതി ലാഭിക്കുന്ന എഫ്‌ഡികൾ ഇങ്ങനെ ഉപയോഗിക്കാൻ അനുവദിക്കില്ല.

English summary

ശ്രദ്ധയോടെ നിക്ഷേപങ്ങൾ തിരഞ്ഞെടുക്കുന്നത് നികുതി ലാഭിക്കൽ എളുപ്പമാക്കും | investments with care will make tax savings easier

investments with care will make tax savings easier
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X