ഐആർ‌സി‌ടി‌സി ടിക്കറ്റ് ബുക്കിംഗ് ഇന്ന് ആരംഭിക്കും; ഓൺലൈനായി എങ്ങനെ ട്രെയിൻ ടിക്കറ്റ് ബുക്ക് ചെയ്യാം?

സർവ്വീസ് എവിടേയ്ക്ക്?

ദില്ലി സ്റ്റേഷൻ, ദിബ്രുഗഡ്, അഗർത്തല, ഹൌറ, പട്‌ന, ബിലാസ്പൂർ, റാഞ്ചി, ഭുവനേശ്വർ, സെക്കന്തരാബാദ്, ബെംഗളൂരു, ചെന്നൈ, തിരുവനന്തപുരം, മഡ്ഗാവ്, മുംബൈ സെൻട്രൽ, അഹമ്മദാബാദ് എന്നിവിടങ്ങളിൽ നിന്ന് പ്രത്യേക ട്രെയിനുകളായി ഈ ട്രെയിനുകൾ ഓടിക്കുമെന്ന് റെയിൽവേ സർക്കുലറിൽ പറയുന്നു. അതിനുശേഷം, ലഭ്യമായ കോച്ചുകളെ അടിസ്ഥാനമാക്കി പുതിയ റൂട്ടുകളിൽ കൂടുതൽ പ്രത്യേക സേവനങ്ങൾ ആരംഭിക്കും. ട്രെയിൻ ഷെഡ്യൂൾ ഉൾപ്പെടെയുള്ള കൂടുതൽ വിവരങ്ങൾ റെയിൽവേ പ്രത്യേകം അറിയിക്കുമെന്നാണ് വിവരം.

ടിക്കറ്റ് ബുക്കിംഗ് നിയമങ്ങൾ

രാജ്യത്തെ നിലവിലെ കൊറോണ വൈറസ് സ്ഥിതി കണക്കിലെടുത്ത്, ഈ ട്രെയിനുകളിൽ റിസർവേഷൻ ബുക്ക് ചെയ്യുന്നത് ഓൺലൈനിൽ മാത്രമായിരിക്കും. റെയിൽ‌വേ സ്റ്റേഷനുകളിലെ ടിക്കറ്റ് ബുക്കിംഗ് കൌണ്ടറുകൾ‌ അടച്ചിടും. കൂടാതെ കൌണ്ടറുകളിലൂടെ‌ പ്ലാറ്റ്ഫോം ടിക്കറ്റുകൾ‌ ഉൾപ്പെടെ നൽകില്ല. ഐആർ‌സി‌ടി‌സി ഓൺലൈൻ ടിക്കറ്റ് ബുക്കിംഗ് നടപടിക്രമങ്ങൾ പരിശോധിക്കാം.

പിഎന്‍ആര്‍ നില ഇനി എസ്എംഎസ് വഴിയും അറിയാം; പുതിയ നീക്കവുമായി ഇന്ത്യന്‍ റെയില്‍വേ

സ്റ്റെപ് 1

• ഐആർസിടിസി വെബ്സൈറ്റിൽ രജിസ്റ്റർ ചെയ്ത് ശേഷം നിങ്ങളുടെ യൂസർ നെയിമും പാസ്‌വേഡും നൽകി ലോഗിൻ ചെയ്യുക.
• "Book Your Ticket"എന്ന പേജിൽ നിങ്ങൾ യാത്ര ചെയ്യാൻ ആഗ്രഹിക്കുന്ന സ്റ്റേഷൻ, യാത്രയുടെ തീയതി, യാത്രാ ക്ലാസ് എന്നിവ നൽകുക. (നിങ്ങൾക്ക് ഒരു നിശ്ചിത യാത്രാ തീയതി ഇല്ലെങ്കിൽ, "ഫ്ലെക്സിബിൾ വിത്ത് ഡേറ്റ്" ഓപ്ഷൻ തിരഞ്ഞെടുക്കുക.)
• ട്രെയിനിന്റെ ലിസ്റ്റ് കണ്ടെത്തുന്നതിന്,"Find trains" ഓപ്ഷനിൽ ക്ലിക്കുചെയ്യുക
• അടുത്ത പേജിൽ തിരഞ്ഞെടുത്ത റൂട്ടിനായി ലഭ്യമായ ട്രെയിനുകളുടെ പട്ടിക പ്രദർശിപ്പിക്കും.
• റൂട്ടും സമയവും അറിയാൻ നിങ്ങൾ ആഗ്രഹിക്കുന്നുവെങ്കിൽ, ട്രെയിനിന്റെ പേരിൽ ക്ലിക്കുചെയ്യുക.

സ്റ്റെപ് 2

• ട്രെയിനിന്റെ ലഭ്യതയും നിരക്കും അറിയാൻ "check availability & fare" എന്ന ടാബിൽ ക്ലിക്ക് ചെയ്യുക.
• തിരഞ്ഞെടുത്ത ക്ലാസ് അനുസരിച്ച് നിരക്ക് കാണിക്കും.
• തിരഞ്ഞെടുത്ത ട്രെയിനിൽ ടിക്കറ്റ് ബുക്ക് ചെയ്യുന്നതിന് "Book Now" ബട്ടണിൽ ക്ലിക്കുചെയ്യുക.
• തുടർന്ന് യാത്രക്കാരുടെ റിസർവേഷൻ പേജ് ദൃശ്യമാകും.
• പേജിന്റെ ഇടതുവശത്ത് പ്രദർശിപ്പിച്ചിരിക്കുന്ന ട്രെയിനിന്റെ പേര്, സ്റ്റേഷൻ, ക്ലാസ്, യാത്രാ തീയതി എന്നിവ നിങ്ങൾ ആഗ്രഹിക്കുന്നതുപോലെ തന്നെയാണോ എന്ന് പരിശോധിക്കുക.
• യാത്രക്കാരുടെ പേരുകൾ, പ്രായം, ലിംഗഭേദം, ബെർത്ത് മുൻഗണന, ഭക്ഷണം തിരഞ്ഞെടുക്കൽ എന്നിവ നൽകുക. (പേരുകളുടെ പരമാവധി ദൈർഘ്യം 16 അക്ഷരങ്ങളായിരിക്കും)

തത്കാല്‍ ടിക്കറ്റ് ബുക്കിംഗ് വേഗത്തിലാക്കാന്‍ അഞ്ച് മാര്‍ഗങ്ങള്‍

സ്റ്റെപ് 3

• എസ്എംഎസുകളും മറ്റും ലഭിക്കാൻ മൊബൈൽ നമ്പർ നൽകുക
• തുടർന്ന് 'Next' ബട്ടണിൽ ക്ലിക്കുചെയ്യുക.
• ശരിയായ വിശദാംശങ്ങൾ നൽകിയ ശേഷം Continue Booking ബട്ടൺ ക്ലിക്കുചെയ്യുക.
• ട്രെയിൻ-ക്ലാസ്, ക്വാട്ടയുമായി ബന്ധപ്പെട്ട ഏതെങ്കിലും വിശദാംശങ്ങൾ മാറ്റുന്നതിന്, "റിപ്ലാൻ ബുക്കിംഗ്" ബട്ടൺ ഉപയോഗിക്കാം.
• ടിക്കറ്റ് വിശദാംശങ്ങൾ, മൊത്തം നിരക്ക് (ജിഎസ്ടി ഉൾപ്പെടെ), പ്രത്യേക സമയത്ത് ബെർത്തിന്റെ ലഭ്യത എന്നിവ സ്ക്രീനിൽ ദൃശ്യമാകും.

സ്റ്റെപ് 4

• എല്ലാ വിശദാംശങ്ങളും പരിശോധിച്ച ശേഷം, പേയ്‌മെന്റ് പ്രോസസ്സിനായി Continue Booking ബട്ടൺ ക്ലിക്കുചെയ്യുക.
• എല്ലാ പേയ്‌മെന്റ് ഓപ്ഷനുകളും നിർദ്ദിഷ്ട വിഭാഗങ്ങളിൽ (അതായത് ക്രെഡിറ്റ് കാർഡുകൾ, നെറ്റ് ബാങ്കിംഗ്, വാലറ്റുകൾ, ഒന്നിലധികം പേയ്‌മെന്റ് സേവനം എന്നിവ പ്രകാരം തരം തിരിച്ചിരിക്കും).
• ഇടത് വശത്ത് പ്രദർശിപ്പിച്ചിരിക്കുന്ന പേയ്‌മെന്റ് ഗേറ്റ്‌വേ മെനുവിൽ നിന്ന് ആവശ്യമുള്ള പേയ്‌മെന്റ് ഓപ്ഷൻ തിരഞ്ഞെടുക്കുക
• തിരഞ്ഞെടുത്ത ബാങ്ക് വെബ്‌സൈറ്റിലേക്ക് റീഡയറക്‌ട് ചെയ്യുന്നതിന് "Make Payment" ബട്ടണിൽ ക്ലിക്കുചെയ്യുക.
• വിജയകരമായ പേയ്‌മെന്റിന് ശേഷം ടിക്കറ്റ് സ്ഥിരീകരണ പേജ് ദൃശ്യമാകും.
• കൂടാതെ, എസ്എംഎസ് രൂപത്തിലുള്ള വെർച്വൽ റിസർവേഷൻ സന്ദേശം (വിആർഎം) മൊബൈൽ നമ്പറിൽ അയയ്ക്കും (പാസഞ്ചർ റിസർവേഷൻ ഫോമിൽ നൽകിയിരിക്കുന്നതുപോലെ).