10 പൊതുമേഖലാ ബാങ്കുകൾ ഇന്ന് മുതൽ നാല് ബാങ്കുകളാകും, കൂടുതൽ വിവരങ്ങൾ അറിയാം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ഇന്ന് (ഏപ്രിൽ 1) മുതൽ രാജ്യത്തെ പത്ത് പൊതുമേഖലാ സ്ഥാപനങ്ങളെ (പി‌എസ്‌യു) നാല് ബാങ്കുകളായി സംയോജിപ്പിക്കും. ബാങ്കിംഗ് മേഖലയിലെ ഏറ്റവും വലിയ ഏകീകരണമാണ് ഇന്ന് നടക്കുന്നത്. 2019 ഓഗസ്റ്റിൽ സർക്കാർ 10 പൊതുമേഖലാ ബാങ്കുകളെ വലിയതും ശക്തവുമായ നാല് ബാങ്കുകളായി ലയിപ്പിക്കുമെന്ന് പ്രഖ്യാപിച്ചിരുന്നു. ഇതോടെ, ഇന്ത്യയിലെ പൊതുമേഖലാ ബാങ്കുകളുടെ എണ്ണം 2017ലെ 27 ൽ നിന്ന് 12 ആയി കുറയും.

നിശ്ചയിച്ച ദിവസം തന്നെ
 

നിശ്ചയിച്ച ദിവസം തന്നെ

കൊറോണ വൈറസ് മഹാമാരിയെ തുടർന്ന് ബാങ്കുകളുടെ ഏകീകരണം നീട്ടി വച്ചേക്കാമെന്ന് പരക്കെ വാർത്തകൾ പുറത്തു വന്നിരുന്നു. എന്നാൽ നിശ്ചയിച്ച ദിവസം തന്നെ ലയനം നടത്താനായിരുന്നു കേന്ദ്ര സർക്കാരിന്റെയും റിസർവ് ബാങ്കിന്റെയും തീരുമാനം. 10 പൊതുമേഖലാ ബാങ്കുകളുടെ (പി‌എസ്‌ബി) പ്രവർത്തനങ്ങൾ നാല് 'മെഗാ ബാങ്കുകളായി' ഏകീകരിക്കുന്ന ലയനത്തിന് ഈ മാസം ആദ്യം മന്ത്രിസഭ അനുമതി നൽകിയിരുന്നു. ഇന്ന് മുതൽ പ്രാബല്യത്തിൽ വരുന്ന പൊതുമേഖലാ ബാങ്കുകളുടെ മെഗാ ലയനത്തെക്കുറിച്ച് നിങ്ങൾ അറിയേണ്ട കാര്യങ്ങൾ.

മൊറട്ടോറിയം: അപ്പോള്‍ മൂന്നു മാസം വായ്പ തിരിച്ചടയ്‌ക്കേണ്ട? അറിയണം ഇക്കാര്യങ്ങള്‍

രണ്ടാമത്തെ വലിയ ബാങ്ക്

രണ്ടാമത്തെ വലിയ ബാങ്ക്

ഓറിയന്റൽ ബാങ്ക് ഓഫ് കൊമേഴ്‌സും (ഒബിസി) യുണൈറ്റഡ് ബാങ്ക് ഓഫ് ഇന്ത്യയും പഞ്ചാബ് നാഷണൽ ബാങ്കിൽ (പിഎൻബി) ലയിക്കും. ലയനത്തിനുശേഷം ഇവയെല്ലാം ചേർന്നുള്ള പുതിയ ബാങ്ക്, സ്റ്റേറ്റ് ബാങ്ക് ഓഫ് ഇന്ത്യയ്ക്ക് (എസ്‌ബി‌ഐ) ശേഷമുള്ള രാജ്യത്തെ രണ്ടാമത്തെ വലിയ പൊതുമേഖലാ ബാങ്കായി മാറും. സിൻഡിക്കേറ്റ് ബാങ്ക് കാനറ ബാങ്കിൽ ലയിപ്പിക്കും. ഇത് രാജ്യത്തെ നാലാമത്തെ വലിയ പൊതുമേഖലാ ബാങ്കായി മാറും.

എടിഎമ്മിൽ പോകുന്നവർ സൂക്ഷിക്കുക; പണം പിൻവലിക്കുമ്പോൾ നിങ്ങൾ ചെയ്യേണ്ടത് എന്ത്?

മറ്റ് ബാങ്കുകൾ

മറ്റ് ബാങ്കുകൾ

ഇന്ത്യൻ ബാങ്കിനെ അലഹബാദ് ബാങ്കുമായി ലയിപ്പിക്കും. യൂണിയൻ ബാങ്ക് ഓഫ് ഇന്ത്യ ആന്ധ്ര ബാങ്കും കോർപ്പറേഷൻ ബാങ്കുമായി ലയിപ്പിക്കും. ലയിപ്പിക്കുന്ന ബാങ്കുകളുടെ നിക്ഷേപകർ ഉൾപ്പെടെയുള്ള ഉപഭോക്താക്കളെ 2020 ഏപ്രിൽ 1 മുതൽ പ്രാബല്യത്തിൽ വരുന്ന പുതിയ ബാങ്കുകളുടെ ഉപഭോക്താക്കളായി പരിഗണിക്കും. ലയനത്തിനുശേഷം 12 പൊതുമേഖലാ സ്ഥാപനങ്ങളുണ്ടാകും. ലയിപ്പിച്ച ആറ് ബാങ്കുകളും ആറ് സ്വതന്ത്ര പൊതുമേഖലാ ബാങ്കുകളും.

ലയിപ്പിച്ച പൊതുമേഖല ബാങ്കുകൾ

ലയിപ്പിച്ച പൊതുമേഖല ബാങ്കുകൾ

  • എസ്‌ബി‌ഐ
  • ബാങ്ക് ഓഫ് ബറോഡ
  • പഞ്ചാബ് നാഷണൽ ബാങ്ക്
  • കാനറ ബാങ്ക്
  • യൂണിയൻ ബാങ്ക് ഓഫ് ഇന്ത്യ
  • ഇന്ത്യൻ ബാങ്ക്
സ്വതന്ത്ര പൊതുമേഖല ബാങ്കുകൾ

സ്വതന്ത്ര പൊതുമേഖല ബാങ്കുകൾ

  • ഇന്ത്യൻ ഓവർസീസ് ബാങ്ക്
  • യുക്കോ ബാങ്ക്
  • ബാങ്ക് ഓഫ് മഹാരാഷ്ട്ര
  • പഞ്ചാബ്, സിന്ധ് ബാങ്ക്
  • ബാങ്ക് ഓഫ് ഇന്ത്യ
  • സെൻട്രൽ ബാങ്ക് ഓഫ് ഇന്ത്യ

ലോക്ക് ഡൌണിനിടെ മെഗാ ബാങ്ക് ലയനം: ഏപ്രിൽ 1ന് പുതിയ ബാങ്കുകൾ പ്രാബല്യത്തിൽ വരുമെന്ന് റിസർവ് ബാങ്ക്

English summary

10 public sector banks will become four banks from today | 10 പൊതുമേഖലാ ബാങ്കുകൾ ഇന്ന് മുതൽ നാല് ബാങ്കുകളാകും, കൂടുതൽ വിവരങ്ങൾ അറിയാം

Ten Public Sector (PSUs) banks will be merged into four banks from today (April 1). Read in malayalam.
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X