സബ്സിഡിയുള്ള പാചകവാതക സിലിണ്ടര് ഒന്നിന് 5.57രൂപ വര്ധിപ്പിച്ചു. അതേസമയം സബ്സിഡിയില്ലാത്ത പാചകവാതക സിലിണ്ടറിന് 14രൂപ 50പൈസ കുറക്കുകയും ചെയ്തു. ഇതോടെ 14.2കിലോഗ്രാം തൂക്കം വരുന്ന സബ്സിഡിയില്ലാത്ത പാചകവാതക സിലിണ്ടറിന് 737.50 രൂപയില് നിന്ന് 723 രൂപയായി കുറഞ്ഞു.
വിമാന ഇന്ധനവിലയില് അഞ്ചുശതമാനം കുറവും വരുത്തിയിട്ടുണ്ട്. പുതുക്കിയ ഈ നിരക്കുകള് ഏപ്രില് ഒന്നുമുതല് പ്രാബല്യത്തില് വന്നതായി എണ്ണക്കമ്പനികള് അറിയിച്ചു.
കഴിഞ്ഞ മാര്ച്ച് ഒന്നിനാണ് സബ്സിഡിയില്ലാത്ത പാചകവാതകത്തിന് 86 രൂപ വര്ധിപ്പിച്ചിരുന്നത്. ഒന്നര മാസത്തിനിടയിലെ മൂന്നാമത്തെ വിലവര്ദ്ധനവാണ് എല്പിജി സിലിണ്ടറുകള്ക്ക് ഇപ്പോള് ഏര്പ്പെടുത്തിയത്. ഫെബ്രവരി അവസാനം സബ്സിഡിയില്ലാത്ത സിലിണ്ടറിന് 69.50 രൂപയും സബ്സിഡിയുള്ളവയ്ക്ക് 65.91 രൂപയും വര്ധിപ്പിച്ചിരുന്നു.
ഇനി ലൈസന്സ് ലഭിക്കാന് കുറച്ച് പാടുപെടും, ഡ്രൈവിംഗ് ടെസ്റ്റ് പരിഷ്കരിച്ചു