നഷ്ട പ്രതാപം തിരിച്ചു പിടിക്കാൻ നോക്കിയ വീണ്ടും ഇന്ത്യൻ വിപണിയിലെത്തുന്നു. നോക്കിയയുടെ പുതിയ സ്മാർട്ട് ഫോണുകളാണ് ഇന്ത്യൻ വിപണിയിൽ വിൽപ്പനയ്ക്കൊരുങ്ങുന്നത്. ജൂൺ 16 മുതൽ വിപണിയിലെത്തുന്ന നോക്കിയ 3 ആൻഡ്രോയിഡ് ഫോണിന്റ വില 9,499 രൂപയാണ്.
വില 9499 രൂപ മുതൽ
നോക്കിയ 3, നോക്കിയ 5 എന്നീ സ്മാർട്ട്ഫോണുകൾ യഥാക്രമം 9,499 രൂപയ്ക്കും 12,899 രൂപയ്ക്കുമാകും ലഭിക്കുക. ജൂൺ 16 മുതൽ നോക്കിയ 3 വിപണിയിലെത്തും. ഇടത്തരക്കാരെ ലക്ഷ്യമിട്ടുള്ളതാണ് ഈ ഫോൺ. നോക്കിയ 5നായി ജൂലൈ 7 മുതൽ ഓൺലൈൻ ബുക്ക് ചെയ്യാവുന്നതാണ്. 14999 രൂപ വില വരുന്ന നോക്കിയ 6 ജൂലൈ 14 മുതൽ ആമസോണിൽ ബുക്ക് ചെയ്യാം.
പ്രത്യേകത
യഥാർത്ഥ ജീവിതാനുഭവം, ലോകോത്തര രൂപകൽപ്പന, പതിവായുള്ള ആൻഡ്രോയിഡ് അപ്ഡേറ്റുകൾ എന്നിവയാണ് നോക്കിയ സ്മാർട്ട് ഫോണുകളുടെ പ്രത്യേകതയെന്ന് നോക്കിയ ഡയറക്ടർ പ്രണവ് ഷ്രോഫ് പറഞ്ഞു. ഇന്ത്യയിൽ എച്ച്.എം.ഡിയുമായി ചേർന്ന് 80000 റീടെയ്ൽ പോയിന്റുകൾ കണ്ടെത്തിയിട്ടുണ്ടെന്നും അദ്ദേഹം പറഞ്ഞു.
മികച്ച ബ്രാൻഡ്
ഉപഭോക്താക്കൾ ഏറ്റെടുത്ത ബ്രാൻഡാണ് നോക്കിയ. ആ വിശ്വാസ്യത പുതിയ സ്മാർട്ട് ഫോണും ഉറപ്പു നൽകുമെന്ന് നോക്കിയ ഇന്ത്യ വൈസ് പ്രസിഡന്റ് അജയ് മേത്ത പറഞ്ഞു.
സ്മാർട്ട്ഫോൺ മാർക്കറ്റ്
ലോകത്തെ ഏറ്റവും വേഗത്തിൽ വളരുന്ന സ്മാർട്ട്ഫോൺ വിപണിയാണ് ഇന്ത്യയിലേത്. സാംസംങാണ് ഇന്ത്യൻ വിപണിയിൽ ഇപ്പോഴും മുന്നിട്ട് നിൽക്കുന്ന ബ്രാൻഡ്. ഷവോമി, വിവോ, ലെനോവോ, ഓപ്പോ തുടങ്ങിയവ തൊട്ടുപിറകിൽ തന്നെ സ്ഥാനമുറപ്പിച്ചിട്ടുണ്ട്.
malayalam.goodreturns.in