ഏപ്രിൽ ഒന്നു മുതൽ രാജ്യത്ത് ഇന്ത്യാ പോസ്റ്റ് പേയ്മെന്റ് ബാങ്കുകൾ (ഐപിപിബി) പ്രവർത്തനമാനരംഭിക്കും. 650 ബ്രാഞ്ചുകൾ ആരംഭിക്കുമെന്ന് കേന്ദ്ര വാർത്താ വിനിമയ മന്ത്രി മനോജ് സിൻഹയാണ് പാർലമെന്റിനെ അറിയിച്ചത്.
206-17 സാമ്പത്തിക വർഷത്തിൽ ജനുവരി 30ന് ഛത്തീസ്ഗഡിലെ റായ്പൂരിലും ജാർഗണ്ഡിലെ റാഞ്ചിയിലും രണ്ട് ബ്രാഞ്ചുകൾ പരീക്ഷണാടിസ്ഥാനത്തിൽ തുറന്നിരുന്നു. എന്നാൽ പിന്നീട് നടപ്പു സാമ്പത്തിക വർഷം പുതിയ ബ്രാഞ്ചുകളൊന്നും ഐപിപിബി തുറന്നിട്ടില്ല.
2017 ജനുവരി 20 നാണ് പേയ്മെന്റ് ബാങ്ക് ആരംഭിക്കുന്നതിന് ആർബിഐ ഐപിപിബിക്ക് ലൈസൻസ് നൽകിയത്. ഒരു ലക്ഷം രൂപ വരെ നിക്ഷേപം സ്വീകരിക്കാനും കറന്റ് അക്കൗണ്ട്, സേവിങ്സ് അക്കൗണ്ട് എന്നിവ ലഭ്യമാക്കാനും കഴിയുന്നവയാണ് പേയ്മെന്റ് ബാങ്കുകള്.
നിക്ഷേപം സ്വീകരിക്കല്, പണം ഒരിടത്തുനിന്ന് മറ്റൊരിടത്തേക്ക് അയയ്ക്കല്, ഇന്റര്നെറ്റ് ബാങ്കിംഗ് തുടങ്ങിയ സേവനങ്ങള് പേയ്മെന്റ്സ് ബാങ്കിലൂടെ നടത്താന് കഴിയും. മ്യൂച്ച്വല് ഫണ്ടുകള്, ഇന്ഷുറന്സ്, പെന്ഷന് എന്നീ സേവനങ്ങളും നടത്താം.
malayalam.goodreturns.in