ജിയോയുടെ ഫീച്ചർ ഫോണിൽ ഇന്ന് മുതൽ ഫേസ്ബുക്കും ലഭിക്കും. ജിയോ ഫോണിന്റെ ഓപ്പറേറ്റിംഗ് സിസ്റ്റമായ ജിയോ കൈ (KAI OS) ഒഎസിനു വേണ്ടി പ്രത്യേകം തയാറാക്കിയ പതിപ്പാണ് ഇന്ന് പുറത്തിറക്കുന്നത്.
രാജ്യത്ത് നിലവിൽ 50 കോടിയോളം പേരാണ് ജിയോ ഫോണ് ഉപയോഗിക്കുന്നത്. പുഷ് നോട്ടിഫിക്കേഷനുകൾ, വീഡിയോ, ന്യൂസ് ഫീഡുകൾ, ഫോട്ടോ തുടങ്ങി ഫേസ്ബുക്കിന്റെ എല്ലാ സവിശേഷതകളും പുതിയ ഫേസ്ബുക്ക് ആപ്ലിക്കേഷനിലുണ്ടാകും.
ഫേസ്ബുക്കിനു പുറമേ മറ്റ് മൊബൈൽ ആപ്ലിക്കേഷനുകളും വൈകാതെ ജിയോ ഫോൺ ഉപഭോക്താക്കൾക്ക് ലഭ്യമാകുമെന്നാണ് വിവരം. ജിയോ മ്യൂസിക്, ജിയോ സിനിമ പോലുള്ള ആപ്ലിക്കേഷനുകളോട് കൂടിയതാണ് ഈ ഫീച്ചർ ഫോൺ.
ആൽഫാ ന്യൂമെറിക് കീപാഡ്, 2.4 ഇഞ്ച് ക്യുവിജിഎ ഡിസ്പ്ലേ, എഫ്എം റേഡിയോ തുടങ്ങിയ മറ്റനേകം ഫീച്ചറുകളും ഫോണിൽ ഉൾപ്പെടുന്നു. കൂടാതെ ഫോണിൽ 22 ഭാഷകൾ സപ്പോർട്ട് ചെയ്യും.
malayalam.goodreturns.in