പഞ്ചാബ് നാഷണല് ബാങ്ക് തട്ടിപ്പ് കേസിലെ പ്രതി നീരവ് മോദിയുടെ 9 ആഡംബര കാറുകള് എന്ഫോഴ്സ്മെന്റ് പിടിച്ചെടുത്തു. നീരവ് മോദിയുടെ മുംബൈയിലെ അലിബാഗിലുള്ള ഫാം ഹൗസിലാണ് സിബിഐ റെയ്ഡ് നടത്തിയത്.
ഇന്ത്യൻ ബാങ്കിംഗ് ചരിത്രത്തിലെ തന്നെ ഏറ്റവും വലിയ കുംഭകോണമാണ് കഴിഞ്ഞ ദിവസം റിപ്പോർട്ട് ചെയ്ത പഞ്ചാബ് നാഷണൽ ബാങ്ക് തട്ടിപ്പ്. വജ്രവ്യാപാരി നീരവ് മോദി പഞ്ചാബ് നാഷണല് ബാങ്കില് നിന്ന് 11400 കോടിയുടെ തട്ടിപ്പു നടത്തിയാണ് മുങ്ങിയിരിക്കുന്നത്. നീരവ് മോദി ഇന്ത്യയിൽ നിന്ന് സ്വിറ്റ്സർലൻഡിലേക്ക് നാടുവിട്ടിരിക്കുകയാണിപ്പോൾ.
കഴിഞ്ഞ ദിവസങ്ങളിലും സിബിഐ നീരവ് മോദിയുടെ സ്ഥാപനങ്ങളിലും വസതികളിലും റെയ്ഡ് നടത്തിയിരുന്നു. നീരവിന്റെ സ്ഥാപനങ്ങളില് നിന്ന് കോടികളുടെ സ്വത്ത് കണ്ടെത്തിയതാണ് റിപ്പോര്ട്ട്.
നീരവ് മോദിയുടെ മുംബൈയിലെ വീട്ടിലും പരിശോധന നടത്തിയിരുന്നു. ഏകദേശം 5,674 കോടിയുടെ സ്വത്തുക്കള് പിടിച്ചെടുത്തിട്ടുണ്ടെന്ന് എന്ഫോഴ്സമെന്റിൽ നിന്നുള്ള വിവരം.
malayalam.goodreturns.in