ജീവനക്കാരുടെ പിഎഫ് വിവരങ്ങൾ ചോർന്നു

രാജ്യത്തെ ജീവനക്കാരുടെ പി.എഫ്​ വിവരങ്ങൾ ചോർന്നെന്ന്​ ഇപിഎഫ്​ഒ. ജീവനക്കാരുടെ ആധാർ ഉൾപ്പടെയുള്ള വിവരങ്ങൾൾ ചോർന്നതായി കേന്ദ്ര ഇലക്​ട്രോണിക്​ മന്ത്രാലയത്തിന്​ ഇപിഎഫ്ഒ​ പരാതി നൽകി​.

aadhaar.epfoservise.com എന്ന വെബ്​സൈറ്റ്​ ഹാക്ക്​ ചെയ്​താണ്​ വിവരങ്ങൾ ചോർത്തിയതെന്നാണ്​ സൂചന. മാർച്ച്​ 23ന് വെബ്​സൈറ്റ്​ ഹാക്ക്​ ചെയ്​തുവെന്നും വിവരങ്ങൾ ചോർത്തിയെന്നുമാണ് ഇപിഎഫ്ഒ ഇലക്​ട്രോണിക്​ മന്ത്രാലയത്തിന് സമർപ്പിച്ചിരിക്കുന്ന പരാതി. നിലവിൽ ഈ വെബ്സൈറ്റ് ഇപ്പോൾ പ്രവർത്തിക്കുന്നില്ല. ജീവനക്കാരുടെ ആധാർ നമ്പർ, പേര്, ജനന തീയതി, പിതാവിന്റെ പേര്, പാൻ, തൊഴിൽ വിശദാംശങ്ങൾ തുടങ്ങിയവ ഉൾപ്പെടെയുള്ള വിവരങ്ങൾ ചോർന്നതായാണ് വിവരം.

എന്നാൽ ഈ വാർത്തകളോട്​ ഒൗദ്യോഗികമായി പ്രതികരിക്കാൻ ഇപിഎഫ്​ഒ തയാറായിട്ടില്ല. പി.എഫ്​ വിവരങ്ങൾ ചോരാൻ സാധ്യതയുണ്ടെന്ന്​ ഇൻറലിജൻസ്​ എജൻസി ഇപിഎഫ്ഒയ്ക്ക് മുന്നറിയിപ്പ്​ നൽകിയിരുന്നു.

നിലവിൽ 4.6 കോടി ജീവനക്കാരാണ്​ ഇപിഎഫ്​ഒക്ക്​ കീഴിൽ രജിസ്​റ്റർ ചെയ്​തിരിക്കുന്നത്​. ഇതിൽ 2.75 കോടി പേർ ആധാർ വിവരങ്ങൾ നൽകിയിട്ടുണ്ട്​. ഇതിൽ 1.25 കോടി ആധാർ അക്കൗണ്ട്​ വിവരങ്ങൾ ഇപിഎഫ്​ഒ വെരിഫൈ ചെയ്​തിട്ടുമുണ്ട്​. ഇപിഎഫ്​ഒയിൽ നിന്ന്​ ലഭ്യമാകുന്ന പല ഫീച്ചറുകൾക്കും നിലവിൽ ആധാർ കാർഡ്​ നിർബന്ധമാക്കിയിട്ടുണ്ട്​. എന്നാൽ എത്ര പേരുടെ വിവരങ്ങൾ ചോർന്നിട്ടുണ്ടെന്ന കാര്യത്തിൽ വ്യക്തതയില്ല.

malayalam.goodreturns.in