സ്വർണ വില ഇന്ന് കൂടി. പവന് 160 രൂപയാണ് ഇന്ന് വർദ്ധിച്ചത്. രണ്ടു ദിവസത്തിന് ശേഷമാണ് വിലയിൽ മാറ്റമുണ്ടായിരിക്കുന്നത്. പവന് 23,280 രൂപയാണ് വില. ഗ്രാമിന് 20 രൂപ വർധിച്ച് 2,910 രൂപയിലാണ് വ്യാപാരം പുരോഗമിക്കുന്നത്.
കഴിഞ്ഞ രണ്ട് ദിവസമായി 23,120 രൂപയും ഗ്രാമിന് 2,890 രൂപയിലുമാണ് വ്യാപാരം നടന്നിരുന്നത്. മേയ് മാസത്തിലെ ഏറ്റവും കുറഞ്ഞ വില
23,000 രൂപയാണ്. ഈ മാസം നാല് ദിവസം ഈ വിലയ്ക്ക് വ്യാപാരം നടന്നിരുന്നു.
ആഗോള വിപണിയിൽ ഇന്ന് സ്വർണ വില ഉയർന്നതാണ് ആഭ്യന്തര വിപണിയിലും വില ഉയരാൻ കാരണം. ഈ മാസത്തെ ഏറ്റവും കൂടിയ വില 23,400 രൂപയാണ്. ഈ മാസം ആദ്യം മുതൽ വിലയിൽ കാര്യമായ ഏറ്റക്കുറച്ചിലുകൾ രേഖപ്പെടുത്തുന്നുണ്ട്. എന്നാൽ ഈ മാസം ഏറ്റവും കുതൽ വ്യാപാരം നടന്നത് ഇന്നലത്തെ വിലയായ23120 രൂപയ്ക്കാണ്.
കഴിഞ്ഞ മാസം ആദ്യം മുതൽ വിലയിൽ ഉയർച്ചയാണ് രേഖപ്പെടുത്തിയിരുന്നത്. ഏപ്രിലിലെ ഏറ്റവും കുറഞ്ഞ വില 22600 രൂപയാണ്. ഏറ്റവും കൂടിയ വില 23,280 രൂപയും. എന്നാൽ കഴിഞ്ഞ വര്ഷത്തെ അപേക്ഷിച്ച് സംസ്ഥാനത്ത് സ്വര്ണത്തിന് പൊതുവെ കൂടിയ വിലയാണിപ്പോഴുള്ളത്. ഈ മാസം അവസാനിക്കാൻ ഒരാഴ്ച്ച മാത്രം ബാക്കി നിൽക്കേ വിലയിൽ വീണ്ടും ഏറ്റക്കുറച്ചിലുകളുണ്ടാകുമെന്നാണ് വ്യവസായികളുടെ അഭിപ്രായം.
malayalam.goodreturns.in