അംബാനി കുടുംബത്തിന് ആഘോഷിക്കാൻ പുതിയൊരു കാരണം കൂടി. ഇത്തവണ മകൾ ഇഷ സ്റ്റാൻഫോർഡ് ബിസിനസ് സ്കൂളിൽ നിന്ന് മാസ്റ്റർ ഓഫ് ബിസിനസ് അഡ്മിനിസ്ട്രേഷൻ (എംബിഎ) പൂർത്തിയാക്കിയതാണ് മുകേഷ് അംബാനിയിക്ക് അഭിമാന നിമിഷമായിരിക്കുന്നത്. നിലവിൽ റിലയന്സ് ജിയോ, റിലയന്സ് റീടെയില് സംരംഭങ്ങളിലെ ബോര്ഡംഗം കൂടിയാണ് ഇഷ.
ബിസിനസ് ജീൻ
ഈ വർഷം സ്റ്റാൻഫോർഡ് ബിസിനസ് സ്കൂളിൽ ബിരുദാനന്തര ബിരുദം നേടിയ 2,460 വിദ്യാർത്ഥികളിൽ ഒരാളാണ് ഇഷ. ബിസിനസ് തന്റെ ജീനുകളിലുണ്ടെങ്കിലും ബിസിനസ് അഡ്മിനിസ്ട്രേഷൻ തന്നെയാണ് ഇഷ പഠനത്തിനായി തിരഞ്ഞെടുത്തതും.
വിവാഹം ഡിസംബറിൽ
പിരാമല് വ്യവസായ ഗ്രൂപ് തലവന് അജയ് പിരാമലിന്റെയും ഭാര്യ സ്വാതിയുടെയും മകന് ആനന്ദുമായി ഇഷ അംബാനിയുടെ വിവാഹം ഉറപ്പിച്ചിരിക്കുകയാണ്. ഈ വര്ഷം ഡിസംബറിലാകും വിവാഹം.
ആനന്ദും ബിസിനസ് രംഗത്ത്
യൂണിവേഴ്സിറ്റി ഓഫ് പെന്സില്വാനിയയില് നിന്ന് സാമ്പത്തികശാസ്ത്രത്തില് ബിരുദം നേടിയ ആനന്ദ് പിരാമല് റിയാലിറ്റി, പിരാമല് സ്വസ്ഥ്യ എന്നീ സ്റ്റാര്ട്ട് അപ് സംരംഭങ്ങളുടെ സ്ഥാപകനാണ്. ഹാര്വാര്ഡ് ബിസിനസ് സ്കൂളില് നിന്ന് ബിസിനസ് അഡ്മിനിസ്ട്രേഷനില് മാസ്റ്റര് ബിരുദമാണ് ആനന്ദും നേടിയിരിക്കുന്നത്.
malayalam.goodreturns.in