വൊഡഫോൺ റെഡ് പോസ്റ്റ്പെയ്ഡ് വരിക്കാർക്ക് ഒരു വർഷത്തേക്ക് ആമസോൺ പ്രൈം അംഗത്വം. ഇൗ ഒാഫറിലൂടെ വൊഡഫോൺ ഉപഭോക്താക്കൾക്ക് പ്രീമിയം ഹോളിവുഡ്-ബോളിവുഡ് സിനിമകൾ, ടിവി ഷോകൾ, പ്രൈം വീഡിയോകൾ തുടങ്ങിയവയൊക്കെ കാണാം.
കൂടാതെ വരിക്കാർക്ക് പരസ്യമില്ലാതെ സൗജന്യ സംഗീതവും സ്ട്രീം ചെയ്യാം. മലയാളം, ഇംഗ്ലീഷ്, ഹിന്ദി, തമിഴ്, പഞ്ചാബി, തെലുങ്ക്, ബംഗാളി തുടങ്ങി അനേകം ഭാഷകളിലുള്ള ഗാനങ്ങൾ ഇതിൽ ഉൾപ്പെടുന്നു. ആമസോണിലെ ഉൽപ്പന്നങ്ങളെ കുറിച്ച് ആദ്യമായി അറിയാനും ഡീലുകളിൽ പങ്കെടുക്കാനും ഡിസ്ക്കൗണ്ട് നേടാനുള്ള അവസരവും ഇതോടൊപ്പം ലഭിക്കുന്നുണ്ട്.
വൊഡഫോൺ റെഡ് വരിക്കാർക്ക് മൂന്ന് അനായാസ സ്റ്റെപ്പുകളിലൂടെ ആമസോൺ പ്രൈം അംഗത്വം ആക്റ്റിവേറ്റ് ചെയ്യാം. ആദ്യം വോഡഫോൺ റെഡ് പോസ്റ്റ്പെയ്ഡ് പ്ലാനിലേക്ക് അപ്ഗ്രേഡ് ചെയ്യുക. എെഒഎസ് ആപ്പ് സ്റ്റോർ അല്ലെങ്കിൽ ഗൂഗിൾ പ്ലേ സ്റ്റോറിൽ നിന്നും വോഡഫോൺ പ്ലേ ആപ്പ് ഡൗൺലോഡ് ചെയ്യുക.
വോഡഫോൺ പ്ലേ ആപ്പ് തുറന്ന് സ്പെഷ്യൽ വോഡഫോൺ-ആമസോൺ ഒാഫർ ബാനറിൽ ക്ലിക്ക് ചെയ്യുക. മൊബൈൽ നമ്പറിലൂടെ ഒടിപി ലഭിക്കും. പ്രത്യേകിച്ച് ചാർജ് ഒന്നും ഇല്ലാതെ ഇതിലൂടെ വാലിഡേറ്റ് ചെയ്യാം.
malayalam.goodreturns.in