36 ദിവസത്തിന് ശേഷം സംസ്ഥാനത്ത് ഇന്ന് ഇന്ധന വിലയില് നേരിയ വര്ദ്ധനവ്. തിരുവനന്തപുരത്ത് ഒരു ലിറ്റര് പെട്രോളിന് 17 പൈസ വര്ദ്ധിച്ച് 78.80 രൂപയായി. ഡീസലിന് 12 പൈസ വര്ദ്ധിച്ച് 72.26 രൂപയ്ക്കാണ് വിൽപ്പന നടക്കുന്നത്.
കഴിഞ്ഞ ഒരു മാസക്കാലയളവിൽ പെട്രോൾ വില 22 തവണയും ഡീസൽ വില 18 തവണയും കുറച്ചിരുന്നു. പ്രധാന നഗരങ്ങളായ ഡൽഹിയിൽ 75.71 രൂപ, മുംബൈയിൽ 83.10 രൂപ, കൊൽക്കത്തയിൽ 78.39 രൂപ, ചെന്നൈയിൽ 78.57 രൂപ എന്നിങ്ങനെയാണ് പെട്രോളിന്റെ വില.
ഡീസലിന് ഡൽഹിയിൽ 67.5 രൂപ, മുംബൈ 71.62 രൂപ, കൊൽക്കത്ത, ചെന്നൈ എന്നിവിടങ്ങളിൽ യഥാക്രമം 70.05 രൂപ, 71.24 രൂപ എന്നിങ്ങനെയാണ് വില.
പെട്രോള്, ഡീസല് വില ജി.എസ്.ടിയില് ഉള്പ്പെടുത്തുന്നതിനെ കേരളം പിന്തുണയ്ക്കില്ലെന്ന് കഴിഞ്ഞ ദിവസം ധനമന്ത്രി തോമസ് ഐസക് വ്യക്തമാക്കിയിരുന്നു. ഇന്ധനവില കുറയ്ക്കാന് കേന്ദ്രം നികുതി കുറയ്ക്കണം. പെട്രോളിന് 200 ശതമാനത്തില് അധികവും ഡിസലിന് 300 ശതമാനത്തില് ല് അധികവും നികുതി വര്ദ്ധനവാണ് ഉണ്ടായതെന്നും അദ്ദേഹം ചൂണ്ടികാട്ടി.
malayalam.goodreturns.in