വ്യാപാര ആഴ്ചയുടെ ആദ്യ ദിനമായ ഇന്ന് ഓഹരി സൂചികകള് മികച്ച നേട്ടത്തില് ക്ലോസ് ചെയ്തു. സെന്സെക്സ് 276.86 പോയന്റ് ഉയര്ന്ന് 35,934.72ലും നിഫ്റ്റി 80.25 പോയന്റ് നേട്ടത്തില് 10,852.90ലുമാണ് വ്യാപാരം അവസാനിപ്പിച്ചത്.
യുഎസ് ജോബ് ഡാറ്റ സംബന്ധിച്ച വിവരങ്ങള് പുറത്തു വന്നതാണ് ഏഷ്യന് സൂചികകളിൽ ഇന്ന് നേട്ടമുണ്ടാകാൻ കാരണം. ഓട്ടോ, മെറ്റൽ, ഫാർമ, ഐടി സ്റ്റോക്കുകളാണ് ഇന്ന് മികച്ച പ്രകടനം കാഴ്ച്ച വച്ചത്.
വേദാന്ത, യെസ് ബാങ്ക്, ഏഷ്യന് പെയിന്റ്സ്, സണ് ഫാര്മ, റിലയന്സ്, പവര് ഗ്രിഡ് തുടങ്ങിയ ഓഹരികള് രണ്ടു മുതല് മൂന്നു ശതമാനം വരെ നേട്ടമുണ്ടാക്കി. നിഫ്റ്റി മിഡ്കാപ്പ് സൂചിക ഇന്ന് 291 പോയിന്റ് ഉയർന്നു.
ബാങ്ക് ഓഹരികളിൽ ഇന്ന് മികച്ച പ്രകടനം കാഴ്ച്ച വച്ചത് കർണാടക ബാങ്കാണ്. ഏഴ് ശതമാനം ഉയർച്ചയാണ് കർണാടക ബാങ്ക് നേടിയത്. ടിസിഎസ്, ബജാജ് ഓട്ടോ, കോള് ഇന്ത്യ, എച്ച്ഡിഎഫ്സി, ഇന്ഡസ്ഇന്ഡ് ബാങ്ക്, ഭാരതി എയര്ടെല് തുടങ്ങിയ ഓഹരികള് നഷ്ടത്തിലാണ് ഇന്ന് വ്യാപാരം അവസാനിപ്പിച്ചത്.
malayalam.goodreturns.in